Jeremi 42:1 - Maktub gə́ To gə Kəmee

¹ Ɓée kudu-njérɔje lai gə Jokana, ŋgolə Karea gə Jejania, ŋgolə Hosee ləm, gə koso-dəwje lai gə́ un kudee dɔ ŋganje’g saar teḛ ne dɔ njé gə́ tɔg’d ləm tɔ lé rəm pər

Jeremi 42:1 Iomraidhean Croise

2 Mbaije 25:23

Loo gə́ ɓé-njérɔje, deḛ gə dəwje lə dee d’oo to gə́ mbai gə́ Babilɔn unda Gedalia gə́ njeguburuɓee ndá deḛ d’aw rəa’g mee ɓee gə́ Mispa, deḛ lé ri dee ɓa nee: Ismael, ŋgolə Netania ləm, gə Jokanan, ŋgolə Kareak ləm, gə Seraja, ŋgolə Tanumet, dəw gə́ Netopa ləma, gə Jaajania, ŋgolə Maakat ləm tɔ, deḛ gə dəwje lə dee.

Esai 29:13

Mbaidɔmbaije pana: Loo gə́ koso-dəwje nee ŋgəs pər gə́ rɔm’g ndá Taje gə́ ta dee’g ɓa d’ila ne riɓar dɔm’g Nɛ meḛ dee nai səm əw ləm, Ɓəl gə́ deḛ ɓəlm lé To gə goo torndu gə́ wɔji dɔ néjiɓee lə dəwje ba ləm tɔ.

Esai 48:1

Ooje ta nee, Seḭ gel-bɔje lə Jakob, Seḭ gə́ undaje ri Israɛl dɔ sí’g ləm, Seḭ gə́ ḭje ginka’g lə Juda ləm tɔ, Seḭ gə́ manje rɔ sí gə ri Njesigənea̰ ləm, Seḭ gə́ ɓarje ri Ala lə Israɛlje ləm tɔ Nɛ lal kankəmta gə néra gə́ danasur lé!

Jeremi 37:3

Mbai Sedesias ula Jukal, ŋgolə Selemia, gə Soponi, ŋgolə Maaséja, njekinjanéməs rɔ Jeremi, njetegginta’g mba kar dee d’ulá pana: Maji kari ra ndòo rɔ Njesigənea̰ Ala’g lə sí lé mbata lə sí.

Jeremi 40:13

Ndɔ kára bèe Jokana, ŋgolə Karea gə mbai dɔ kudu-njérɔje gə́ d’isi mee wala’g lé ree rɔ Gedalia’g mee ɓee gə́ Mispa ndá

Jeremi 40:8

deḛ d’aw rɔ Gedalia’g mee ɓee gə́ Mispa. Deḛ gə́ d’aw lé ɓa nee: Ismael, ŋgolə Netania ləm, gə Jokana gə Jonatan, ŋgalə Karea ləm, gə Seraja, ŋgolə Tanumet ləm, gə ŋgalə Epai, dəw gə́ Netopa ləm, gə Jesania, ŋgolə Maakat ləma, deḛ gə dəwje lə dee ləm tɔ.

Jeremi 41:11

Jokana, ŋgolə Karea gə mbai dɔ kudu-njérɔje lai gə́ d’isi səa lé d’oo sor némajelje lai gə́ Ismael, ŋgolə Netania ra lé.

Jeremi 41:16

Jokana, ŋgolə Karea gə mbai dɔ kudu-njérɔje lai gə́ d’aw səa lé taa ges koso-dəwje lai gə́ nai ji Ismael’g, ŋgolə Netania, deḛ gə́ yeḛ ɔr dee Mispa aw sə dee lé goo tɔl gə́ yeḛ tɔl Gedalia, ŋgolə Ahikam’g lé. Jokana ar diŋgamje gə́ to njérɔje, gə denéje, gə ŋganje, gə njékaa dɔ néje d’ḭ Gabao̰ tel ree səa.

Jeremi 41:18

deḛ ɓəl mbata Ismael, ŋgolə Netania tɔl Gedalia, ŋgolə Ahikam gə́ mbai gə́ Babilɔn undá gə́ njeguburuɓee lé.

Jeremi 42:20

Seḭ nja seḭ suje kəm rɔ sí mbata seḭ ulamje rɔ Njesigənea̰, Ala’g lə sí mba pa pana: M’ra ndòo rɔ Njesigənea̰ Ala’g lə sí mbata lə sí ləm, m’ula sí taje lai gə́ Njesigənea̰, Ala lə sí pa lé ləm tɔ ndá seḭ a raje née ya.

Jeremi 42:8

Yen ɓa Jeremi ɓar Jokana, ŋgolə Karea gə ɓée kudu-njérɔje lai gə́ d’aw səa ləm, gə koso-dəwje lai un kudee dɔ ŋganje’g saar teḛ ne dɔ njé gə́ tɔg’d ləm tɔ.

Jeremi 43:2

ndá Ajaria, ŋgolə Hosee gə Jokana, ŋgolə Karea gə dəwje nee lai gə́ to njébeeleje lé d’ula Jeremi pana: I pata ŋgɔm. Ala lə sí gə́ Njesigənea̰ ulai mba kari ula sí pana: Maji kar sí j’aw j’isije Ejiptə el lé bèe godo.

Jeremi 44:12

M’a kwa ges Judaje gə́ d’wɔji njaŋg mba kaw mee ɓee gə́ Ejiptə mba kaw si keneŋ lé ndá deḛ lai d’a tuji pugudu ləm, d’a kwəi mburug-mburug mee ɓee gə́ Ejiptə’g ləm tɔ. D’a kwəi yoo-kiambas ləm, gə yoo-ɓoo-boo ləm tɔ un kudee dɔ dəwje gə́ gɔ-gɔ’g saar teḛ ne dɔ dəwje gə́ boo-boo’g tɔ. D’a kwəi yoo-kiambas gə yoo-ɓoo-boo ləm tɔ ndá d’a to nékṵ kunda yoo dɔ’g lə dəwje ləm, gə néɓəl ləm, gə nékila ndɔl dɔ’g ləma, gə nékila rɔkul-boo dɔ’g ləm tɔ.

Jeremi 6:13

Mbata un kudee dɔ dəwje Gə́ gɔ-gɔ’g saar teḛ ne dɔ deḛ gə́ boo-boo’g lé Deḛ lai lé mal kiŋga né Gə́ gə goo rəbee el ra dee ŋgwɔd-ŋgwɔd, Un kudee dɔ njetegginta’g saar teḛ ne dɔ njekinjanéməs’g lé Deḛ lai to njésukəmlooje.

Jeremi 8:10

Gelee gə́ nee ɓa n’a kar denéje lə dee Tel to ne ka̰ njé gə́ raŋg ləm, Loo-ndɔje lə dee n’a kar njé gə́ raŋg Taa gə́ ka̰ dee ləm tɔ. Mbata un kudee dɔ dəwje gə́ gɔ-gɔ’g Saar teḛ ne dɔ njé gə́ boo-boo’g lé Mal kiŋga né gə́ gə goo rəbee el Ra dee ŋgwɔd-ŋgwɔd. Un kudee dɔ njéteggintaje’g Saar teḛ ne dɔ njékinjanéməsje’g lé Deḛ lai to njésukəmlooje.

Ejekel 11:1

Ndil lé unm aw səm tarəwkəi’g lə Njesigənea̰ gə́ to bər gə́ tel təa par gə́ bər. Ndá aa oo, dəwje rɔ-joo-gir-dee-mi d’isi tarəw gə́ loo-kandə-kəi’g, tɔɓəi ma m’oo Jaasania, ŋgolə Ajur gə Pelatia, ŋgolə Benaja deḛ gə́ to mbaije lə koso-dəwje lé mbuna dee’g lé.

Ejekel 33:31

Deḛ d’aw rɔi’g bula ndá koso-dəwje lə neḛ d’isi naŋg nɔḭ’g, d’oo taje gə́ ḭ tai’g nɛ deḛ ra née el mbata ta dee ɓa deḛ su ne kəm loo ləm, d’ya̰ meḛ dee yag gə́ dɔ mal néje’g gə goo rəbee el ləm tɔ.

Ejekel 8:11

Dəwje rɔ-siri mbuna ŋgatɔgje’g lə gel-bɔje lə Israɛl lé d’aar no̰ magəje’g neelé gə bai roo né gə́ ə̰də sululu lé ji dee’g ji dee’g ar Jaasania, ŋgolə Sapan aar dan dee’g ndá sa néje gə́ ə̰də sululu lé tuu udu loo lus-lus.

Matiyo 15:8

Koso-dəwje neelé ta dee ɓa deḛ təd ne kagm, Nɛ meḛ dee nai səm əw.

Néra Njékaḭkulaje 8:10

Koso-dəwje lai d’ur mbi dee gèŋ gə́ dəa’g, deḛ gə́ nai ŋganje ləm, gə deḛ gə́ to gə́ ɓugaje ləm tɔ lé ar dee pana: Yeḛ neelé to gə́ siŋgamoŋ lə Ala gə́ deḛ ɓaree siŋgamoŋ gə́ boo lé.