Jeremi 40:5 - Maktub gə́ To gə Kəmee

⁵ Loo gə́ yeḛ ila keneŋ kalaŋ el ndá Nebujaradan tel ulá pana: Maji kari tel aw iŋga Gedalia, ŋgolə Ahikam gə́ to ŋgolə Sapan, gə́ mbai gə́ Babilɔn undá dɔ ɓee-booje gə́ Juda lé ndá si səa mbuna koso-dəwje’g, əsé aw loo gə́ rara gə́ i ndigi kaw keneŋ ya. Mbai dɔ njéŋgəmlooje lé aree nésɔje ləm, gə nénojije ləm tɔ ndá yá̰ aree aw.

Jeremi 40:5 Iomraidhean Croise

2 Mbaije 22:12

Yen ɓa mbai lé un ndia ar Hilkija, njekinjanéməs ləm, gə Akikam, ŋgolə Sapan ləm, gə Akbɔr, ŋgolə Mise ləm, gə Sapan, njendaji-maktub ləma, gə Asaja, kura lə mbai ləm tɔ pana:

2 Mbaije 22:14

Hilkija, njekinjanéməs ləm, gə Akikam ləm, gə Akbɔr ləm, gə Sapan ləma, gə Asaja ləm tɔ d’aw rɔ Hulda gə́ to njetegginta gə́ dené’g, gə́ to dené lə Salum, ŋgolə Tikba gə́ to ŋgolə Haras, yeḛ gə́ to njeŋgəm kubuje lé. Yeḛ si kudu ŋgon ɓee kára gə́ mee ɓee-boo gə́ Jerusalem ya.

2 Sôrta Gḭka Israɛlje 34:20

Tɔɓəi mbai un ndia ar Hilkija ləm, gə Ahikam, ŋgolə Sapan ləm, gə Abdon, ŋgolə Mise ləm, gə Sapan, njendaŋ-maktub ləma, gə Asaja, kura lə mbai ləm tɔ pana:

Esdras 7:27

Maji kar dɔ ri Njesigənea̰ Ala lə bɔ síje-je ai səgərə, yeḛ gə́ gɔl mee mbai aree ə̰ji mba kula ne rɔnduba dɔ kəi’g lə Njesigənea̰ gə́ to Jerusalem lé.

Esdras 7:6

Esdras neelé ḭ Babilɔn ɓa ree Jerusalem. Yeḛ to njendaji-maktub gə bao-gər-gin-godndu Moyis gə́ Njesigənea̰ Ala lə Israɛlje un aree ləw lé. Tɔɓəi to gə́ ji Njesigənea̰ Ala ləa to dɔ Esdras’g ndá mbai ndigi səa dɔ né gə́ rara gə́ yeḛ dəjee’g lé tɔ.

Nehemi 1:11

Ai, Mbaidɔmbaije, maji kari ur mbii gèŋ oo ne tamaji lə kura ləi ləm, gə tamaji lə kuraje ləi gə́ ndigi ɓəl rii ləm tɔ. Ɓogənè lé, ar kura ləi teḛkɔr ləm, aree taa kəm dəw neelé rəgm ləm tɔ! Mee ndəaje’g neelé ma m’to gə́ njekar mbai nékai ya.

Maktub gə́ wɔji dɔ Jɔb 22:29

Ɓó lé d’ari ula dɔi ndá I a dəjee gə mba kɔr dɔi gə́ tar, Mbata Ala la gə dəw gə́ ula dəa.

Gosota-Kəmkàrje 16:7

Loo gə́ rəw-kaw dəw taa kəm Njesigənea̰ rəgm ndá Njesigənea̰ ar njéba̰je ləa kara d’ɔm səa na̰’d tɔ.

Gosota-Kəmkàrje 21:1

Mee mbai lé to gə́ kəm-rəw-mán gə́ to meḛ ji Njesigənea̰’g, Yeḛ telee loo gə́ rara kara to gə́ mée ndigi.

Jeremi 15:11

Njesigənea̰ pana: Tɔgərɔ, ndɔ gə́ gogo m’a si dan rɔlel’g, Tɔgərɔ, n’a kɔs kudu njéba̰je lə neḛ Kar dee ra ndòo rɔ neḛ’g ndɔ némeeko̰’g ləm, Gə ndɔ néurti’g ləm tɔ.

Jeremi 26:24

Nɛ Ahikam, ŋgolə Sapan aa dɔ Jeremi, ɔg dee kilá ji koso-dəwje’g lé kar dee tɔlee.

Jeremi 39:14

d’ula kula gad kəi-daŋgai’g ar dee ree gə Jeremi d’ar Gedalia, ŋgolə Ahikam gə́ to ŋgolə Sapan gə mba karee aw səa kəi ləa. Bèe ɓa yeḛ nai ne dan koso-dəwje’g.

Jeremi 40:4

Aa oo, ɓasinè m’tudu kúla larje gə́ jii’g. Ɓó lé i ndigi kaw səm Babilɔn ndá maji kari aw səm ya ndá m’a kaa dɔi. Ɓó lé mba kaw səm Babilɔn leli el ndá aar naŋg né ləi. Aa loo oo, mee ɓee gə́ bura gə́ to nɔḭ’g ndá loo gə́ taa kəmi əsé leli kara maji kari aw keneŋ ya.

Jeremi 41:1

Mee naḭ gə́ njekɔm’g siri lé Ismael, ŋgolə Netania gə́ to ŋgolə Elisama, gə́ ginkojee to gə́ mbai lé ree gə dəwje lə mbai gə́ boo-boo ləm, gə dəwje dɔg ləm tɔ rɔ Gedalia’g, ŋgolə Ahikam mee ɓee gə́ Mispa. Lée neelé d’usɔ né keneŋ na̰’d mee ɓee gə́ Mispa.

Jeremi 41:18

deḛ ɓəl mbata Ismael, ŋgolə Netania tɔl Gedalia, ŋgolə Ahikam gə́ mbai gə́ Babilɔn undá gə́ njeguburuɓee lé.

Jeremi 41:2

Yen ŋga Ismael, ŋgolə Netania uba naŋg ḭta gə dəwje gə́ dɔg gə́ danee lé ndá deḛ tɔs Gedalia, ŋgolə Ahikam gə́ to ŋgolə Sapan lé gə kiambas kib-kib tɔlee. Yee ɓa yeḛ tɔl ne dəw gə́ mbai gə́ Babilɔn undá gə́ njeguburuɓee lé.

Néra Njékaḭkulaje 27:3

Ndɔ gə́ njekorè gée, j’wa naŋg Sido̰, Julius gə́ njera meemaji gə Pool lé un ndia aree gə mba karee aw kəi lə baokuraje ləa gə mba kiŋga né gə́ ban-un jén kara ji dee’g.

Néra Njékaḭkulaje 27:43

Nɛ njekɔrno̰ njérɔje gə́ tɔl-tɔl lé ndigi kaji Pool ndá yeḛ ɔg dee dɔ né gə́ d’wɔji-kwɔji ra’g lé tɔ. Yeḛ un ndia ar deḛ gə́ gər kalé mán ndá d’a kɔm mán kalè teḛ raga kédé ɓa

Néra Njékaḭkulaje 28:10

D’ula rɔnduba dɔ sí’g, tɔɓəi loo gə́ j’a gə kḭ kya̰ dee ndá deḛ d’ar sí né gə́ lal sí tɔ.

Ǝbrəje 13:6

Togə́bè ɓa j’askəm pa rədədə pana: Mbaidɔmbaije to gə́ njela səm, M’a ɓəl né kára kara el. See ɗi ɓa dəw askəm ra səm ɓəi wa.