Jeremi 41:7 - Maktub gə́ To gə Kəmee

⁷ Loo gə́ deḛ teḛ dan mee ɓee-boo’g dana bab ndá Ismael, ŋgolə Netania tḭja gwɔs dee ar dəwje gə́ d’aw səa la səa mba kɔm dee mee bwa-mán’g.

Jeremi 41:7 Iomraidhean Croise

2 Mbaije 15:25

Péka, ŋgolə Remalia gə́ to ɓé-njérɔje lə mbai lé o̰ njuma̰ dəa’g ndá tɔlee Samari mee kəi-mbai’g gə́ to kəi lə mbai ləm, yeḛ tɔl Argob gə Arie kara səa na̰’d ləm tɔ, yeḛ aw gə dəwje rɔ-mi gə́ to Galaadje. Togə́bè ɓa yeḛ tɔl ne Pekahia ndá yeḛ o̰ ne ɓee toree’g.

Pakɔsje 55:23

Maji kari ɔm nékodoje ləi gə́ wɔi dɔ Njesigənea̰’g Ndá yeḛ nja a gədi, Yeḛ a kya̰ loo kar né kára kara yə ŋgira njemeekarabasur lé el.

Gosota-Kəmkàrje 1:16

Mbata gɔl dee un dee pélé-pélé gə́ loo néra gə́ majel’g ləm, Deḛ d’ɔs rɔ dee ɓad Gə mba kila məs ləm tɔ.

Esai 14:19

Nɛ i lé d’ilai əw Ɓó mee bwa-dubi’g el Asəna gə barkəmkag gə́ d’ə̰jee bəḭ-bəḭ bèe ləm, Asəna gə dəwje gə́ tɔs dee gə kiambas tɔl dee tɔr né rɔ dee’g Ɓa tɔs dee tila dee dɔ kɔri-ərje gə́ mee bwa’g ləma, Asəna gə nin gə́ tubá naŋg gə gɔl dee bèe ləm tɔ.

Esai 59:7

Gɔl dee un dee pélè-pélè Gə́ dɔ néra gə́ majel’g ləm, D’ɔs rɔ dee ɓad Gə mba kila məs dəw gə́ ta wa dəa el lé ləm tɔ, Takə̰jije lə dee to takə̰ji néra gə́ kori-kori ləm, Tuji gə tuji-boo to rəw-kaw dee’g ləm tɔ.

Ejekel 22:27

Ŋgan-mbaije lə dee gə́ mee ɓee-boo’g lé to d’asəna gə jagmjərje gə́ njétɔr-kwɔi-nékwaje lə dee, deḛ d’ɔm məs naŋg ləm, deḛ tɔl dəwje ləm tɔ gə mba tɔl ne mal kiŋga né gə goo rəbee el gə́ ra dee ŋgwɔd-ŋgwɔd lé.

Njé gə́ Rɔmə 3:15

Gɔl dee un dee pélé-pélé ar dee d’aw d’ila məs.