Jeremi 41:1 - Maktub gə́ To gə Kəmee

¹ Mee naḭ gə́ njekɔm’g siri lé Ismael, ŋgolə Netania gə́ to ŋgolə Elisama, gə́ ginkojee to gə́ mbai lé ree gə dəwje lə mbai gə́ boo-boo ləm, gə dəwje dɔg ləm tɔ rɔ Gedalia’g, ŋgolə Ahikam mee ɓee gə́ Mispa. Lée neelé d’usɔ né keneŋ na̰’d mee ɓee gə́ Mispa.

Jeremi 41:1 Iomraidhean Croise

2 Samel 3:27

Loo gə́ Abner tel ree Ebro̰ mba̰ ndá Joab ɔree aw səa dan tarəwkəi’g to gə́ lə né gə́ a gə kwɔji səa ta gə́ to loo-kiya’g bèe ndá yeḛ ɔsee mée’g tɔlee mba dal ne ba̰ lə ŋgokea̰ Ajael.

2 Mbaije 11:1

Loo gə́ Atali, ko̰ Ahajiaje oo to gə́ ŋgonee wəi ndá yeḛ ḭ ar dee tɔl dee-deḛ lai gə́ to gel-bɔje lə mbai lé.

2 Mbaije 25:22

Togə́bè ɓa d’wa ne Judaje ɓər mee ɓee’g lə dee d’aw ne sə dee əw. Bèe ɓa Nebukadnesar, mbai gə́ Babilɔn ar ges dəwje gə́ nai mee ɓee gə́ Juda lé d’isi ne gel Gedalia, ŋgolə Akikam’d gə́ to ŋgolə Sapan lé.

2 Mbaije 25:25

Nɛ naḭ gə́ njekɔm’g siri lé Ismael, ŋgolə Netania gə́ to ŋgolə Elisama, yeḛ gə́ gelee to mbai lé aw gə njérɔje dɔg ndá deḛ kunda Gedalia tɔlee ləm, gə Jibje gə njé gə́ Kalde gə́ d’isi səa Mispa ləm tɔ.

2 Sôrta Gḭka Israɛlje 22:10

Atali, ko̰ Akajiaje oo to gə́ ŋgonee wəi ndá yeḛ ḭ tɔl deḛ lai gə́ to ginkoji’g lə mbai gə́ Juda lé.

Pakɔsje 109:5

Deḛ ra səm majel godə maji gə́ m’ra sə dee’g ləm, Deḛ d’ḛjim bəḭ-bəḭ tor kunda gə́ m’unda dee dan kəm’g ləm tɔ.

Pakɔsje 41:9

Né gə́ rəa lé to ɓəl yaa̰, Aa loo oo, yee to naŋg ton, M’a kuba naŋg kḭ tar gə dɔrɔm el ŋga!

Gosota-Kəmkàrje 13:10

Beelé ɓa ar dəw ɔs ne gel takɔl, Nɛ kəmkàr nai gə deḛ Gə́ d’oo takwɔji-kəmkàrje gə́ né ya.

Gosota-Kəmkàrje 27:4

Meekḭ jugugu to néra gə́ bɔsɔsɔ ləm, Oŋg al dɔ loo sula ləm tɔ, Nɛ see na̰ ɓa askəm kar gəs no̰ ra jaŋg’d wa.

Jeremi 36:12

yeḛ ḭ aw mee kəi’g lə mbai, mee ŋgon kəi gə́ to ka̰ njendaji maktub, to loo gə́ ŋgan-mbaije lai d’isi keneŋ: Elisama gə́ njendaji-maktub ləm, gə Delaja, ŋgolə Semaeja ləm, gə Elnatan, ŋgolə Akbɔr ləm, gə Gemaria, ŋgolə Sapan ləm, gə Sedesias, ŋgolə Hanania ləma, gə ŋgan-mbaije gə́ raŋg lai ləm tɔ.

Jeremi 36:20

Yen ɓa deḛ d’ya̰ maktub gə́ kə́ na̰’d lé mee ŋgon kəi’g lə Elisama, njendaji-maktub ɓa d’ɔd d’aw mee ndògo’d rɔ mbai’g d’aw ndaji taje neelé lai d’aree tɔ.

Jeremi 39:14

d’ula kula gad kəi-daŋgai’g ar dee ree gə Jeremi d’ar Gedalia, ŋgolə Ahikam gə́ to ŋgolə Sapan gə mba karee aw səa kəi ləa. Bèe ɓa yeḛ nai ne dan koso-dəwje’g.

Jeremi 40:13

Ndɔ kára bèe Jokana, ŋgolə Karea gə mbai dɔ kudu-njérɔje gə́ d’isi mee wala’g lé ree rɔ Gedalia’g mee ɓee gə́ Mispa ndá

Jeremi 40:5

Loo gə́ yeḛ ila keneŋ kalaŋ el ndá Nebujaradan tel ulá pana: Maji kari tel aw iŋga Gedalia, ŋgolə Ahikam gə́ to ŋgolə Sapan, gə́ mbai gə́ Babilɔn undá dɔ ɓee-booje gə́ Juda lé ndá si səa mbuna koso-dəwje’g, əsé aw loo gə́ rara gə́ i ndigi kaw keneŋ ya. Mbai dɔ njéŋgəmlooje lé aree nésɔje ləm, gə nénojije ləm tɔ ndá yá̰ aree aw.

Jeremi 40:6

Jeremi aw rɔ Gedalia’g, ŋgolə Ahikam mee ɓee gə́ Mispa aw si səa mbuna koso-dəwje gə́ nai mee ɓee’g lé.

Jeremi 40:7

Loo gə́ mbai dɔ kudu-njérɔje lai gə́ d’isi walá, deḛ gə dəwje lə dee d’oo to gə́ mbai gə́ Babilɔn unda Gedalia, ŋgolə Ahikam gə́ njeguburuɓee ləm, gə ɔm diŋgamje, gə denéje, gə ŋganje ləm, gə njéndooje gə́ mee ɓee’d gə́ d’aw sə dee ɓee-ɓər’g Babilɔn el ləm tɔ lé jia’g ndá

Jeremi 40:8

deḛ d’aw rɔ Gedalia’g mee ɓee gə́ Mispa. Deḛ gə́ d’aw lé ɓa nee: Ismael, ŋgolə Netania ləm, gə Jokana gə Jonatan, ŋgalə Karea ləm, gə Seraja, ŋgolə Tanumet ləm, gə ŋgalə Epai, dəw gə́ Netopa ləm, gə Jesania, ŋgolə Maakat ləma, deḛ gə dəwje lə dee ləm tɔ.

Ejekel 17:13

Yeḛ ɔr dəw kára mbuna ginkoji’g lə mbai tɔɓəi yeḛ man rəa aree ləm, yeḛ aree un ndia gə rɔkubu ləm tɔ ndá yeḛ aw gə njé gə́ boo-boo gə́ mee ɓee’g lé

Tagə́maji gə́ Ja̰ ndang 13:18

Ta gə́ m’pa neelé m’pa m’wɔji ne dɔ sí lai el, deḛ gə́ ma m’ɔr dee lé m’gər dee gao. Nɛ lé riri kara maji kar ta nee gə́ to mee maktub gə́ to gə kəmee lé aw lée’g béréré ya gə goo taree gə́ pana: Yeḛ gə́ njeko̰ səm muru lé ya ɓa tel ɔr gɔlee ubam ne kən