Jeremi 42:11 - Maktub gə́ To gə Kəmee

¹¹ Maji kar sí ɓəlje mbai gə́ Babilɔn Gə́ seḭ ɓəleeje lé el, Ɓəleje el ɓó, Njesigənea̰ ɓa pa bèe, Mbata m’a nai sə sí mba kaji sí ləm, Gə mba kɔr sí jia’g ləm tɔ,

Jeremi 42:11 Iomraidhean Croise

2 Mbaije 25:26

Togə́bè ɓa koso-dəwje lai un kudee dɔ njé gə́ gɔ-gɔ’g saar teḛ ne dɔ njé gə́ boo-boo’g ləm, gə ɓé-njérɔje ləm tɔ lé, d’ḭ d’aw Ejiptə mbata deḛ ɓəl njé gə́ Kalde tɔ.

Pakɔsje 118:6

Njesigənea̰ lé to njela səm, Ma m’ɓəl né kára kara el. See ɗi ɓa dəwje d’askəm ra səm ɓəi wa.

Pakɔsje 46:11

Maji kar sí aarje gèŋ ooje to gə́ ma m’to Ala ya, Ma m’o̰ ɓee dɔ ginkoji dəwje gə raŋg’g ləm, Ma m’o̰ ɓee dɔ naŋg nee bura ləm tɔ.

Pakɔsje 46:7

Ginkoji dəwje gə raŋg lé d’aw dɔ na̰’d pum-pum D’ar ŋgira ɓeeko̰je gə́ dɔ naŋg nee yə, Yeḛ ar dee d’oo ndia ndá Dɔ naŋg ula déréré-dèrèrè gə ɓəl.

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Esai 43:2

Ɓó lé seḭ aw gaŋgje mán ndá M’a nai sə sí Ndá baa-booje d’a tur dɔ sí el, Ɓó lé seḭ njaaje dan pər’g ndá A roo sí el ləm, Ndo̰ pər a kunda sí bilim el ləm tɔ.

Esai 43:5

Ɓəlje el mbata ma m’nai sə sí, M’a kar ŋgaka síje d’ḭ bər ree ləm, M’a mbo̰ deḛ gə́ d’isi dɔ-gó mba ree sə dee ləm tɔ.

Jeremi 1:19

Deḛ d’a rɔ səi Nɛ deḛ d’a dum dɔi el, Mbata m’a nai səi mba kajii, Njesigənea̰ ɓa pa bèe.

Jeremi 1:8

I a ɓəl kəm dee el, Mbata m’a nai səi gə mba kajii. Njesigənea̰ ɓa pa bèe.

Jeremi 15:20

N’a telm asəna gə ndògo-larkas Mbata lə koso-dəwje neelé. D’a rɔ səm nɛ d’a dum dɔm el. Mbata n’a nai səm gə mba kajim ləm, Mba kɔrm ji dee’g ləm tɔ. Njesigənea̰ ɓa pa bèe.

Jeremi 27:11

Nɛ ginkoji dəwje gə́ d’a kula gwɔb dee gel néməməna̰’g lə mbai gə́ Babilɔn gə mba koso gelee’g ndá m’a kya̰ dee mee ɓee’g lə dee kar dee d’isi keneŋ ləm, kar dee ndɔ-ndɔ keneŋ ləm tɔ. Njesigənea̰ ɓa pa bèe.

Jeremi 27:12

Ma m’ula Sedesias, mbai gə́ Juda taje neelé togə́bè ya to m’pana: Ulaje gwɔb sí taaje ne néməməna̰ lə mbai gə́ Babilɔn osoje ne gelee’g ləm, gə gel koso-dəwje’g ləa ləm tɔ ndá a síje ne kəmba ya.

Jeremi 27:17

Maji kar sí ooje ta lə dee el nɛ osoje gel mbai gə́ Babilɔn’g ndá seḭ a síje ne kəmba. See gelee ban ɓa ɓee-boo neelé a tel tuji pugudu wa.

Jeremi 41:18

deḛ ɓəl mbata Ismael, ŋgolə Netania tɔl Gedalia, ŋgolə Ahikam gə́ mbai gə́ Babilɔn undá gə́ njeguburuɓee lé.

Bula lə Israɛlje 14:9

Nɛ maji kar sí ḭje ɔsje Njesigənea̰ rəw el ləm, ɓəlje dəwje gə́ mee ɓee’g neelé el ləm tɔ mbata d’a to naḭ dɔ muru lə sí ləm, né gə́ njetaa dɔ dee godo ləm tɔ: Njesigənea̰ nai sə sí ya ɓó ɓəl deeje el!

Matiyo 10:28

Deḛ gə́ tɔl darɔ sí ɓó d’askəm tɔl kankəmrɔ sí el lé ɓəl deeje el. Yeḛ gə́ askəm tuji kankəmrɔ sí gə darɔ sí na̰’d dan pər’g ɓa ɓəleeje.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Néra Njékaḭkulaje 18:10

mbata ma nja m’nai səi ya. Dəw kára kara a kɔrɔ rɔi ra səi majel el mbata koso-dəwje gə́ bula digi-digi mee ɓee-boo’g neelé to gə́ kama ya.

Njé gə́ Rɔmə 8:31

See j’a pa ban dɔ ta’g neelé ɓəi wa. Ɓó lé Ala nai sə sí ndá see na̰ ɓa a koma̰ sə sí gə dɔrea wa.

Tel tura Godndu 20:4

Mbata Ala lə sí gə́ Njesigənea̰ aw sə sí gə mba rɔ gə njéba̰je lə sí ləm, gə mba kaji sí ne ləm tɔ.

2 Timote 4:17

Mbaidɔmbaije nja la səm ləm, yeḛ to dərgelm ləm tɔ mba kar tagə́maji lé ɓar ne mḭ tam’g ləm, mba kar njépole-magəje lai d’oo taree ləm tɔ. Yeḛ am m’wa dɔm ta toboḭ’g m’bɔr.

Jujé 1:5

Gə mee ləbje lai gə́ i a si ne kəmba lé dəw kára kara a kaskəm kaar gəs nɔḭ’g el. M’a gə nai səi to gə́ m’nai ne gə Moyis bèe ya. M’a kɔr kya̰’i el ləm, m’a kubai kya̰’i el ləm tɔ.

Jujé 1:9

See m’un ndum m’ari m’pana: Wa rɔi kɔgərɔ ləm, wa diŋgam məəi’g ləm tɔ, see m’pa bèe el wa. Ar ɓəl rai el ləm, ar siŋgasa wai el ləm tɔ mbata Njesigənea̰, Ala ləi a nai səi gə loo gə́ rara gə́ i a kaw keneŋ lé ya.