Jeremi 4:16 - Maktub gə́ To gə Kəmee

¹⁶ Paje taree arje ginkoji dəwje gə raŋg ləm, Arje njé gə́ Jerusalem d’oo ləm tɔ: Deḛ gə́ d’aḭ dɔ dee sub gə rɔ lé D’ḭ dɔ ɓee gə́ əw’g, Deḛ d’uru kò-rɔ dɔ ɓee-booje gə́ Juda.

Jeremi 4:16 Iomraidhean Croise

Esai 34:1

Seḭ ginkoji dəwje gə raŋg lé reeje pər gə́ nee ooje! Seḭ koso-dəwje lé lelje mbi sí! Maji kar dɔ naŋg gə néje lai gə́ keneŋ ləm, Dəwje lai gə́ dɔ naŋg nee gə néje lai gə́ ḭ keneŋ ləm tɔ lé d’oo ta ya!

Esai 39:3

Gée’g gogo Esai, njetegginta ree rɔ mbai Ejekias’g dəjee pana: See ta ɗi ɓa dəwje nee ree d’ulai wa. See deḛ d’ḭ ra ɓa ree rɔi’g wa. Ejekias tel ilá keneŋ pana: Deḛ d’ḭ ɓee gə́ əw gə́ Babilɔn.

Jeremi 1:15

Mbata aa oo, m’a gə ɓar Koso-dəwje lai gə́ d’isi ɓeeko̰je Gə́ par gə́ dɔgel, Njesigənea̰ ɓa pa bèe, Ndá deḛ d’a ree kar nana kara a kunda kalimbai ləa Tarəwkɔgje lə ɓee gə́ Jerusalem No̰ ndògo-bɔrɔje lai gə́ gugu dəa ləm, Gə no̰ ɓee-booje lai gə́ Juda ləm tɔ.

Jeremi 16:6

Dəwje gə́ boo-boo gə dəwje gə́ gɔ-gɔ d’a kwəi mee ɓee’g neelé. D’a dubu dee el ləm, d’a no̰ dee el ləm, d’a tḭja rɔ dee pədərə-pədərə mbata lə dee el ləma, d’a ndisa dɔ dee ŋgori-ŋgori gə mbata lə dee el ləm tɔ.

Jeremi 2:15

Ŋgan toboḭje d’inja miḭ Ra ne hər-hər dɔ dee’g, Deḛ d’ar ɓee lə dee to dɔ nduba, Ɓee-booje lə dee roo dula-dula Ar dəw kára kara ra ɓee keneŋ el.

Jeremi 31:10

Seḭ ginkoji dəwje gə raŋg, Ooje ta lə Njesigənea̰, Ndá ilaje mberee dɔgoré-looje Gə́ əw lé pajena: Yeḛ gə́ sané Israɛlje kédé lé A tel mbo̰ dee dɔ na̰’d Ndá yeḛ a kaa dɔ dee to gə́ njekulbadje Aa ne dɔ koso-badje ləa bèe.

Jeremi 39:1

Mee naḭ gə́ njekɔm’g dɔg mee ləb gə́ njekɔm’g jinaikara gə́ Sedesias, mbai gə́ Juda o̰ ne ɓee lé ndá, Nebukadnesar mbai gə́ Babilɔn ree gə njérɔje ləa lai d’aḭ ne dɔ Jerusalem sub gə rɔ.

Jeremi 4:17

Deḛ d’aḭ dɔ Jerusalem sub To gə́ deḛ gə́ njéŋgəmndɔje D’aḭ ne dɔ ndɔ sub bèe, Mbata to ma ɓa d’ḭ d’ɔsm rəw, Njesigənea̰ ɓa pa bèe.

Jeremi 5:15

Aa ooje, m’a kar ginkoji dəwje D’ḭ loo gə́ əw’g ya ree Mba rɔ sə sí, seḭ gel-bɔje lə Israɛl, Njesigənea̰ ɓa pa bèe. To ginkoji dəwje gə́ to njésiŋgamoŋje ləm, To ginkoji dəwje gə́ ləw ləm, To ginkoji dəwje gə́ seḭ gərje takɔji dee el ləma, Dɔ ta gə́ deḛ pa kara Seḭ a gərje el ləm tɔ.

Jeremi 5:6

Gelee gə́ nee ɓa Toboḭ gə́ mee kag-kɔr’g tɔl dee ne ləm, Jagmjər gə́ dɔdilaloo’g tuji dee ne ləma, Kàgje d’iya ne rɔ dee no̰ ɓee-booje’g lə dee ləm tɔ, Deḛ lai gə́ d’a kunda loo mee ɓee’g nee teḛ ndá D’a ti dee mbidi-mbidi, Mbata nékal godndu lə dee to yaa̰ ləm, Néra majikojielje lə dee ḭ dɔ maree’d Gə́ kédé-kédé ləm tɔ.

Jeremi 50:2

Maji kar sí ilaje mberee Arje ginkoji dəwje gə raŋg ləm, Areeje oso mbi dee’g ləma, Undaje nétɔji tar ləm tɔ. Ilaje mberee ɓó iyaje dɔ né kára el! Pajena: Deḛ taa Babilɔn mba̰ ya! Magə-Bel nai gə rɔkul ləm, Magə-Merodak lé tədee njigi-njigi ləm tɔ! Magəje ləa nai gə rɔkul ləm, Magəje ləa təd njigi-njigi ləm tɔ.

Jeremi 6:18

Gelee gə́ nee ɓa Seḭ ginkoji dəwje gə raŋg, ooje ta! Seḭ gə́ mbo̰je dɔ na̰ lé Maji kar sí gərje né gə́ a gə teḛ dɔ dee’g lé!

Jeremi 6:19

I dɔ naŋg neelé maji kari oo ta, Aa oo, m’a gə kar némeeko̰ ree Dɔ koso-dəwje’g neelé Gə goo kandə takə̰jije lə dee, Mbata deḛ d’ur mbi dee Dɔ taje’g ləm el ləm, Deḛ d’ə̰ji godndum bəḭ-bəḭ ləm tɔ.

Jeremi 6:22

Njesigənea̰ pa togə́bè pana: Aa ooje, koso-dəwje D’ḭ par gə́ ɓee gə́ dɔgel bèe ree ləm, Boo-ginkoji dəwje d’ḭ rudu naŋg’d nee lai ləm tɔ.

Jeremi 6:23

Deḛ d’odo ɓandaŋgje Gə ko̰ niŋgaje ləm, Deḛ to njémeemajelje Ɓó d’oo kəmtondoo el ləma, Ndu dee ɓar asəna gə baa-boo-kad bèe ləm tɔ. Deḛ d’uba kundaje D’isi pèrèrè gə mba rɔ To gə́ dəw gə́ kára ba bèe, Mba rɔ sə sí-seḭ gə́ síje Sio̰!

Jeremi 8:19

Aa ooje, ndu no̰ lə koso-dəwje ləm ɓar Dɔ naŋg ɓeeje gə́ əw’g pana: See Njesigənea̰ godo Sio̰ wa. See mbai lə dee godo keneŋ wa. See gelee ban ɓa Deḛ tɔl néndajije gə́ magəje Gə́ to magəje gə́ dɔ ɓee’g D’ar oŋg ḭ ne səm pu wa.

Ejekel 21:22

Neḛ kara n’a kunda ji neḛ tɔ, n’a kar boo-oŋg lə neḛ aw ne lée’g béréré, to neḛ Njesigənea̰ ɓa m’pata.