Jeremi 40:8 - Maktub gə́ To gə Kəmee

⁸ deḛ d’aw rɔ Gedalia’g mee ɓee gə́ Mispa. Deḛ gə́ d’aw lé ɓa nee: Ismael, ŋgolə Netania ləm, gə Jokana gə Jonatan, ŋgalə Karea ləm, gə Seraja, ŋgolə Tanumet ləm, gə ŋgalə Epai, dəw gə́ Netopa ləm, gə Jesania, ŋgolə Maakat ləma, deḛ gə dəwje lə dee ləm tɔ.

Jeremi 40:8 Iomraidhean Croise

2 Samel 10:6

Amo̰je lé d’oo to gə́ deḛ tel to kḛji kəm Dabid’g ndá deḛ tuga goŋ-rɔje gə́ Aram gə́ Bet-Reob gə njé gə́ Aram gə́ Soba as tɔl-dɔg-loo-rɔ-joo (20.000) ləm, gə deḛ gə́ njérɔje lə mbai gə́ Maaka d’as tɔl-dɔg (1.000) ləma, gə njérɔje gə́ Tɔb d’as tɔl-dɔg-loo dɔg giree joo (12.000) gə́ yeḛ wɔji mba kar dee lar ləm tɔ.

2 Samel 10:8

Amo̰je lé teḛ tɔs rɔ dee d’aar tarəwkɔg’d. Njé gə́ Aram gə́ Soba gə Reob ləm, gə njé gə́ Tɔb ləma, gə njé gə́ Maaka ləm tɔ d’aar gə kəm dee ɓəd loo-rɔ’g tɔ.

2 Samel 23:34

gə Elipelet, ŋgolə Ahasbai, ŋgolə dəw kára gə́ to gə́ Maaka gə Eliam, ŋgolə Ahitopel, dəw gə́ Gilo,

2 Mbaije 25:23

Loo gə́ ɓé-njérɔje, deḛ gə dəwje lə dee d’oo to gə́ mbai gə́ Babilɔn unda Gedalia gə́ njeguburuɓee ndá deḛ d’aw rəa’g mee ɓee gə́ Mispa, deḛ lé ri dee ɓa nee: Ismael, ŋgolə Netania ləm, gə Jokanan, ŋgolə Kareak ləm, gə Seraja, ŋgolə Tanumet, dəw gə́ Netopa ləma, gə Jaajania, ŋgolə Maakat ləm tɔ, deḛ gə dəwje lə dee.

2 Mbaije 25:25

Nɛ naḭ gə́ njekɔm’g siri lé Ismael, ŋgolə Netania gə́ to ŋgolə Elisama, yeḛ gə́ gelee to mbai lé aw gə njérɔje dɔg ndá deḛ kunda Gedalia tɔlee ləm, gə Jibje gə njé gə́ Kalde gə́ d’isi səa Mispa ləm tɔ.

1 Sôrta Gḭka-Israɛlje 11:30

gə Maharai, dəw gə́ Netopa, gə Heled, ŋgolə Baana, dəw gə́ Netopa,

1 Sôrta Gḭka-Israɛlje 2:48

Maaka, gamla-dené lə Kaleb lé oji Seber gə Tirana.

1 Sôrta Gḭka-Israɛlje 2:54

Ŋgalə Salma ɓa ri dee to nee: Betlehem gə deḛ gə́ to Netopatje ləm, gə Atroh-Bet-Joabje ləm, gə Hasi-Hamanatije ləm, gə Soreije ləma,

Esdras 2:2

Deḛ gə́ ree na̰’d gə Jorobabel lé, Juje, gə Nehemi, gə Seraja, gə Reélaja, gə Mardose, gə Bilsan, gə Mispar, gə Bigbai, gə Rehum, gə Baana tɔ. Bula lə diŋgamje gə́ mee ɓee gə́ Israɛl lé ɓa nee:

Esdras 2:22

diŋgamje gə́ ɓee gə́ Netopa d’as rɔ-mi-giree-misa̰ (56),

Nehemi 7:26

dəwje gə́ Betlehem gə Netopia d’as tɔl gə dɔ dee rɔ jinaijoo giree-jinaijoo (188),

Jeremi 37:15

Meḛ ŋgan-mbaije lé ḭ sə dee jugugu dɔ Jeremi’g ar dee kundá tɔɓəi d’ilá kəi-daŋgai’d gə́ to mee kəi’g lə Jonatan njendaji-maktub lé mbata deḛ d’ar kəi ləa to kəi-daŋgai tɔ.

Jeremi 37:20

Ɓasinè mbai ləm, i gə́ to njekaa dɔm lé, m’ra ndòo rɔi’g, maji kar ndòo raje ləm oso mbii’g pad ya. Am m’tel m’aw kəi lə Jonatan, njendaji-maktub lé el nà m’a kwəi keneŋ!

Jeremi 38:26

I a kila dee keneŋ pana: M’ra ndòo rɔ mbai’g mba karee am tel m’aw kəi lə Jonatan el nà m’a kwəi keneŋ.

Jeremi 40:11

Judaje lai gə́ d’isi mee ɓee gə́ Moab, mbuna Amo̰je’g ləm, gə mee ɓee gə́ Edɔm ləm, gə mee ɓeeje’g lai ləm tɔ lé d’oo to gə́ mbai gə́ Babilɔn ya̰ ges dəwje mee ɓee gə́ Juda ləm, ar dee Gedalia, ŋgolə Ahikam gə́ to ŋgolə Sapan gə́ njeguburuɓee keneŋ ləm tɔ.

Jeremi 40:13

Ndɔ kára bèe Jokana, ŋgolə Karea gə mbai dɔ kudu-njérɔje gə́ d’isi mee wala’g lé ree rɔ Gedalia’g mee ɓee gə́ Mispa ndá

Jeremi 40:14

deḛ dəjee pana: See i oo to gə́ Baalis, mbai lə Amo̰je ula Ismael, ŋgolə Netania mba karee ree tɔli lé ya wa. Nɛ Gedalia, ŋgolə Ahikam ɔm mee dɔ ta’g lə dee el.

Jeremi 40:15

Yen ɓa Jokana, ŋgolə Karea ula Gedalia ta mee ɓee gə́ Mispa gə goo ŋgəḭ pana: Ya̰ loo am m’aw m’tɔl Ismael, ŋgolə Netania. Dəw kára kara a koo taree el. See a tɔli gə mba ɗi wa. See gə mba ɗi ɓa Judaje gə́ mbo̰ dɔ na̰ rɔi’g lé d’a sané na̰ ləm, ges Judaje d’a kudu bo̰ ləm tɔ wa.

Jeremi 40:6

Jeremi aw rɔ Gedalia’g, ŋgolə Ahikam mee ɓee gə́ Mispa aw si səa mbuna koso-dəwje gə́ nai mee ɓee’g lé.

Jeremi 41:1

Mee naḭ gə́ njekɔm’g siri lé Ismael, ŋgolə Netania gə́ to ŋgolə Elisama, gə́ ginkojee to gə́ mbai lé ree gə dəwje lə mbai gə́ boo-boo ləm, gə dəwje dɔg ləm tɔ rɔ Gedalia’g, ŋgolə Ahikam mee ɓee gə́ Mispa. Lée neelé d’usɔ né keneŋ na̰’d mee ɓee gə́ Mispa.

Jeremi 41:11

Jokana, ŋgolə Karea gə mbai dɔ kudu-njérɔje lai gə́ d’isi səa lé d’oo sor némajelje lai gə́ Ismael, ŋgolə Netania ra lé.

Jeremi 41:2

Yen ŋga Ismael, ŋgolə Netania uba naŋg ḭta gə dəwje gə́ dɔg gə́ danee lé ndá deḛ tɔs Gedalia, ŋgolə Ahikam gə́ to ŋgolə Sapan lé gə kiambas kib-kib tɔlee. Yee ɓa yeḛ tɔl ne dəw gə́ mbai gə́ Babilɔn undá gə́ njeguburuɓee lé.

Jeremi 42:1

Ɓée kudu-njérɔje lai gə Jokana, ŋgolə Karea gə Jejania, ŋgolə Hosee ləm, gə koso-dəwje lai gə́ un kudee dɔ ŋganje’g saar teḛ ne dɔ njé gə́ tɔg’d ləm tɔ lé rəm pər

Jeremi 42:8

Yen ɓa Jeremi ɓar Jokana, ŋgolə Karea gə ɓée kudu-njérɔje lai gə́ d’aw səa ləm, gə koso-dəwje lai un kudee dɔ ŋganje’g saar teḛ ne dɔ njé gə́ tɔg’d ləm tɔ.

Jeremi 43:2

ndá Ajaria, ŋgolə Hosee gə Jokana, ŋgolə Karea gə dəwje nee lai gə́ to njébeeleje lé d’ula Jeremi pana: I pata ŋgɔm. Ala lə sí gə́ Njesigənea̰ ulai mba kari ula sí pana: Maji kar sí j’aw j’isije Ejiptə el lé bèe godo.

Jeremi 43:5

Togə́bè Jokana, ŋgolə Karea gə ɓée kudu-njérɔje lai d’ar ges Judaje lai gə́ kédé sané dee mbuna ginkoji dəwje gə raŋg’g lai nɛ deḛ tel mba kisi ɓee gə́ Juda gogo lé

Tel tura Godndu 3:14

Jayir, ŋgolə Manasə taa dɔ naŋg gə́ Argob lai saar teḛ ne rəw-nim-ɓee’g lə Geskurje, gə Maakatje ndá yeḛ unda ria-yeḛ ya dɔ ɓee-kogoje’d gə́ Basan, yee ɓa deḛ ɓar dee ne ɓee-kogoje lə Jayir ya saar teḛ ɓogənè ɓəi.

Jujé 12:5

Yeḛ o̰ ɓee un kudee dɔ mbal gə́ Hermo̰ ləm, gə Salka ləm, gə Basan’g lai saar teḛ ne rəw-nim-ɓee’g lə Gesurje gə Maakatje ləma, gə dəb loo gə́ Galaad gə́ to rəw-nim-ɓee’g lə Siho̰, mbai gə́ Esbon ləm tɔ.