Jeremi 4:27 - Maktub gə́ To gə Kəmee

²⁷ Njesigənea̰ pa togə́bè pana: Ɓee bura a tel to dɔ nduba, Nɛ m’a tujee gə gelee bura el.

Jeremi 4:27 Iomraidhean Croise

2 Sôrta Gḭka Israɛlje 36:21

gə mba kar ta gə́ Njesigənea̰ pa ne gə ndu Jeremi lé aw ne lée’g béréré pana: Ɓee lé a to nduba as ləb rɔ-siri saar mba kar dɔ naŋg wa ne rəa mba taa ne tor ləb-kwa-rɔ gə́ yee wa ne rəa kédé el lé bèe.

Nehemi 9:31

Nɛ gə goo boo-meekɔrjol ləi lé I tuji dee el ləm, I uba dee ya̰ dee el ləm tɔ Mbata i to Ala gə́ njemeekaw taḭ-taḭ ləm, Gə njemeekɔrjol ləm tɔ.

Esai 17:6

Ges kandə kag a nai ya To gə́ loo gə́ dəw yə ne kag-koiyo bèe Ar kandə koiyoje nai joo əsé munda sémee’g tar ləm, Nai sɔ əsé mi dɔ barkəmeeje gə́ d’andə’g lé ləm tɔ. Njesigənea̰ gə́ njeboo-néje ɓa pa bèe.

Esai 24:1

Aa ooje, Njesigənea̰ a gə tuji ɓee karee tel to dɔ nduba ləm, Yeḛ a kar dɔ naŋg tel wagəsa ləma, A sané dəwje gə́ d’isi keneŋ kad-kad ləm tɔ.

Jeremi 18:16

Deḛ d’ar ɓee lə dee tel dɔ nduba, Ar dəwje d’ula sul dɔ’d gə́ kédé-kédé, Deḛ lai gə́ dəs lée’g neelé D’wa ta dee sud ləm, Biri dɔ dee widi-widi ləm tɔ.

Jeremi 25:11

Ɓee nee lai a tuji ləm, a tel to dɔ nduba ləm tɔ ndá ginkoji dəwje gə raŋg neelé d’a ra kula ɓər kar mbai gə́ Babilɔn as ləb dee rɔ-siri.

Jeremi 30:11

Mbata Njesigənea̰ pana: Ma m’nai səi gə mba kɔri kilai tar, Ginkoji dəwje gə raŋg lai Gə́ ma m’tubai m’ilai mbuna dee’g lé M’a tuji dee pugudu-pugudu, Nɛ i lé ndá m’a tujii pugudu el, M’a kar bo̰ nérai ɔs tai’g gə goo rəbee Ɓó ma m’askəm kya̰’i Lal kwɔjii kəmkàr el!

Jeremi 4:20

D’ila mber tuji gə́ dɔ na̰’d dɔ na̰’d Mbata ɓeeje lai tuji pugudu-pugudu, Deḛ tuji kəi-kubuje ləm pugudu-pugudu Gə́ léegəneeya ləm, Ndil-kula-dɔje ləm gə́ m’la kara Unda naŋg rab gə́ lé gən ya ləm tɔ.

Jeremi 4:7

Toboḭ ḭ loo-kum’g unda loo teḛ ləm, Njetuji ginkoji dəwje gə raŋg lé Uba loo-tée ya̰ Si njaa gə mba tuji ɓee lə sí, Ɓee-booje lə sí d’a tuji pugudu-pugudu ləm, Dəw kára kara a nai keneŋ el ləm tɔ.

Jeremi 44:6

Ma m’ɓugu oŋg gə meekḭ jugugu ləm dɔ dee’g ndá m’roo ɓee-booje gə́ Juda ləm, gə mba̰-rəwje gə́ Jerusalem ləm tɔ ar dee tuji pugudu ləm, ar dee tel to dɔdilaloo ləm tɔ, to gə́ dəwje d’oo ɓogənè lé.

Jeremi 46:28

I kura ləm Jakob, maji kari ɓəl el. Njesigənea̰ ɓa pa bèe, Mbata m’a nai səi. M’a tuji ginkoji dəwje gə raŋg lai Gə́ m’sani mbuna dee’g lé pugudu, Nɛ i ndá m’a tujii pugudu el, M’a kar bo̰ nérai ɔs tai’g Nɛ gə goo rəbee ya Ɓó m’as kya̰’i lal kwɔjii kəmkàr el.

Jeremi 5:10

Ubaje dɔ ndògo-bɔrɔje ləa gə́ tar Ndá tujije loo, Nɛ tuji deeje lai el! Tɔrje barkəm nduúje ləa Gə́ to ka̰ Njesigənea̰ el lé!

Jeremi 5:18

Nɛ mee ndəaje’g neelé Njesigənea̰ pana: M’a tuji sí gə gel sí lai el.

Jeremi 7:34

Mee ɓee-booje gə́ Juda gə mba̰-rəwje gə́ Jerusalem lé m’a kar ndu rɔlel gə ndu kalrɔ, gə pakɔs lə njedené-sigi gə pakɔs lə njeŋgao-sigi d’a godo keneŋ, mbata ɓee a tel to dɔ nduba ya.

Jeremi 9:11

See dəw gə́ ra ɓa gə́ njekəmkàr Gə́ gər gin néje neelé wa. Yeḛ gə́ Njesigənea̰ ulá ta lé maji karee pa! See gelee ban ɓa ɓee tuji ləm, Pər roo to gə́ dɔdilaloo gə́ dəw kára kara Dəs keneŋ el ləm tɔ wa.

Nɔ̰-ndôo gə́ wɔji dɔ Jerusalem 2:7

Mbaidɔmbaije ə̰ji loo-nékinjaməs ləa lé bəḭ-bəḭ ləm Yeḛ uba loo-siée gə́ to gə kəmee ya̰ ləm tɔ, Yeḛ wa ndògo-bɔrɔje gə́ gugu dɔ kəi-mbaije gə́ Sio̰ lé Bura ɔm dee ji njeba̰’g lé, Ndu dee ɓar u-u-u mee kəi’g lə Njesigənea̰ To gə́ ndɔ ra naḭ bèe.

Ejekel 11:13

Loo gə́ m’aw m’tegginta ndá Pelatia, ŋgolə Benaja oso vad wəi. Ma m’oso rəb m’dəb kəm naŋg tɔɓəi m’ra né gə ndum wəl m’pana: Ai-i Mbaidɔmbaije gə́ Njesigənea̰ see i a kar ges Israɛlje gə́ nai lé d’udu guduru bèe ya wa.

Ejekel 20:17

Nɛ neḛ n’oo kəmtondoo lə dee ndá n’tuji dee el ləm, n’ar dee d’udu guduru dɔdilaloo’g el ləm tɔ.

Ejekel 33:28

N’a kar ɓee tel to dɔ nduba gə́ wa ŋgɔ njag-njag ləm, gə dɔdilaloo ləm tɔ, siŋgamoŋgee gə́ yeḛ aw ti ne rəa a godo ləm, dɔ mbalje gə́ Israɛl a to kari péd-péd kar dəw kára kara dəs keneŋ el ləm tɔ.

Ejekel 6:14

N’a kula ji neḛ ndiŋ gə́ dɔ dee’g ndá n’a kar ɓee to kari ba péd-péd ləm, a tel to dɔ nduba unda dɔdilaloo gə́ Dibla ləm tɔ. Looje gə́ rara gə́ deḛ d’isi keneŋ lé a to bèe ya. Yee ɓa d’a gər ne to gə́ neḛ n’to Njesigənea̰ ya.

Ləbije 26:31

M’a kar ɓee-booje lə sí tel to dɔ nduba ləm, m’a tuji looje lə sí gə́ to gə kəmee ləma, néje lə sí gə́ d’ə̰də sululu lé kara m’a taa baḭ dee el ləm tɔ.

Ləbije 26:44

Nɛ loo gə́ d’a si mee ɓee’g lə njéba̰je lə dee kara m’a mbad dee gə no̰ el ləm, m’a tel ginkoji lə dee kar dee to gə́ né gə́ d’a tuji dee pugudu el ləma, ma gaŋg kúla manrɔ ləm rɔ sə dee el ləm tɔ, mbata ma m’to Njesigənea̰, Ala lə dee ya.

Soponi 1:18

Larnda lə dee əsé larlɔr lə dee kara D’a kaskəm taa ne dɔ rɔ dee mee ndɔ oŋg-boo’g lə Njesigənea̰ lé el, Pər boo-oŋg ləa a roo ɓeeje lai dula-dula, Mbata yeḛ a tuji dəwje lai Gə́ d’isi mee ɓee’g neelé pugudu-pugudu gə́ léegəneeya.