Jeremi 4:31 - Maktub gə́ To gə Kəmee

³¹ Mbata ma m’oo nduje gə́ ɓar Asəna gə ndu dené gə́ ndóo rəa, Ndu nékəmndoo neelé Asəna gə ndóo koji ŋgondər bèe. Yee ɓa to ndu no̰ lə ŋgoma̰də gə́ Sio̰, Yeḛ tuma̰ ŋgururu-ŋgururu Jəŋ ne jia pana: Jeḛ gə́ n’to njénékəmndooje lé J’wəije ji njétɔl dəwje’g ŋga!

Jeremi 4:31 Iomraidhean Croise

Gḭ-Néje 27:46

Rebeka ula Isaak pana: Rɔm asm dɔ kisi kəmba’g mbata lə ŋgalə Het gə́ dené gə́ to məmje-je lé. Ɓó lé Jakob taa dené gə́ as sə dee mbuna ŋgalə Het’g əsé mbuna ŋganje gə́ dené gə́ mee ɓee gə́ neelé ndá see kisi kəmba ləm a to né gə́ ban ɓa bèe wa.

Maktub gə́ wɔji dɔ Jɔb 10:1

Ma m’ə̰ji si kəmba ləm bəḭ-bəḭ! M’a teḛ gə ta no̰-ndooje ləm gə́ raga ləm, Ma pata gə goo mee kad mbag-mbag ləm ləm tɔ.

Pakɔsje 120:5

Kisi gə́ m’isi Mesek lé ləm, Gə kisi gə́ m’isi mbuna kəi-kubuje’g lə njé gə́ Kedar ləm tɔ lé Kəm to ne ndòo keneŋ yaa̰.

Esai 1:15

Loo gə́ seḭ odoje ji sí gə́ tar ndá Ma m’un kəm dɔ’g rəw, Loo gə́ tamajije lə sí d’ɔs goo na̰ goo na̰ kara Ma m’udu mbim dɔ’g tɔ, Məs wa ji sí mbəgə-mbəgə.

Esai 13:8

Siŋgasa wa dee ləm, Rɔko̰ gə́ ndaŋg dəw paḭ gə rɔtoo ra dee ləm, Deḛ tuma̰ rɔ dee To gə́ dené gə́ ndóo rəa bèe ləm, Deḛ d’aa kəm na̰ kɔbərɔ-kɔbərɔ ləma, Kəm dee ti bo̰-bo̰ ləm tɔ.

Esai 21:3

Gelee gə́ nee ɓa némeekonje taa ne rɔm pəl-pəl, Ndóo teḛ dɔm’g wai To gə́ ndóo gə́ ula dené ndubu loo-koji-ŋgon’g bèe, Rɔko̰je gə́ ndaŋg dəw paḭ lé D’ɔgm dɔ koo ta’g ləm, Kunda bala tigi-tigi ɔgm koo loo ləm tɔ.

Esai 26:17

To gə́ dené gə́ aw gə kèm gə́ nai lam bèe karee oji ŋgon lé Tur rəa ləm, no̰ mbata ndóo gə́ tée ləm tɔ lé Ǝi Njesigənea̰, jeḛ gə́ j’isi ŋgərəŋ səi kara Jeḛ n’toje togə́bè tɔ.

Esai 42:14

Ləw ba m’pata el, M’isi dɔmṵdu, m’ɔg rɔm ra né, M’a ra né pénéné To gə́ dené gə́ si tur ndóo bèe ləm, M’a taa kəmə ta-ta ləma, M’a kəmə biriri-biriri ləm tɔ.

Esai 6:5

Yen ŋga m’ula m’pana: Meeko̰ oso dɔm’g! Ma m’tuji mba̰ mbata m’to dəw gə́ tapam majel ləm, m’isi mbuna dəwje gə́ tapa dee majel’g ləm tɔ. Nɛ kəm oo Mbai gə́ to Njesigənea̰ gə́ njeboo-néje ya.

Jeremi 10:19

Meeko̰ oso dɔm’g am m’tuji mba̰! Doo lé tom yaa̰! Kédé ma m’pana: To rɔko̰ gə́ ram Ndá m’a kila məəm po̰.

Jeremi 13:21

See ta ɗi ɓa i a pa Loo gə́ yeḛ a kwɔjii kəmkàr lé wa. To i ya ɓa ndoo dee Ar dee ra səi né asəna gə mbai dɔ dee. See néurtije d’a teḛ dɔi’g Asəna gə dené gə́ ndóo tée bèe el wa.

Jeremi 14:18

Ɓó lé neḛ n’teḛ n’aw mee wala’g ndá Aa oo, n’oo dəwje gə́ d’wəi yoo-kiambas. Ɓó lé n’andə mee ɓee-boo’g ndá Aa oo, n’oo dəwje gə́ ɓoo-boo Ula kəm dee ndòo. Njéteggintaje gə njékinjanéməsje D’ila mbir-mbir mee ɓee’g Lal gər loo gə́ d’a kaw gə́ keneŋ.

Jeremi 15:18

See gelee ban ɓa némeeko̰ ləm Aw gə́ kédé-kédé wa. See gelee ban ɓa doo ləm toom yaa̰, Ndigi kər el ləm tɔ wa. Tɔgərɔ ya i to asəna gə kəm-rəw-mán Gə́ ər dəwje gə́ kər, Gə́ dəw askəm kɔm mée dɔ’g el.

Jeremi 18:21

Gelee gə́ nee ɓa Ar ɓoo-boo o̰ ŋgan deeje ləm, Ɔs dee ɓugu dee ta kiambas’g ləm tɔ, Ar denéje lə dee d’isi lal ŋganje ləm, Tel to njékəisiŋgaje ləm, Ar yoo-koso tɔl ŋgaw deeje ləma, Ar basaje lə dee kara D’wəi yoo-kiambas loo-rɔ’g ləm tɔ.

Jeremi 22:23

Seḭ gə́ síje sém mbal gə́ Liba̰ Gə́ raje kəi lə sí asəna gə kəi-yel Mbuna kag-sɛdrəje’g bèe lé Loo gə́ némeekonje d’a teḛ dɔ sí’g ndá Seḭ a tuma̰je ŋgururu-ŋgururu, To némeeko̰ gə́ to asəna gə ndóo Gə́ ra dené loo-koji ŋgon’g bèe.

Jeremi 30:6

Dəjije na̰ ooje See diŋgam a koji ŋgon wa! Ŋga see gelee ban ɓa M’oo diŋgamje lai d’orè ji dee dun dee’g To gə́ dené gə́ ndóo tée bèe wa! See gelee ban ɓa Kəm deḛ lai tel ndá mbam wa.

Jeremi 45:2

Njesigənea̰, Ala lə Israɛlje pata togə́bè wɔji ne dɔi-i Baruk pana:

Jeremi 48:41

Ɓee-boo gə́ Kerijot lé dum dəa mba̰, Kəi-kaar-kɔgərɔje lé taa tɔ, Ndəa neelé mee bao-rɔje gə́ Moab to asəna gə mee dené gə́ ndóo tée bèe.

Jeremi 49:22

Aa ooje, yeḛ ḭ nar bag to gə́ niŋgatə̰də bèe aw gə́ nee, yeḛ naji bagee dɔ Bosra’g ndá mee ndəa’g neelé meḛ bao-rɔje gə́ Edɔm gaŋg mán asəna gə dené gə́ si gə ndóo bèe.

Jeremi 49:24

Njé gə́ Damas lé siŋga dee godo, Deḛ tel kəm dee gə mba kaḭ Ndá ɓəl unda dee badə gaŋg dee, Némeekaarkərm gə némeekonje Mbo̰ na̰ dɔ dee’g Asəna gə dené gə́ ndóo rəa bèe.

Jeremi 50:43

Mbai gə́ Babilɔn oo soree Ndá jia unda ndolè ləm, Yeḛ si gə meekaarkərm To gə́ dené gə́ ndóo rəa bèe ləm tɔ.

Jeremi 6:2

Ŋgoma̰də gə́ Sio̰ gə́ ma̰də ləm, Gə maji rəa’g péd-péd ləm tɔ lé Ma m’tujee!

Nɔ̰-ndôo gə́ wɔji dɔ Jerusalem 1:17

Sio̰ lé ula jia nɛ dəw kára kara Gə́ njegɔl mée godo, Njesigənea̰ ar njéba̰je lə Jakob Gə́ gugu dəa sub lé d’ḭ rɔ səa, Jerusalem tel to ɓirɓisi mbuna dee’g ya.

Nɔ̰-ndôo gə́ wɔji dɔ Jerusalem 1:20

Njesigənea̰, maji kari oo kəm loo to ndòo’g! Ŋgan siḭm mbirim mba̰-mba̰ ləm, Ɓə̰gərəm kara tuji pugudu məəm’g ləm tɔ Mbata tɔgərɔ kalta ndá m’al ya. Loo gə́ raga lé kiambas tuji ləm, Loo gə́ kəi lé yoo ɓa ula ŋgirá keneŋ ləm tɔ.

Nɔ̰-ndôo gə́ wɔji dɔ Jerusalem 2:21

Ŋganje gə ɓugaje lai ya rogo naŋg dan rəw’g, Ŋganəmje gə́ ma̰də gə basa lé d’wəi yoo-kiambas tɔ, Ndɔ oŋg’g ləi lé i tɔl dee ləm, I goré gwɔs dee lal koo ne kəmtondoo lə dee ləm tɔ.

Ojee 13:13

Meeko̰ a ra dee asəna gə ndóo Gə́ teḛ dɔ dené’g wai bèe, To ŋgon gə́ dum Gə́ ndɔ kojee as ya Nɛ yeḛ unda loo mee kea̰je’g teḛ el bèe.

Misee 4:10

Seḭ gə́ Jerusalem, maji kar sí ooje ko̰ né ləm, Gə tuma̰je ŋgururu-ŋgururu To gə́ dené gə́ ndóo tée bèe ləm tɔ! Mbata ɓasinè lé seḭ a kundaje loo mee ɓee-boo’g teḛje Ndá a kaw síje wala, Tɔɓəi seḭ a kawje saar teḛje Babilɔn. Lée neelé ɓa d’a kɔr sí kila sí tar keneŋ ləm, Lée neelé ɓa Njesigənea̰ a kɔr sí ji njéba̰je’g lə sí kɔm sí tar ləm tɔ.

Misee 4:9

See gelee ban ɓa ɓasinè seḭ ɔrje ndu sí gə́ tar wəl no̰je ne wa. See mbai lə sí əsé njekwɔji sí takəmkàrje godo ɓa Seḭ tuma̰je ne rɔ sí asəna gə dené gə́ ndóo tée bèe wa.

Misee 7:1

Meeko̰ oso dɔm’g! Mbata ma m’to m’asəna gə dəw Gə́ aw mba kinja kandə kag naḭkuli bèe ləm, M’to m’asəna gə njekaw ɓuru tor kandə nduú’g bèe ləm tɔ: Néɓuru gə́ ka̰ sɔ lé godo ləm, Kandə kodé gə́ doŋgɔr gə́ məəm ndigi lé godo ləm tɔ.

Matiyo 21:5

Maji kar sí ulaje koso-dəwje gə́ Sio̰ pajena: Aa ooje, mbai lə sí si aw gə́ rɔ sí’g nee, Yeḛ to dəw gə́ kul yururu, uba dɔ mulayḛ̀je gao si’g. To ŋgon mulayḛ̀je gə́ aḭ goo kea̰je gə́ yeḛ uba lé.

1 Njé gə́ Kɔrḭtə 9:16

Tagə́maji gə́ m’ila mberee lé ma m’oo loo ti ne rɔm el. Tɔgərɔ ya, to né gə́ unm lad ilam keneŋ ya. Ɓó lé m’ila mber Tagə́maji lé el ndá némeeko̰ a nai dɔm’g.

1 Njé gə́ Tesalonikə 5:3

Loo gə́ dəwje d’a si pana: Kari ba, loo to maji lɔm ɓəi! ... Ndá léegəneeya tuji a kuba dee naŋg bus asəna gə ndóo gə́ ɔs dené ɓɔḭ ɓa loo kaḭ a godo.