Jeremi 40:11 - Maktub gə́ To gə Kəmee

¹¹ Judaje lai gə́ d’isi mee ɓee gə́ Moab, mbuna Amo̰je’g ləm, gə mee ɓee gə́ Edɔm ləm, gə mee ɓeeje’g lai ləm tɔ lé d’oo to gə́ mbai gə́ Babilɔn ya̰ ges dəwje mee ɓee gə́ Juda ləm, ar dee Gedalia, ŋgolə Ahikam gə́ to ŋgolə Sapan gə́ njeguburuɓee keneŋ ləm tɔ.

Jeremi 40:11 Iomraidhean Croise

Gḭ-Néje 36:8

Esawu ra ɓee dɔ mbal gə́ Seir. Esawu lé to Edɔm.

Esai 11:14

D’a tel buŋga na̰ dɔ Pilistije gə́ d’isi dɔdərlooje’g ləm, D’a kunda deḛ gə́ d’isi bər banrɔ taa néje lə dee ləm, Edɔmje gə Moabje d’a to nékwa peb gə ji deeje ləma, Amo̰je kara d’a kula dɔ dee no̰ dee’g ləm tɔ.

Esai 16:4

Ya̰je loo arje Moabje gə́ tuba dee lé Ree d’isi mee ɓeeje’g lə sí ləm, Maji kar sí toje gə́ njo̰loo-kiya-rɔ lə dee No̰ njetujiloo’g ləm tɔ. Mbata nékəmndoo a godo ləm, Njetuji loo lé a kunda ŋgaŋ buguru ləma, Yeḛ gə́ njetuba ɓee gə gɔlee lé a sané pá ləm tɔ.

Jeremi 24:9

M’a kar dee to néɓəl gə némeeko̰ mbata lə ɓeeko̰je lai gə́ dɔ naŋg nee ləm, m’a kar dee to nékula sul dɔ’g ləm, gə nékunda kogo ləm, gə nékɔr sor ndam ləma, gə nékila ndɔl dɔ’g ləm tɔ mee looje lai gə́ m’a gə tuba dee keneŋ lé.

Jeremi 41:10

Dəwje lai gə́ nai Mispa lé Ismael wa dee daŋgai, ŋgalə mbai gə́ ma̰də ləm, gə njé gə́ mbuna koso-dəwje lai gə́ nai mee ɓee gə́ Mispa, deḛ gə́ Nebujaradan, mbai dɔ njéŋgəmlooje ɔm dee ji Gedalia’g, ŋgolə Ahikam ləm tɔ. Ismael, ŋgolə Netania wa dee ɓər aw sə dee mba dəs ne mee ɓee’g lə Amo̰je.

Jeremi 43:5

Togə́bè Jokana, ŋgolə Karea gə ɓée kudu-njérɔje lai d’ar ges Judaje lai gə́ kédé sané dee mbuna ginkoji dəwje gə raŋg’g lai nɛ deḛ tel mba kisi ɓee gə́ Juda gogo lé

Jeremi 43:6

diŋgamje, gə denéje, gə ŋganje, gə ŋganje gə́ dené gə́ to ŋgalə mbai ləm, gə dəwje lai gə́ Nebujaradan, mbai dɔ njéŋgəmlooje ya̰ dee ji Gedalia’g, ŋgolə Ahikam gə́ to ŋgolə Sapan ləma, gə Jeremi, njetegginta, gə Baruk, ŋgolə Nerija ləm tɔ lé d’aw sə dee.

Ejekel 25:12

Mbaidɔmbaije gə́ Njesigənea̰ pa togə́bè pana: Mbata né gə́ Edɔmje ra loo gə́ d’ula rɔ dee mbiriri loo-dalba̰’g gə gel-bɔje lə Juda ləm, mbata ta gə́ d’aree wa dɔ dee gə goo ba̰ gə́ deḛ ra sə dee ləm tɔ lé,

Ejekel 25:2

I ŋgon-dəw lé, tel kəmi gə́ dɔ Amo̰je’g tegginta ila dɔ dee’g!

Ejekel 25:6

Mbata Mbaidɔmbaije gə́ Njesigənea̰ pa togə́bè pana: To gə́ seḭ kundaje ji sí ləm, seḭ tubaje gɔl sí naŋg ndag-ndag ləm, seḭ alje rɔ sí ə̰jije ne dɔ naŋg gə́ Israɛl bəḭ-bəḭ gə ŋgaw-meḛ sí bura ləm tɔ ndá

Ejekel 25:8

Mbaidɔmbaije gə́ Njesigənea̰ pa togə́bè pana: To gə́ Moabje gə Seirje pa pana: Gel-bɔje lə Juda to d’asəna gə ginkoji dəwje gə raŋg lai ya lé,

Ejekel 34:6

Koso-badje lə neḛ ndəm d’ila rima-rima dɔ mbalje’g lai ləm, gə dɔ dɔdərlooje gə́ ḭ tar’g ləm tɔ, koso-badje lə neḛ sanéna̰ gə dɔ ɓeeje lai dɔ naŋg nee, dəw gə́ mée to dɔ dee’g kára kara godo ləm, dəw gə́ njendolè dee kára kara godo ləm tɔ.

Ejekel 35:15

Rɔlel gə́ seḭ raje loo gə́ gel-bɔje lə Israɛl tuji pugudu-pugudu lé yee ɓa n’a ra sə sí togə́bè ya tɔ, seḭ gə́ síje dɔ mbal gə́ Seir lé n’a kar sí tel toje dɔ nduba gə́ wa ŋgɔ njag-njag, seḭ gə dəwje gə́ Edɔm lai ya. Bèe ɓa d’a gər ne to gə́ neḛ n’to Njesigənea̰ ya.

Ejekel 35:5

Mbata seḭ waje Israɛlje gə meḛ sí saar-saar ləm, seḭ tɔsje Israɛlje gə kiambas ɓugu deeje mee ndɔ nékəmndoo’g lə dee, mee ndɔ kunda ŋgaŋ néra kori-korije’g lə dee ləm tɔ.

Ejekel 5:12

Dəwje lai gə́ kudu munda lé kudu deḛ gə́ kára d’a kwəi yoo-koso ləm, ɓoo-boo a kula kəm dee ndòo mbuna sí’g ləm tɔ, deḛ gə́ kudu kára d’a kwəi yoo-kiambas gugu gir sí sub, tɔɓəi deḛ gə́ kudu kára lé n’a sané dee dan lel’g ndá n’a kɔr kiambas kore ne goo dee tɔ.

Ejekel 5:3

M’a dḭ yiŋga neelé lam-lam tɔ ta kubu’g ləm.

Bula lə Israɛlje 22:1

Israɛlje d’ḭ d’aw ndá d’isi ndag-loo gə́ Moab kel tura baa gə́ Jurdɛ̰ gə́ nu gə́ wɔji dɔ Jeriko njoroŋ.

Bula lə Israɛlje 25:1

Israɛlje d’isi Sitim, koso-dəwje d’un kudu tusu rɔ dee kya̰ ji mɔdkaiya’g gə denéje gə́ Moab.

Bula lə Israɛlje 25:2

Deḛ neelé ɓar koso-dəwje loo kinja né məsje’g kar magəje lə dee ndá koso-dəwje neelé d’usɔ né keneŋ ləm, d’ɔs kəji dee naŋg no̰ magəje’g lə dee ləm tɔ.

1 Samel 11:1

Nakas, mbai gə́ Amo̰ ree aḭ dɔ ɓee gə́ Jabɛs gə́ to dɔ naŋg gə́ Galaad’g sub gə rɔ. Njé gə́ Jabɛs lai d’ula Nahas pana: Un ndui gə mba kɔm sə sí na̰’d ndá j’a ra ɓər ləi ya ɓəi.

1 Samel 12:12

Tɔɓəi loo gə́ seḭ ooje Nahas, mbai lə Amo̰je gə́ ɔr rɔ ree mba rɔ sə sí ndá seḭ ulamje pajena: Wai! Lé riri kara mbai a ko̰ɓee dɔ sí’g ya. Nɛ lé bèe kara, Ala lə sí gə́ Njesigənea̰ ya ɓa to mbai lə sí.