Jeremi 42:15 - Maktub gə́ To gə Kəmee

¹⁵ ndá maji kar sí ooje ta lə Njesigənea̰, seḭ ges Judaje gə́ naije! Njesigənea̰ gə́ njeboo-néje, Ala lə Israɛlje pa togə́bè pana: Ɓó lé seḭ aarje njaŋg Dɔ kaw Ejiptə’g ləm, Ɓó lé seḭ aw síje keneŋ ləm tɔ ndá

Jeremi 42:15 Iomraidhean Croise

Gḭ-Néje 31:21

Yeḛ aw gə néje lai gə́ to kea̰-yeḛ nja. Yeḛ ḭ gaŋg baa ndá aw par gə́ dɔ mbal gə́ ria lə Galaad.

Jeremi 27:8

Ɓó lé ginkoji dəwje əsé ɓeeko̰ mbad koso gel Nebukadnesar, mbai gə́ Babilɔn ləm, d’ula gwɔb dee taa ne néməməna̰ lə mbai gə́ Babilɔn el ləm tɔ ndá m’a kar bo̰ néra ginkoji dəwje lai neelé ɔs ta dee’g gə kiambas ləm, gə ɓoo-boo ləma, gə yoo-koso ləm tɔ saar kar dee d’udu bo̰. Njesigənea̰ ɓa pa bèe.

Jeremi 42:17

Deḛ lai gə́ d’a kaar njaŋg Dɔ kaw Ejiptə’g kaw kisi keneŋ lé D’a kwəi yoo-kiambas ləm, Gə yoo-ɓoo-boo ləma, Gə yoo-koso ləm tɔ Ɓó dəw kára kara a nai el ləm, Dəw kára kara a kaḭ No̰ némeekonje gə́ m’a kar dee ree Dɔ dee’g lé el ləm tɔ.

Jeremi 44:24

Jeremi tel ula koso-dəwje lai gə denéje lai tɔɓəi pana: Ooje ta lə Njesigənea̰, seḭ dəwje lai gə́ Juda gə́ síje mee ɓee gə́ Ejiptə lé!

Loo gə́ killa rea kəm Daniel’g 11:17

Yeḛ a kwɔji mba ree gə nésiŋgamoŋ lə ɓeeko̰ ləa lai ləm, gə mba gɔl ta kɔm na̰’d kisi ne gə meelɔm gə mbai gə́ dɔkɔl ləm tɔ. Tɔɓəi yeḛ a karee ŋgonee gə́ dené gə́ dené ləa mba kar tuji-boo oso ne dəa’g. Nɛ né neelé a to el ləm, a teḛkɔr el ləm tɔ.

Lugu 9:51

Ndɔ gə́ Jeju a gə sa rəa mbuna dəwje gə́ dɔ naŋg nee gə mba kḭ kaw dara nai dəb, ar ta kaw gə́ Jerusalem o̰ Jeju yaa̰.

Tel tura Godndu 17:16

Nɛ maji karee aw gə kundaje bula el ləm, karee ar koso-dəwje tel d’aw Ejiptə ɓa gə mba kiŋga ne kundaje bula el ləm tɔ, mbata Njesigənea̰ ula sí kédé pana: Seḭ a telje kawje rəw’g neelé gogo el ŋga.