Jeremi 4:14 - Maktub gə́ To gə Kəmee

¹⁴ Seḭ gə́ Jerusalem, maji kar sí togoje Némajel gə́ to dɔɓəŋgərə sí’g Ɓó gə ajije ne! See saar ndɔ gə́ ra ɓa seḭ a kundaje ŋgaŋ Ŋgəm takə̰jije gə́ majel meḛ sí’g wa.

Jeremi 4:14 Iomraidhean Croise

Pakɔsje 119:113

Dəwje gə́ njémeebəŋgərəje lé M’ə̰ji dee bəḭ-bəḭ, Nɛ godndui lé ɓa m’unda dan kəm’g.

Pakɔsje 51:2

Loo gə́ Natan njetegginta lé ree rəa’g gə goo kaw gə́ Dabid aw ne rɔ Bat-Seba’g lé.

Pakɔsje 66:18

Ɓó lé m’lɔm dɔ néra gə́ kori-kori məəm’g ndá Mbaidɔmbaije a kam né gə́ m’dəjee lé el.

Gosota-Kəmkàrje 1:22

Seḭ gə́ négər na meḛ sí tas lé See ndɔ gə́ ra ɓa a kəwje rɔ sí raje né Gə́ gə mḭdé ba lé wa. Seḭ njékula sul dɔ loo’gje lé See kula sul dɔ loo’d gə́ lel sí lé A kundaje ŋgaŋgee ndɔ gə́ ra wa. Seḭ mbəje kara see ndɔ gə́ ra ɓa A kundaje ŋgaŋ mbad gər gin né lé wa.

Esai 55:7

Maji kar njemeeyèr uba goo rəw ləa ya̰ ləm, Maji kar dəw gə́ njera né kori-kori uba goo takə̰jije ləa ya̰ ləm tɔ, Maji karee tel ree rɔ Njesigənea̰’g Mbata yeḛ a koo kəmtondoo ləa ləm, Maji karee tel ree rɔ Ala’g lə sí Gə́ rəa asee dɔ meekoso lemsé’g el ləm tɔ.

Jeremi 13:27

Neḛ n’oo mɔdkaiyaje ləi Gə ndui gə́ ɓar asəna gə ndu no̰ lə kunda bèe ləm, Gə néraije gə́ to kḛji asəna gə néra kaiya-dené Gə́ i ra dɔ looje gə́ ndəw’g gə mee ndɔje’g ləma, N’oo néraije gə́ mina̰ ləm tɔ. Meeko̰ a koso dɔi-i Jerusalem’g See saar ndɔ gə́ ra ɓa i a tila gə́ tila Mba kɔr won rɔi ɓəi wa.

Jeremi 17:1

Kaiya ra Judaje lé ndaŋg gə siga gə́ ra gə lar gə́ ndul Gə́ ra təa gə lar gə́ kədərə Gə́ ɓaree diama̰. Deḛ ndaŋg taree dɔɓəŋgərə dee’g ləm, Gə dɔ kum loo-nékinjanéməsje’g gə́ ḭta lə sí ləm tɔ.

Jeremi 18:11

Ɓasinè, maji kam m’pata m’ar dəwje gə́ Juda ləm, gə deḛ gə́ d’isi Jerusalem ləm tɔ pana: Njesigənea̰ pa togə́bè pana: Aa ooje, neḛ n’wa dɔ gɔl némeeko̰ mba ra sə sí ləm, neḛ n’la̰ji ta né mba ra sə sí ləm tɔ. Maji kar sí gɔlje rəw-kaw sí ləm, gə kula ra sí ləm tɔ.

Jeremi 2:22

Lée seḭ togoje rɔ sí gə sigiri Lée usuje ne rɔ sí yaa̰ ya kara Néra gə́ kori-kori lə sí nai rɔ sí’g nɔm’g ya, Mbaidɔmbaije gə́ Njesigənea̰ ɓa pa bèe.

Jeremi 6:19

I dɔ naŋg neelé maji kari oo ta, Aa oo, m’a gə kar némeeko̰ ree Dɔ koso-dəwje’g neelé Gə goo kandə takə̰jije lə dee, Mbata deḛ d’ur mbi dee Dɔ taje’g ləm el ləm, Deḛ d’ə̰ji godndum bəḭ-bəḭ ləm tɔ.

Ejekel 18:31

Kaltaje lə sí lai gə́ seḭ raje ne kaiya lé ubaje ya̰je. Maji kar meḛ sí tel to sigi ləm, kar takə̰jije lə sí tel to sigi ləm tɔ. Seḭ gel-bɔje lə Israɛl lé see gelee ban ɓa seḭ ndigi kwəije wa.

Jakari 8:17

Maji kar dəw kara mbuna sí’g Wɔji mée’g gə mba ra majel gə maree el ləm, Ubuje rɔ sí gə taŋgɔm el ləm tɔ, Mbata néje lai neelé neḛ n’ə̰ji dee bəḭ-bəḭ, Njesigənea̰ ɓa pa bèe.

Matiyo 12:33

Ɓó lé kandə kag maji ndá seḭ pajena rɔ kag maji tɔ, əsé ɓó lé kandə kag majel ndá seḭ pajena rɔ kag majel tɔ. Mbata kandə kag ɓa deḛ gər ne rɔ kag ya.

Lugu 11:39

Nɛ Mbaidɔmbaije lé ulá pana: Seḭ Parisiḛje lé seḭ togoje gir ŋgo-kai-manje ləm gə gir kaje ləm tɔ ar deeje d’àr raŋg-raŋg, nɛ meḛ sí gə́ kəi lé meeyèr gə kəmkəḭ wa keneŋ gɔgɔgɔ-gɔgɔgɔ.

Tagə́maji gə́ Ja̰ ndang 13:9

Simo̰ Piɛrə tel ilá keneŋ pana: Bèe ndá Mbaidɔmbaije, maji kari togo gɔlm ɓa goo kára ba el, nɛ togo jim gə dɔm bura ya.

Néra Njékaḭkulaje 8:22

Wa ndòo rɔi dɔ némeeyèr’g ləi, ra ndòo rɔ Mbaidɔmbaije’g ɓa dɔmaji-nà mée a ti mbidi dɔ takə̰ji’g ləi ɓəi,

Njé gə́ Rɔmə 1:21

mbata deḛ gər Ala lé gao ya nɛ rɔnduba gə́ wɔji dəa lé d’ula dəa’g el ləm, deḛ rəa oiyo el ləm tɔ. Takə̰ji lə deḛ gə́ gə mḭdé ba lé uru dee wala ləm, kəmkàr gə́ godo meḛ dee’g lé ar meḛ dee ndul ne njudu-njudu ləm tɔ.

1 Njé gə́ Kɔrḭtə 3:20

Tɔɓəi deḛ pa taree loo gə́ raŋg’g pana: Mbaidɔmbaije gər takə̰ji lə njékəmkàrje gao, Oo to gə́ to ta gə́ mḭdé ba.

Maktub gə́ Jak ula ne ar ngan-Allaje 4:8

Rəmje pər gə́ rɔ Ala’g ndá yeḛ a rəm pər gə́ rɔ sí’g tɔ. Seḭ kaiya-dəwje, togoje ji sí, seḭ gə́ meḛ sí bəŋgərə sí lé ɔrje won kaiya meḛ sí’g tɔ.