Jeremi 42:10 - Maktub gə́ To gə Kəmee

¹⁰ Ɓó lé seḭ naije mee ɓee’g nee Ndá m’a kar sí síje keneŋ ɓó M’a tuji sí el, M’a ma̰a sí ndá m’a tɔr sí el, Mbata ma m’ya̰ goo majel Gə́ m’wɔji-kwɔji ra sə sí lé.

Jeremi 42:10 Iomraidhean Croise

2 Samel 24:16

To gə́ kura gə́ dara ula jia ndiŋ gə́ dɔ Jerusalem’d gə mba tujee ne ndá Njesigənea̰ ar goo takə̰ji ləa yɔr dɔ némajel’g neelé ndá yeḛ ula kura gə́ dara gə́ ar koso-dəwje tuji lé pana: As ŋga! Rəm gə jii gə́ rɔi’g ɓasinè. Kura lə Njesigənea̰ gə́ dara lé aar mbɔr loo-kunda-kó’g lə Arabna, dəw gə́ Yebus.

Pakɔsje 102:16

Yen ŋga ginkoji dəwje gə raŋg d’a ɓəl ne ri Njesigənea̰ ləm, Mbaije lai gə́ dɔ naŋg neelé kara D’a ɓəl rɔnduba ləi lé ya ləm tɔ.

Pakɔsje 106:45

Yeḛ ar mée olé dɔ manrɔ’g ləa Oo ne kəmtondoo lə dee gə goo bao-meemaji ləa lé ləm,

Pakɔsje 37:3

Maji kari ɔm məəi dɔ Njesigənea̰’g ra ne né gə́ maji, Yee ɓa i a si ne mee ɓee’g ləm, a si ne lɔm ləm tɔ.

Pakɔsje 69:35

Maji kar naŋg gə dara gə baa-boo-kadje Gə néje lai gə́ to keneŋ lé d’ɔs gajee!

Teḛ-Raga 32:14

Njesigənea̰ uba goo takə̰ji ləa ya̰ dɔ né gə́ majel’d gə́ yeḛ pa kédé pana: N’a gə ra gə dəwje lə neḛ neelé.

Jeremi 24:6

M’a koo dee gə kəm gə́ maji ləm, m’a tel ree sə dee mee ɓee’g neelé gogo ləm tɔ. M’a kunda dee lée’g ɓó m’a tuji dee el ŋga ləm, m’a ma̰a dee ɓó m’a tɔr dee el ŋga ləm tɔ.

Jeremi 26:19

See Ejekias, mbai gə́ Juda gə koso-dəwje lai gə́ Juda tɔlee wa. See Ejekias ɓəl Njesigənea̰ el wa. See yeḛ ra ndòo rɔ Njesigənea̰’g el wa. Bèe ɓa Njesigənea̰ ya̰ ne goo némajel gə́ yeḛ pa taree wɔji ne dɔ dee lé. Ŋga see jeḛ lé j’a ra kaiya gə́ boo bèe kila ne ta dɔ sí’g wa.

Jeremi 27:11

Nɛ ginkoji dəwje gə́ d’a kula gwɔb dee gel néməməna̰’g lə mbai gə́ Babilɔn gə mba koso gelee’g ndá m’a kya̰ dee mee ɓee’g lə dee kar dee d’isi keneŋ ləm, kar dee ndɔ-ndɔ keneŋ ləm tɔ. Njesigənea̰ ɓa pa bèe.

Jeremi 31:28

To gə́ kédé m’orè ne kəm dɔ dee’g sḭ m’ɔr dee ne ləm, m’təd dee ne rém-rém ləm, m’unda dee ne naŋg rə̰dəŋ-rə̰dəŋ ləm, m’tuji dee ne pugudu-pugudu ləma, m’ɓugu dee ne ta némajelje’g ləm tɔ lé ndá ɓasinè m’a korè kəm dɔ dee’g sḭ togə́bè ya to gə mba kunda dee ne tar ləm, gə mba ma̰a dee ne ləm tɔ. Njesigənea̰ ɓa pa bèe.

Jeremi 33:7

M’a tel gə Judaje gə Israɛlje gə́ d’wa dee ɓər lé ree sə dee ɓée, ree kunda dee kar dee d’isi to gə́ kédé lé ya.

Jeremi 43:4

Yen ŋga Jokana, ŋgolə Karea ləm, gə ɓée kudu-njérɔje lai ləm, gə koso-dəwje lai ləm tɔ lé d’ila koji dɔ ta’g lə Njesigənea̰ gə́ un ndia ar dee mba kar dee nai mee ɓee gə́ Juda’g lé el.

Ejekel 36:36

Ginkoji dəwje gə raŋg gə́ nai gugu dɔ sí sub lé d’a gər to gə́ neḛ Njesigənea̰ ya n’tel gə né gə́ təd kərm-kərm lé n’ra gogo ləm, né gə́ n’tɔr lé n’tel mea̰ gogo ləm tɔ. Neḛ Njesigənea̰ m’pata ndá n’a ra née ya.

Ojee 11:8

See ɗi ɓa m’a ra sə sí-seḭ Eprayimje wa. Ǝi Israɛlje! See m’a kuba sí kya̰ sí ji dee’g wa. See m’a ra sə sí to gə́ m’ra ne gə deḛ gə́ d’isi mee ɓee gə́ Adma wa. See m’a kar sí toje asjena gə ɓee gə́ Seboyim wa. Meem tila ŋgaḭla-ŋgaḭla ləm, Meem aw taḭ-taḭ ləm tɔ.

Joɛl 2:13

Arje ɓəŋgərə sí ɓa ti dus Ɓó tilje kubuje lə sí ɓa ba el, Ɔsje badm telje gə́ rɔ Njesigənea̰, Ala’g lə sí, Mbata yeḛ to njemeekaw taḭ-taḭ ləm, Gə njemeekɔrjol ləm, Oŋg ḭ səa kalaŋ el ləma, Yeḛ to bao-meemaji ləm tɔ Ndá yeḛ rəm gə ndia dɔ némajelje’d Gə́ yeḛ wɔji mba ra lé.

Amɔs 7:3

Njesigənea̰ tel gə ndia pana: Né neelé a teḛ el ŋga.

Amɔs 7:6

Njesigənea̰ tel gə ndia dɔ néra gə́ togə́bè’g lé. Ndá Njesigənea̰ pana: Né neelé kara a teḛ el ŋga tɔ.

Junas 3:10

Ala oo to gə́ deḛ ra togə́bè ləm, deḛ tel d’ya̰ goo rəw néra gə́ majel lə dee ləm tɔ. Togə́bè ɓa Ala tel ne gə ndia ar goo takə̰ji gə́ wɔji dɔ né gə́ majel gə́ yeḛ wɔji-kwɔji ra sə dee lé yɔr ne ləm, yeḛ ra ne née el ləm tɔ.

Junas 3:4

Junas aw mee ɓee-boo’g neelé njaa keneŋ as ndɔ kára ndá yeḛ ɔr ndia gə́ tar wəl ula dee pana: Nai ndɔ rɔ-sɔ ba gə mba kar Ninibə tuji pugudu ya.

Junas 4:2

Yeḛ ra tamaji ta Njesigənea̰’g no̰ ne təa’g pana: Ǝi Njesigənea̰, see ta neelé to ta gə́ ma m’pa loo gə́ ma m’nai ne ɓee-sim’g ɓəi el wa. Gelee gə́ nee ɓa ma m’ḭ ne kalaŋ gə mba kaḭ kaw ne Tarsis gə mbəa. Mbata ma m’gər gao to gə́ i to Ala gə́ njekookəmto̰doo ləm, gə njemeekɔrjol ləm tɔ. I lé oŋg ḭ səi kalaŋ el ləm, i to bao-meemaji ləm tɔ ɓa i ar takə̰ji ləi gə́ wɔji dɔ néraje gə́ majel lé yɔr ne.

Néra Njékaḭkulaje 15:16

Gée gə́ gogo ndá n’a tel ree Ndá n’a kun kəi-kubu lə Dabid gə́ oso lé kuree tar lée gogo. N’a gɔl dɔ loo-tuji ləa kun kunda tar lée’g ɗaŋg,

Tel tura Godndu 32:36

Njesigənea̰ a gaŋg rəwta dɔ koso-dəwje’g ləa, Nɛ yeḛ a koo kəmtondoo lə kuraje ləa Loo gə́ yeḛ oo to gə́ siŋga dee godo lé Ar ɓər əsé dəw gə́ to ŋgonkoji kara godo tɔ.

Njéga̰g-Rəwtaje 2:18

Loo gə́ Njesigənea̰ ar dee njegaŋ-rəwta mba̰ ndá Njesigənea̰ nai gə njegaŋ-rəwta neelé tɔɓəi yeḛ ɔr dee ji njéba̰je’g lə dee ɔm dee tar mee ndəa gə́ njegaŋ-rəwta neelé si ne kəmba ɓəi, mbata Njesigənea̰ lé oo ndu no̰ nékəmndoo gə́ ra dee loo gə́ deḛ tuma̰ ne ŋgururu-ŋgururu no̰ deḛ gə́ njéra sə dee majelje’d gə́ d’ula kəm dee ndòo lé.