Jeremi 40:9 - Maktub gə́ To gə Kəmee

⁹ Gedalia, ŋgolə Ahikam gə́ to ŋgolə Sapan man rəa ar dee-deḛ ləm, gə dəwje lə dee ləm tɔ pana: Ɓəlje mba ra kula kar Kaldeje el. Sije mee ɓee’g raje kula arje mbai gə́ Babilɔn ndá a síje ne gə́ majee.

Jeremi 40:9 Iomraidhean Croise

Gḭ-Néje 49:15

Yeḛ oo to gə́ loo gə́ yeḛ wa rəa keneŋ lé maji ləm, To dɔ naŋg gə́ maji ləm tɔ. Yeḛ rəm gə dɔ tamee gel nékodo’g Tel to ne ɓər gə́ d’aree uga dɔ rəa.

2 Mbaije 25:24

Gedalia ula dee ta gə ndu manrɔ, deḛ ləm, gə dəwje lə dee ləm tɔ pana: Maji kar sí ɓəlje kuraje lə njé gə́ Kalde el, síje mee ɓee’g nee ya raje né arje mbai gə́ Babilɔn ndá seḭ a síje ne gə́ majee ya.

Pakɔsje 128:2

Bèe ɓa i iŋga rɔlel dɔ kula’d gə́ i ra gə jii ləm, Rɔi leli ari si ne dan maji’g ləm tɔ.

Pakɔsje 37:3

Maji kari ɔm məəi dɔ Njesigənea̰’g ra ne né gə́ maji, Yee ɓa i a si ne mee ɓee’g ləm, a si ne lɔm ləm tɔ.

Jeremi 27:11

Nɛ ginkoji dəwje gə́ d’a kula gwɔb dee gel néməməna̰’g lə mbai gə́ Babilɔn gə mba koso gelee’g ndá m’a kya̰ dee mee ɓee’g lə dee kar dee d’isi keneŋ ləm, kar dee ndɔ-ndɔ keneŋ ləm tɔ. Njesigənea̰ ɓa pa bèe.

Nɔ̰-ndôo gə́ wɔji dɔ Jerusalem 1:1

Ɗi togə́bè wa. Ɓee-boo gə́ kédé dəwje taa loo keneŋ pəl-pəl lé Tel to dɔ nduba wa. Yee tel to asəna gə njekəisiŋga bèe! Kédé yee ur dɔ ɓeeje lə ginkoji dəwje gə raŋg lai ləm, Ria ɓar yaa̰ mbuna ɓeeko̰je’g lai ləm tɔ Nɛ yee tel to asəna gə njera kula kari ba ŋga!

Nɔ̰-ndôo gə́ wɔji dɔ Jerusalem 5:9

Jeḛ j’ya̰je rɔ sí j’ar yoo mba saŋg ne nésɔ sí No̰ njékiambasje gə́ dɔdilaloo’g.