Jeremi 4:22 - Maktub gə́ To gə Kəmee

²² Tɔgərɔ ya, koso-dəwje ləm tɔ mbəje, Deḛ gərm el, Deḛ to ŋganje gə́ dɔ dee godo Ar gosonégər lal dee, Kəm dee àr dɔ néra gə́ majel’g ɓa Néra gə́ maji ndá deḛ gər loo rəa el.

Jeremi 4:22 Iomraidhean Croise

Gḭ-Néje 39:16

Yeḛ ŋgəm kubu lə Jisəb mbɔree’g saar ɓé-Jisepje tel ree kəi.

2 Samel 13:3

Kuramar Amno̰ kára si keneŋ, ria lə Jonadab, ŋgolə Simea gə́ to ŋgoko̰ Dabidje. Jonadab lé to dəw gə́ goso ləa to yaa̰.

Pakɔsje 36:3

Mbata yeḛ nja ɔs gaji rəa Gə mba kar dɔ néra kori-kori ləa ɔr ne njal ləm, Mba riba ne dɔ kḛji loo bəḭ-bəḭ ləa gə́ raga ləm tɔ.

Pakɔsje 36:4

Taje gə́ teḛ təa’g to taŋgɔm ləm, gə ta sukəmloo ləm tɔ, Yeḛ mbad ra né gə kəmkàr ləm, gə néra gə́ maji lé ləm tɔ.

Pakɔsje 53:4

Deḛ lai ndəm d’ila rima-rima, Dəw kára gə́ njera maji gə́ kára bèe kara godo. Kára bèe ya kara godo.

Pakɔsje 82:5

Deḛ lé kəmkàr əsé gosonégər lə dee godo ləm, Deḛ njaa dan loondul’g ya ləm tɔ, Bèe ɓa loo gə́ dɔ naŋg nee lai yə ne.

Gosota-Kəmkàrje 28:5

Dəwje gə́ d’ula rɔ dee mbiriri dan majel’g lé Gər gin né gə́ gə dɔ najee el, Nɛ deḛ gə́ saŋg Njesigənea̰ ɓa gər gin néje lai.

Esai 1:3

Bɔ maŋg gər njekulee ləm, Mulayḛ̀ gər bəgərə-sɔ-né ləa Gə́ to rɔ ɓéeje’g ləm tɔ. Nɛ Israɛlje ndigi gər né kára kara el, Kəm koso-dəwje ləm inja dɔ gosonégər’g el.

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Jeremi 10:8

Deḛ lai to gə́ mbəje gə njégərnéelje, Gosɔnégər lə dee to gə́ né gə́ kari ba: To gə́ kag!

Jeremi 13:23

See dəw gə́ Etiopi askəm tel ndar rəa ɓəd, Esé kàg a tel ndaŋg ləa ɓəd wa. Seḭ gə́ néra gə́ majel ɓa gə́ né gel sí, See seḭ asjekəm tel raje né gə́ maji Gə dɔ rɔ sí wa.

Jeremi 2:8

Njékinjanéməsje kara dəji ta bèe pana: See Njesigənea̰ si ra wa el ləm, Njégər gin godnduje gərm el ləm, Njékɔrno̰ dəwje to majikojije el ləm, Njéteggintaje tegginta gə ri magə-Baal ləma, Deḛ d’aw goo deḛ gə́ D’askəm la sə dee el ləm tɔ.

Jeremi 4:21

See m’a koo nétɔji ləm, M’a koo ndu to̰to̰ ləm tɔ lé Saar ndɔ gə́ ra wa.

Jeremi 5:21

Ooje ta nee, Seḭ koso-dəwje gə́ gosonégər lal sí! Kəm sí to gən nɛ seḭ ooje ne loo el ləm, Mbi sí to gən nɛ seḭ ooje ne ta el ləm tɔ.

Jeremi 5:4

Ma m’pana: Deḛ to dəwje gə́ kari ba, Deḛ ra né dɔ mbə’g, Mbata deḛ gər rəw lə Njesigənea̰ el ləm, Gə torndu Ala lə dee el ləm tɔ.

Jeremi 9:2

D’ɔr ndo̰ dee to gə́ kandə ɓandaŋg Gə́ d’ɔr léréré mba pa ne taŋgɔm, Kankəmta ɓa ar dee to ne gə́ njésiŋgamoŋje mee ɓee’g el, Mbata deḛ njaa dan meeyèr’g lə dee Gə́ kédé-kédé ləm, Deḛ gərm el ləm tɔ, Njesigənea̰ ɓa pa bèe.

Jeremi 9:3

Maji kar nana kara unda kəmkàr dɔ rəa’g Rɔ baokura’g ləa ləm, Maji kar dəw ɔm mée Dɔ ŋgokea̰’g kára kara el ləm tɔ, Mbata ŋgako̰ na̰je lai saŋg loo su kəm na̰ ləm, Baokuraje lə na̰ lai To gə́ njétəd ta kunda ta na̰’dje ləm tɔ.

Jeremi 9:5

Njesigənea̰ pana: Loo-sii to dan néŋgɔmje’g ləm, Gə goo néŋgɔmje ɓa Deḛ mbad gərm ne ləm tɔ.

Ejekel 16:30

See məəi mbɔrè gə́ ban ɓa bèe ɓa ari ra ne néra kaiya-dené gə́ ra né gə kəm sɔḭ el bèe wa. Mbaidɔmbaije gə́ Njesigənea̰ ɓa pa bèe!

Ojee 4:1

Seḭ Israɛlje lé maji kar sí ooje ta lə Njesigənea̰! Mbata Njesigənea̰ aw gə ta mba kila dɔ dəw-mee-ɓeeje’g neelé Mbata kankəmta godo mee ɓee’g neelé ləm, Meekɔrjol godo keneŋ ləma, Gər Ala kara godo keneŋ ləm tɔ.

Ojee 4:6

Koso-dəwje ləm tuji Mbata deḛ gərm el. To gə́ seḭ mbad gərmje ne lé Ndá ma kara m’a mbad sí Kɔr sí ne loo-kula gə́ wɔji dɔm’g tɔ, To gə́ seḭ arje meḛ sí wəi dɔ godndu Ala’g lə sí Ndá ma kara m’a kar məəm wəi dɔ ŋgan síje’g ya tɔ.

Ojee 5:4

Néra deeje ɔg dee loo tel ree rɔ Ala’g lə dee Mbata takə̰ji kuba Ala kyá̰ to mbuna dee’g ləm, Mbata deḛ gər Njesigənea̰ el ləm tɔ.

Amɔs 3:10

Njesigənea̰ ɓa pa togə́bè pana: Deḛ gər loo ra né gə́ danasur el ləm, Deḛ taa néje lə mar deeje gə siŋgamoŋ lə dee dɔ buguru’g Daa ne néje neelé mee kəi-mbaije’g lə dee ləm tɔ.

Misee 2:1

Meeko̰ a koso dɔ deḛ gə́ la̰ji tor néra gə́ kori-kori meḛ dee’g D’wa dɔ gɔlee jəb dɔ tira-to dee’g! Loo gə́ loo àr yərərə ndá d’aw ra née Loo gə́ d’ɔm siŋgamoŋ rəa lé ji dee’g tɔ.

Misee 7:3

Ji dee adə lam-lam gə mba ra ne némajel, Mbaije gə njégaŋ-rəwtaje dəji néndogo-gel Ɓa gə mba ra ne né gə́ maji ləm, Dəwje gə́ boi lé riba dɔ mal nékiŋga Gə́ ra dee ŋgwɔd-ŋgwɔd ləm tɔ, Yee ɓa d’ɔm ne na̰’d téréré dɔ néra dee’g.

Lugu 16:8

Loo gə́ ɓéeje oo goso lə njekaa dɔ néje ləa gə́ to majikoji el lé yeḛ ɔree ndəŋ ɔs ne gajee. Mbata ŋganje gə́ ɓasinè lé goso lə dee gə́ deḛ ra wɔji ne dɔ mar deeje lé dum ka̰ ŋgan lookàrje ya.

Tagə́maji gə́ Ja̰ ndang 16:3

D’a ra togə́bè mbata deḛ gər Bɔ-dəwje lé el ləm, deḛ gərm-ma lé el ləm tɔ.

Njé gə́ Rɔmə 1:22

Deḛ ɓar rɔ dee njékəmkàrje nɛ deḛ tel to mbə-dəwje.

Njé gə́ Rɔmə 1:28

To gə́ deḛ d’un ne kəm dee rəw dɔ gər Ala’g lé ndá yeḛ nja sula dee ne sɔgɔ dan néraje’g lə dee gə́ kərm-kərm’g gə mba kar dee ra néra gə́ ram lé ya.

Njé gə́ Rɔmə 16:19

Ŋgonkoji lə sí-seḭ lé dəwje lai d’oo nea̰ mba̰ am m’ra ne rɔlel tɔ. Ma m’ndigi kar sí toje njékəmkàrje dɔ néje lai gə́ maji’g nɛ saaje rɔ sí rəw dɔ néra gə́ majel’g.

Njé gə́ Rɔmə 3:11

Njekəmkàr kára kara godo ləma, Dəw gə́ saŋg Ala kára kara godo ləm tɔ. Deḛ lai ndəm d’ila rima-rima ya.

1 Njé gə́ Kɔrḭtə 14:20

Ŋgakɔmje, ta gə́ wɔji dɔ kɔr kəm ta lé maji kar sí tɔgje dɔ’g kaŋ-kaŋ ɓó telje ŋganje keneŋ el. Ta gə́ yèr ɓa maji kar sí toje ŋganje gə́ kas dɔ’g.

Tel tura Godndu 32:28

Deḛ to ginkoji dəwje Gə́ takə̰ji lə dee gə́ maji godo ləm, Gosɔkəmkàr lə dee kara godo ləm tɔ.

Tel tura Godndu 32:6

Mbə-dəwje gə́ kəmkàr na sí tas See néraje gə́ togə́bè ɓa Seḭ waje ilaje dɔ Njesigənea̰’g wa. See yeḛ to bɔ síje gə́ njekunda sí el wa. See yeḛ nja ɓa gə́ njekunda sí Kar sí síje kəmba lé el wa.