Jeremi 42:19 - Maktub gə́ To gə Kəmee

¹⁹ Njesigənea̰ ula sí pana: Seḭ ges Judaje gə́ nai lé awje Ejiptə el. Maji kar sí gərje gao to gə́ ma m’ɔg sí dɔ’g ɓogənè ya.

Jeremi 42:19 Iomraidhean Croise

2 Sôrta Gḭka Israɛlje 24:19

Njesigənea̰ ula gə njéteggintaje rɔ dee’g gə mba kar dee tel ree sə dee rəa’g nɛ deḛ d’oo ta ndəjije lə dee gə́ ndəji dee lé el.

Nehemi 9:26

Lé bèe kara d’ḭ d’ɔsi rəw Deḛ d’ila godndui goo dee’g gogo ləm, Deḛ tɔl njéteggintaje ləi Gə́ ndəji dee kɔr mba kar dee tel ree rɔi’g lé ləm tɔ. Tɔɓəi deḛ ra néje gə́ yèr d’ila ne boo-rɔkulje dɔi’g.

Esai 21:12

Njeŋgəmloo lé tel ilá keneŋ pana: Loo si àr ya Nɛ loo to bidig ɓəi. Ɓó lé seḭ ndigi dəjije ta ndá Gə́ dəjije ya, Waje ndòo rɔ sí ndá gə́ telje reeje.

Jeremi 38:21

Nɛ ɓó lé i mbad teḛ kaw ndá aa oo, né gə́ Njesigənea̰ riba səm dəa ɓa nee:

Ejekel 17:15

Nɛ yeḛ lé ḭ ɔsee rəw, ula njékaḭkulaje ləa Ejiptə mba kar dee d’aree kundaje ləm, gə boo-njérɔje ləm tɔ. See yeḛ gə́ njera né togə́bè lé a teḛkɔr ya wa. See yeḛ a taa ne rəa ya wa. Yeḛ gaŋg kúla manrɔ ndá see yeḛ a taa rəa ya wa.

Ejekel 2:5

Lée d’oo ta tam’g əsé d’un mbi dee rəw dɔ’g kara, mbata deḛ to gel-bɔje gə́ to njékɔsta-rəwje lé, d’a gər to gə́ njetegginta kára si mbuna dee’g ya.

Ejekel 3:21

Nɛ ɓó lé ma m’ndəji njera né gə́ gə dɔ najee gə mba karee ra kaiya el ɓa yeḛ ra kaiya el ya tɔ ndá yeḛ a si kəmba mbata yeḛ ya̰ loo am m’ndəjee, bèe ɓa ma lé m’a taa ne rɔm ya.

Bula lə Israɛlje 14:3

Nɛ see gelee ban ɓa Njesigənea̰ ar sí n’reeje mee ɓee’g neelé ɓa mba kar sí j’wəije ta kiambas’g, kar denéje lə sí gə ŋgan síje tel to nékwa lə dəwje bèe wa. See tel kaw ɓee gə́ Ejiptə gogo lé maji unda kisi nee el wa.

Néra Njékaḭkulaje 2:40

Piɛrə pa taje gə́ raŋg bula ɔm dɔ’g ɓəi ndəji dee ne ləm, man dee ne ləm tɔ pana: Saaje rɔ sí rɔ ginkoji dəwje gə́ dɔ naŋg nee gə́ njéra néje gə́ yèr neelé ɓó gə ajije ne ya.

Njé gə́ Epesə 4:17

Ooje ta gə́ ma m’ula sí ləm, ta gə́ m’pa njaŋg gə ri Mbaidɔmbaije ləm tɔ lé maji kar sí njaaje asəna gə njépole-magəje el ŋga mbata deḛ nja ndolè goo takə̰ji lə deḛ gə́ gə mḭdé-mḭdé ba.

Tel tura Godndu 17:16

Nɛ maji karee aw gə kundaje bula el ləm, karee ar koso-dəwje tel d’aw Ejiptə ɓa gə mba kiŋga ne kundaje bula el ləm tɔ, mbata Njesigənea̰ ula sí kédé pana: Seḭ a telje kawje rəw’g neelé gogo el ŋga.

Tel tura Godndu 31:21

togə́bè ɓa loo gə́ némajelje gə nékəmndooje bula d’a teḛ dɔ dee’g mba̰ ndá pakɔs neelé gə́ meḛ dee a kwəi dɔ’g el ləm, gə taree a to ta ŋgaka deeje ləm tɔ lé a kɔr ta kila dɔ koso-dəwje’g neelé. Tɔgərɔ ya, ma m’gər takə̰jije gə́ meḛ dee’d gə́ m’oo ɓogənè lé ɓad ɓa m’a gə kar dee d’andə mee ɓee gə́ ma man rɔm gə mba kar dee lé ɓəi.

1 Njé gə́ Tesalonikə 4:6

Maji kar dəw kára kara unda kəm maree jibi taa ne né ləa el ləm, ar kəmee əḭ dɔ né’g lə maree gə́ rara kara el ləm tɔ, mbata Mbaidɔmbaije ɓa gə́ njedalba̰ néje neelé lai to gə́ jeḛ j’ula sí taree ndəji sí ne kédé ya.