Jeremi 4:24 - Maktub gə́ To gə Kəmee

²⁴ M’aa dɔ mbalje ndá Aa oo, deḛ yə ɓugu-ɓugu ləm, Dɔdərlooje d’ula déréré-dèrèrè ləm tɔ.

Jeremi 4:24 Iomraidhean Croise

1 Mbaije 19:11

Njesigənea̰ pana: Gə́ teḛ raga, aar dɔ mbal’g no̰ Njesigənea̰’g! Nɛ aa oo, Njesigənea̰ lé dəs tar. Loo gə́ no̰ Njesigənea̰’g lé lel-boo gə́ to ɓəl kədm-kədm ula ar mbalje ta̰ ləm, təd mbalje njigi-njigi ləm tɔ nɛ Njesigənea̰ godo dan lel-boo’g lé. Goo lel-boo’g ndá naŋg yə nɛ Njesigənea̰ godo dan naŋg gə́ yə’g lé tɔ.

Pakɔsje 18:7

Dan néurti gə́ m’isi keneŋ lé Ma m’no̰ m’ɓar ne ri Njesigənea̰, M’no̰ gə ndum gə́ ɓar wəl gə́ rɔ Ala’g lé, Loo-siée gə́ to gə kəmee doi lé Yeḛ oo ndum keneŋ ləm, Ndu no̰ ləm lé aw saar oso mbia’g pad ya ləm tɔ.

Pakɔsje 77:18

Ndi gə́ il lé tel to ko̰ ndi gə́ mbél manee naŋg ləm, Nda̰gee kara ɓar dan loo kil’g ləa ya ləma, Kandə ɓandaŋgje ləi turu pə-pə gə mee looje lai-lai ya ləm tɔ.

Pakɔsje 97:4

Tel lə ndi ləa lé ndogó dɔ naŋg nee Ar naŋg oo ndá yə ne ɓugu-ɓugu ya.

Teḛ-Raga 19:18

Mbal gə́ Sinai lé sa pər taa pəl-pəl mbata Njesigənea̰ ḭ tar ree uru naŋg keneŋ dan pər’g, sa pər neelé uba ŋgɔg-ŋgɔg asəna gə sa pər mbo-boo bèe ndá mbal neelé bura ya yə ɓugu-ɓugu.

Esai 13:13

Gelee gə́ nee ɓa n’a yə dara ɓugu-ɓugu ləm, Gel naŋg kara a yə ləm tɔ Gə goo oŋg lə Njesigənea̰ gə́ njeboo-néje Mee ndɔ boo-oŋg’d ləa gə́ a kḭ səa jugugu lé tɔ.

Esai 24:20

Dɔ naŋg ləŋg təji-təji To gə́ dəw gə́ kido tɔlee bèe ləm, Yee ləŋg to gə́ kəi-ləw bèe ləm tɔ, Kaiya ləa wɔi dəa’g Ndá yee oso nɛ tel ḭ tar gogo el.

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Jeremi 10:10

Nɛ Njesigənea̰ to Ala gə́ tɔgərɔ, Yeḛ to Ala gə́ njesikəmba ləm, Gə mbai gə́ njesi gə ləbee-ləbee Gə no̰ ləm tɔ. Naŋg yə no̰ oŋg’d ləa ləm, Ginkoji dəwje gə raŋg d’askəm Kaar gəs no̰ oŋg-boo’g ləa el ləm tɔ.

Jeremi 8:16

Ndu ndil lə kundaje ləa ɓar Kel loo gə́ Dan ləm, Loo gə́ d’oo ndu ndil lə dee ndá Dɔ naŋg nee lai yə ɓugu-ɓugu ləm tɔ. Deḛ ree ndá tuji naŋg Gə néje lai gə́ keneŋ ləm,

Jeremi 9:10

Njesigənea̰ pana: M’a kwa Jerusalem kugu ɓiri-ɓisi Karee to gə́ loo-to lə tàlje ləm, M’a kar ɓee-booje gə́ Juda Tel to dɔnduba kar dəw kára kara Si keneŋ el ləm tɔ.

Ejekel 38:20

Ka̰jije gə́ dan baa-boo-kad’g ləm, gə yelje gə́ pə̰ dara’g ləm, gə daje gə́ wala ləm, gə néje lai gə́ d’ag naŋg gə ta mee dee ləma, gə dəwje lai gə́ dɔ naŋg nee ləm tɔ lé d’a kunda bala tigi-tigi no̰ neḛ’g. Mbalje d’a tɔr toso ləm, biri mbalje d’a jura naŋg ləma, ndògo-bɔrɔje lai d’a təd kərm-kərm ləm tɔ.

Misee 1:4

Mbalje léḛ gel gɔlee’g sələlə-sələlə To gə́ ya̰-tḛji léḛ ne ta pər’g bèe ləm, Kəm wəl-looje ta̰ To gə́ mán ula ne loo gə́ suru ɗum’g bèe ləm tɔ.

Habakuk 3:10

Dɔ mbalje d’ooi ndá d’unda bala, Ko̰ ndi mbél manee naŋg, Ɓul mán ar ndia ɓar wəl ləm, Ar paŋgəm manje d’ḭ gə́ tar ləm tɔ.

Habakuk 3:6

Yeḛ aar naŋg ndá yeḛ wɔji loo gə́ dɔ naŋg nee gə kəmee, Yeḛ aa loo gərərə ndá ar ginkoji dəwje gə raŋg d’unda bala, Dɔ mbalje gə́ to gə ləb dee ləb dee gə no̰ lé Tɔ pɔs-pɔs ləm, Dɔdərlooje gə́ ləw lé Rəm gə́ naŋg ləm tɔ, Deḛ ɓa gə́ kila-rəwje gə́ yeḛ njaa keneŋ kédé lé.

Loo gə́ killa rea kəm Ja̰’g 6:14

Dara kə́ dɔ na̰’d mber-mber to gə́ maktub gə́ kə́ na̰’d mber-mber bèe tɔɓəi mbalje gə dɔgoré-looje lé dee ŋgəs d’ya̰ loo-to dee gə́ kédé.