Jeremi 40:10 - Maktub gə́ To gə Kəmee

¹⁰ Aa ooje, ma m’isi Mispa gə mba kaar no̰ Kaldeje gə́ d’a gə ree rɔ sí’g nɛ seḭ ndá mbo̰je mán-nduú gə kandə kagje gə́ naḭ kuli ləm, gə ubuje ləm tɔ ɔmje mee duraje’g lə sí ndá síje mee ɓee-booje gə́ awje keneŋ lé ya.

Jeremi 40:10 Iomraidhean Croise

2 Samel 16:1

Loo gə́ Dabid dəs dɔ sém mbal’g lam bèe ndá aa oo Siba, kura lə Mepiboset teḛ aar nea̰’g gə mulayḛ̀je-je joo gə́ tɔ nésɔje as bèe dɔ dee’g: pil muru tɔl-joo (200) ləm, gə kul nduú gə́ tudu tɔl (100) ləm, gə kandə kagje gə́ naḭkuli tɔl (100) ləma, gə ku mán-nduú kára ləm tɔ.

1 Mbaije 10:8

Rɔlel naḭ gə koso-dəwje ləi ləm, rɔlel naḭ gə kuraje ləi gə́ d’aar nɔḭ’g gə ndɔ dee ndɔ dee lé ləma, gə deḛ gə́ d’isi d’oo ta kəmkàrje ləi lé ləm tɔ.

Gosota-Kəmkàrje 22:29

Ɓó lé i oo dəw gə́ gər gosokula ləa maji ndá Yeḛ a kaar no̰ dəwje gə́ kari ba’g el.

Gosota-Kəmkàrje 27:25

Moré godo ɓa mu gə́ təb idi ɓəi, Ndá mbo̰ mu nékulje gə́ dɔdḭje’g tɔ.

Esai 16:9

Gelee gə́ nee ɓa ma m’no̰ ne Gə mba ndɔ-nduúje gə́ to Sibma To gə́ m’no̰ ne gə mba njé gə́ Jajer bèe tɔ, Ma m’ndəi mán-no̰ gə́ kəm’g dɔ sí-seḭ ɓeeje gə́ Esbon gə Eləalé Mbata lul njérɔje ɓar dɔ ndɔ kinja kó’g lə sí ləm, Gə dɔ kunda ka̰dee’g ləm tɔ.

Jeremi 35:19

gelee gə́ nee ɓa Njesigənea̰ gə́ njeboo-néje gə́ to Ala lə Israɛlje pa ne togə́bè pana: Jonadab, ŋgolə Rekab a lal ŋgakeaje no̰m’g nda̰ el.

Jeremi 39:10

Nɛ Nebujaradan, mbai dɔ njéŋgəmlooje ya̰ njéndooje gə́ na̰je gə́ ndòo d’unda mar deeje mbuna koso-dəwje’g ləm, gə deḛ gə́ né kára kara godo ji dee’g ləm tɔ mee ɓee gə́ Juda ndá yeḛ ar dee ndɔ nduúje ləm, gə ndɔje ləm tɔ.

Jeremi 40:12

Ndá Judaje lai d’ḭ gə looje ɓəd-ɓəd gə́ tuba dee d’ɔm dee keneŋ lé ree, deḛ d’aw mee ɓee gə́ Juda rɔ Gedalia’g mee ɓee gə́ Mispa ndá deḛ mbo̰ mán-nduúje ləm, gə kandə kagje gə́ naḭ kuli ləm tɔ d’aree taa rɔ dee pəl-pəl.

Jeremi 40:6

Jeremi aw rɔ Gedalia’g, ŋgolə Ahikam mee ɓee gə́ Mispa aw si səa mbuna koso-dəwje gə́ nai mee ɓee’g lé.

Jeremi 43:5

Togə́bè Jokana, ŋgolə Karea gə ɓée kudu-njérɔje lai d’ar ges Judaje lai gə́ kédé sané dee mbuna ginkoji dəwje gə raŋg’g lai nɛ deḛ tel mba kisi ɓee gə́ Juda gogo lé

Jeremi 48:32

I rɔ nduú gə́ Sibma, Ma m’no̰ mbata ləi unda no̰ Gə́ ma m’no̰ mbata lə Jajer, Barkəmije d’alé saar teḛ gir baa-boo-kad’g, Deḛ d’alé saar teḛ baa-boo-kad gə́ Jaejer, Njetujiloo ḭ bigim ur dɔ koje’g ləi gə́ i inja ləm, Gə dɔ kul nduúje’g ləi gə́ i tḭja ləm tɔ.

Misee 7:1

Meeko̰ oso dɔm’g! Mbata ma m’to m’asəna gə dəw Gə́ aw mba kinja kandə kag naḭkuli bèe ləm, M’to m’asəna gə njekaw ɓuru tor kandə nduú’g bèe ləm tɔ: Néɓuru gə́ ka̰ sɔ lé godo ləm, Kandə kodé gə́ doŋgɔr gə́ məəm ndigi lé godo ləm tɔ.

Lugu 21:36

Sije dɔkəji sí’g kəgəgə, raje tamaji lé ta-ta togə́bè ɓa loo gə́ néje neelé a teḛ ndá siŋga sí a kas gə mba kɔrje dɔ sí keneŋ ləm, seḭ a teḛ kaarje ne tar no̰ Ŋgon-dəw’g lé ləm tɔ.

Tel tura Godndu 1:38

Nɛ Juje, ŋgolə Nun, kura ləm lé ɓa a kandə keneŋ, maji kari ula diŋgam mée’g mbata yeḛ nja ɓa a kar Israɛlje taa ɓee neelé gə́ ka̰ dee-deḛ ya.

Tel tura Godndu 16:13

Seḭ a raje naḭ gə́ wɔji dɔ kəi-kubuje as ndɔ sí siri, loo gə́ seḭ a mbo̰je kandə néje gə́ loo-kunda-kó’g lə sí ləm, gə loo-mbula-Kandə-nduú’g lə sí ləm tɔ.