Jeremi 4:20 - Maktub gə́ To gə Kəmee

²⁰ D’ila mber tuji gə́ dɔ na̰’d dɔ na̰’d Mbata ɓeeje lai tuji pugudu-pugudu, Deḛ tuji kəi-kubuje ləm pugudu-pugudu Gə́ léegəneeya ləm, Ndil-kula-dɔje ləm gə́ m’la kara Unda naŋg rab gə́ lé gən ya ləm tɔ.

Jeremi 4:20 Iomraidhean Croise

Pakɔsje 42:7

Ŋgaw məəm lé təd mán ya, Gelee gə́ nee ɓa m’ə̰ji dɔi’g un gelee ɓee gə́ Jurdɛ̰ ləm, Un gelee mbal gə́ Hermo̰ Saar teḛ ne dɔ mbal gə́ Misəar ləm tɔ.

Pakɔsje 72:19

Maji kar ria gə́ maji dum lé ɓar saar-saar gə no̰ ləm, Maji kar rɔnduba ləa kara taa loo dɔ naŋg nee pəl-pəl ya ləm tɔ! Bèe ya! Bèe ya!

Teḛ-Raga 33:5

Njesigənea̰ ula Moyis pana: Ula Israɛlje lé pana: Seḭ toje dəwje gə́ njégwɔbkelkwɔije ya, ɓó lé m’a njaa mbuna sí’g kurm əw lam ba bèe ya kara m’a tuji sí ya. Bèe ndá ɓasinè lé tɔrje néra basaje gə néra ma̰dje lai gə́ rɔ sí’g ndá m’a koo ne né gə́ kəm kam m’ra sə sí ɓəi.

Esai 13:6

Maji kar sí no̰je, siije mbigi-mbigi Mbata ndɔ lə Njesigənea̰ si aw gə́ nee dəb, Yeḛ ree asəna gə nétuji Gə́ ḭ rɔ Bao-siŋgamoŋ’d bèe.

Esai 15:5

M’tuma̰ məəm’g ŋgururu-ŋgururu mbata lə Moabje, Mbata njéteḛ-ta rɔ’g pəd-pədje d’ḭ keneŋ D’aw njal teḛ Soar ləm, Saar teḛ Eglat-Selisija ləm tɔ, Mbata deḛ no̰ ta-ta d’un rəw Gə́ ḭ dən gə́ Luhit ləm, D’ɔr ndu dee no̰ wəl gə nékəmndoo Rəw gə́ aw Koronayim ləm tɔ.

Esai 33:20

Aaje loo ooje Sio̰ gərərə, Yee gə́ to ɓee-boo gə́ to loo-ra-naḭje lə sí lé Kəm sí a koo Jerusalem Gə́ to ɓee si lɔm ləm, Gə kəi-kubu gə́ d’a kɔr kaw ne raŋg el ləm, D’a tɔr kag-ɓərəje el saar ləma, D’a tudu kulaje ləa gogo el ləm tɔ.

Esai 47:9

Néje joo neelé d’a teḛ dɔ sí’g wai Gə́ mee ndəa gə́ kára ba ya Kar ŋganje lal sí ləm, Kar sí síje gə́ njékəisiŋgaje ləm tɔ. Lée némbeḛje lə sí gə́ bula əsé Nésukəmlooje lə sí gə́ bula yaa̰ kara Néje joo neelé d’a teḛ dɔ sí’g Mee ndɔ gə́ kára ba ya.

Esai 54:2

Ɔr gad-kəi-kubu ləi gə́ raga, Maji kar dee la pala ta maree’g loo-sii’g, Ɔg rɔi el! Ya̰ goo kúla aree ŋgal unda nje gə́ kédé ləm, Mbusu gel gajije ləi jigi-jigi ləm tɔ.

Jeremi 12:11

Deḛ d’aree tel to dɔdilaloo, Yee tel to loo ndòo ləm, Kəmee to ndòo nɔm’g ləm tɔ. Ɓee lai tuji pugudu, Mbata dəw kára kara gə́ njekḛji dɔ’g godo.

Jeremi 17:18

Maji kar njékula kəm ndooje nai gə rɔkul Ɓó kam ma ɓa m’nai gə rɔkul el. Maji kar dee d’unda bala tigi-tigi, Ɓó kam ma ɓa m’unda bala tigi-tigi el! Ar ndɔ némeeko̰ teḛ dɔ dee’g ləm, Ar tuji ɔs dɔ na̰ dɔ dee’g gɔl joo ləm tɔ.

Jeremi 4:21

See m’a koo nétɔji ləm, M’a koo ndu to̰to̰ ləm tɔ lé Saar ndɔ gə́ ra wa.

Jeremi 4:27

Njesigənea̰ pa togə́bè pana: Ɓee bura a tel to dɔ nduba, Nɛ m’a tujee gə gelee bura el.

Jeremi 4:6

Waje nétɔji tar par gə́ Sio̰! Aḭje ɓó aarje naŋg el! Mbata m’a gə kar némeeko̰ gə nétuji gə́ boo D’a kḭ par gə́ dɔgel ree.

Jeremi 9:18

Mbata ndu no̰ sii mbigi-mbigi Ɓar par gə́ Sio̰ pana: Ɗi togə́bè wa, jeḛ n’tuji! Rɔkul dəb dɔ sí’g! Ar sí j’ubaje ɓee lé j’ya̰je! Deḛ tɔs kəi-sije lə sí tila dee.

Nɔ̰-ndôo gə́ wɔji dɔ Jerusalem 3:47

Ɓəl ləm, gə bwa-yoo ləm, Gə néurti ləma, gə tuji ləm tɔ Ɓa to néje gə́ wɔji dɔ sí.

Ejekel 14:21

Bèe ya Mbaidɔmbaije gə́ Njesigənea̰ pa togə́bè pana: Lée n’ula gə nékwɔji-kəmkàrje lə neḛ gə́ sɔ gə́ to ɓəl kədm-kədm gə́ to kiambas ləm, gə ɓoo-boo ləm, gə daje gə́ majel ləma, gə yoo-koso ləm tɔ lé mba kar bo̰ néra njé gə́ Jerusalem ɔs ta dee’g mba tuji ne dəwje gə daje keneŋ pugudu-pugudu lé

Joɛl 1:15

Ai, ndɔ nee a to ndɔ gə́ ban wa! Mbata ndɔ lə Njesigənea̰ nai dəb ba. Yee a ree asəna gə nétuji gə́ ḭ rɔ Bao-siŋgamoŋ’d.

Ləbije 26:18

Ɓó lé seḭ ooje ta ləm el ya ɓəi ndá m’a kar bo̰ néra sí ɔs ta sí’g unda nje gə́ kédé as gɔl siri mbata lə kaiyaje lə sí.

Ləbije 26:21

Ɓó lé seḭ ɔsmje rəw ləm ndigije kooje ta ləm el ləm tɔ ndá m’a kar bo̰ néra sí ɔs ta sí’g unda nje gə́ kédé as gɔl siri gə goo kaiyaje lə sí.

Ləbije 26:24

m’a kar bo̰ néra sí ɔs ta sí’g unda nje gə́ kédé as gɔl siri mbata kaiyaje lə sí ləm tɔ.

Ləbije 26:28

m’a kɔs sí rəw gə oŋg gə́ to ɓəl kədm-kədm, tɔɓəi m’a kar bo̰ néra sí ɔs ta sí’g unda nje gə́ kédé as gɔl siri mbata kaiyaje lə sí ləm tɔ.

Habakuk 3:7

Ma m’oo kəi-kubuje lə Etiopije lé Tel to né gə́ kari ba ləm, Deḛ gə́ d’isi mee kəi-kubuje’g ɓee gə́ Madian kara Ɓəl unda dee badə gaŋg dee ləm tɔ.

Bula lə Israɛlje 16:21

Saaje rɔ sí mbuna dəwje’g neelé ndá m’a gə tuji dee gə́ léegəneeya.

Matiyo 10:28

Deḛ gə́ tɔl darɔ sí ɓó d’askəm tɔl kankəmrɔ sí el lé ɓəl deeje el. Yeḛ gə́ askəm tuji kankəmrɔ sí gə darɔ sí na̰’d dan pər’g ɓa ɓəleeje.

2 Njé gə́ Tesalonikə 1:9

Bo̰ néra dee a kɔs ta dee’g loo gə́ d’a tuji keneŋ gə no̰ ləm, d’a si ŋgərəŋ ɓó d’a si no̰ Mbaidɔmbaije’g dəb el ləma, siŋgamoŋ ləa a nduba dɔ dee’g el ləm tɔ.