Jeremi 4:11 - Maktub gə́ To gə Kəmee

¹¹ Mee ndəa’g neelé D’a kula koso-dəwje nee ləm Gə ɓee gə́ Jerusalem ləm tɔ pana: Lel gə́ nuŋga kəd-kəd ḭ dɔdərlooje gə́ dɔdilaloo’g Ula rəw-kaw’g lə ŋgolə koso-dəwje ləm gə́ dené Nɛ gə mba tó ne kó el ləm, Gə mba gɔl ne kandə né el ləm tɔ.

Jeremi 4:11 Iomraidhean Croise

Pakɔsje 11:6

Njesigənea̰ ar kɔr pər, gə pər, gə kṵji pər gə́ teḛ bilim-bilim lé Er dɔ njémeeyèrje’g to gə́ ndi bèe ləm, Lel-mal gə́ nuŋga gə́ ɓir lé Yee ɓa gə́ né gə́ wɔji dɔ dee ya ləm tɔ.

Esai 22:4

Yee gə́ bèe ɓa ma m’pa ne m’pana: Unje kəm sí dɔm’d gə́ raŋg, Ya̰’mje amje m’no̰ gə meeko̰, Saŋje loo gə mba gɔl məəm Wɔji dɔ tuji-boo gə́ teḛ dɔ ŋgon gə́ dené’g lə koso-dəwje ləm lé el.

Esai 27:8

I wɔji dee kəmkàr aree as lé Loo gə́ i ar dee d’wa dee d’aw sə dee ɓee-ɓər’g Asəna gə lel-boo gə́ ḭ bər Ɔr dee aw sə dee bèe.

Esai 41:16

Seḭ a tó deeje séréré-séréré Ndá lel a kɔr dee kaw sə dee əw ləm, Lel-mal a sané dee kad-kad ləm tɔ. Nɛ seḭje lé seḭ a kalje rɔ sí gə mbata lə Njesigənea̰ ləm, Seḭ a kɔsje gaji rɔ sí wɔji ne dɔ Njerɔkunda lə Israɛlje lé ləm tɔ.

Esai 64:6

Dəw kára kara gə́ njeɓar rii Yeḛ gə́ ɔs rəa ɓad mba kɔm səi na̰’d lé godo. Gelee gə́ nee ɓa i iya ne sə sí kəmi, I ya̰ sí ne mba kar sí j’uduje Gə goo néra majelje lə sí.

Jeremi 13:24

M’a sané dee to gə́ ləm mu Gə́ lel gə́ dɔdilaloo’g sané bèe.

Jeremi 14:17

Aa oo, ta gə́ kəm kari ula dee ɓa to nee: Man-no̰ ndəi kəm neḛ’g dan kàrá Gə loondul’g, ɓó əw el, Mbata koso-dəwje lə neḛ Gə́ to d’asəna Gə ŋgoma̰də gə́ gər ŋgaw el lé Neḛ n’ar tuji-boo teḛ dɔ dee’g, To doo gə́ a kər el.

Jeremi 23:19

Aa ooje, lel-boo lə Njesigənea̰ Gə́ to oŋg-boo ləa nduba rəa ləm, Ndi bura-boo aw gə́ nee ləm tɔ Ndá jura dɔ njémeeyèrje’g.

Jeremi 4:12

To lel-boo gə́ ḭ keneŋ Ula saar ree rɔm’g. Ɓasinè m’a gə gaŋg ne ta dɔ dee’g ŋga.

Jeremi 8:19

Aa ooje, ndu no̰ lə koso-dəwje ləm ɓar Dɔ naŋg ɓeeje gə́ əw’g pana: See Njesigənea̰ godo Sio̰ wa. See mbai lə dee godo keneŋ wa. See gelee ban ɓa Deḛ tɔl néndajije gə́ magəje Gə́ to magəje gə́ dɔ ɓee’g D’ar oŋg ḭ ne səm pu wa.

Jeremi 9:1

Wai! Lée m’iŋga ŋgon Kəi-to-mbàje dɔdilaloo’g ndá M’a kuba koso-dəwje ləm kya̰ dee kaw əw keneŋ! Mbata deḛ lai to njémɔdkaiyaje ləm, Deḛ to kudu dəwje gə́ njékun dɔ mar deeje ləm tɔ.

Jeremi 9:7

Ndo̰ dee to gə́ kandə ɓandaŋg Gə́ ka̰ tɔl dəw ləm, Taŋgɔm ɓa gə́ tapa dee goo kára ba ləm tɔ. Ndo̰ dee pata meekulɔm ar mar deeje, Nɛ meḛ dee gə́ kəi ndá To gum ɓa d’iya no̰ dee’g.

Nɔ̰-ndôo gə́ wɔji dɔ Jerusalem 2:11

Man-no̰ tɔ kəm wə-wə ləm, Ŋgan siḭm mbirim mba̰-mba̰ ləma, Siŋgam teḛ rɔm’g wɔndə ləm tɔ. Mbata tuji gə́ oso dɔ dəwje’g ləm ləm, Gə mbata ŋganje gə ŋganje gə́ ta mbà’d Gə́ d’aw d’ila mbir-mbir mee ɓee’g lé ləm tɔ.

Nɔ̰-ndôo gə́ wɔji dɔ Jerusalem 3:48

Man-no̰ ruba kəm’g pɔ-pɔ Mbata tuji gə́ teḛ dɔ dəwje’g ləm lé.

Nɔ̰-ndôo gə́ wɔji dɔ Jerusalem 4:10

Denéje gə́ to njémeekawtaḭ-taḭje ya Ndiri ŋgan deeje ɓa d’aree to nésɔ dee Dan nékəmndoo gə́ teḛ dɔ koso-dəwje’g lé ləm tɔ.

Nɔ̰-ndôo gə́ wɔji dɔ Jerusalem 4:3

Tálje kara d’ar ŋgan deeje d’il mbà dee Nɛ dəwje gə́ ɓee ləm lé Yeḛ tel to njemeeiyèr To gə́ miruje gə́ d’aw dɔdilaloo’g bèe.

Nɔ̰-ndôo gə́ wɔji dɔ Jerusalem 4:6

Bo̰ néra koso-dəwje ləm gə́ ɔs ta dee’g lé To ɓəl yaa̰ unda né gə́ teḛ dɔ Sɔdɔm’d Gə́ tuji to gə́ kəm gə́ tuga jib bèe Lal kar dəw un jia naree ne.

Ejekel 17:10

Aa ooje, deḛ meaa̰ mba̰. See a teḛkɔr ya wa. Ɓó lé lel gə́ ḭ bər ree ula dəa’g ndá see a tudu el wa. Yee a tudu dɔ naŋg gə́ yee uba keneŋ lé ya.

Ejekel 19:12

Nɛ nduú neelé deḛ tɔree gə boo-oŋg d’ɔm naŋg, Lel gə́ ḭ bər ula keneŋ ar ka̰dee tudu kurum-kurum, Barkəmeeje gə́ siŋ na̰’d siŋ-siŋ təd ləm, Tudu kurum-kurum ləma, Pər roo dee dula-dula ləm tɔ.

Ojee 13:15

Lée nékiŋgaje lə Eprayimje to yaa̰ mbuna ŋgako̰ deeje’g kara Lel gə́ a kḭ bər lé a kula dɔ dee’g ləm, Lel lə Njesigənea̰ a kḭ dɔdilaloo’g kula ləm tɔ Ndá kəm-rəw-manje lə dee d’a tudu kurum-kurum ləm, Manje lə dee gə́ d’aḭ kuji-kuji kara d’a kyi tə-tə ləma, Kəi-nébaoje gə́ néje gə́ to ŋgonkəm dee to keneŋ lé D’a kunda deḛ lai gə́ nébanrɔ kaw ne ləm tɔ.

Ojee 13:3

Gelee gə́ nee ɓa d’a to ne kasəna Gə mum gə́ oso teḛ gə́ ndɔ ləm, D’a to ne kasəna Gə mán tàl gə́ wa waga ɓa gəḭ ɓəi ləm, D’a to ne kasəna Gə tisa kó gə́ lel sané kad loo-kunda-kó’g bèe ləma, D’a to ne kasəna Gə sa pər gə́ teḛ kəmbolè’g bèe ləm tɔ.

Ojee 4:19

Lel a ɓiri dee kaw sə dee. Bèe ɓa rɔkul a dəb dɔ dee’g mbata nékinjanéməsje lə dee ya.

Habakuk 1:11

Deḛ dəs kalaŋ to gə́ lel-mal bèe ləm, Deḛ njaa kəm dee gə́ kédé d’ar ta wa dɔ dee ləm tɔ. Deḛ d’oo Siŋgamoŋ lə dee-deḛ nja ɓa gə́ magə lə dee ya.

Habakuk 1:6

Aa ooje, n’a gə kɔs Kaldeje ɓɔḭ-ɓɔḭ Deḛ lé to koso-dəwje gə́ to njéo̰gje gə njémeekḭ juguguje ləm, Deḛ d’unda tad ɓee gə dɔ naŋg dana gaŋg Gə mba kaw taa loo-sije gə́ to ka̰ dee-deḛ el lé ləm tɔ.

Matiyo 3:12

Nékwayiŋga dɔ kó ləa to jia’g. Yeḛ a kwa ne yiŋga dɔ kó loo-kunda-kó’g ləa nɛ yeḛ a mbo̰ kandə kó ləa kɔm dàmá ndá yeḛ a roo yiŋga dəa gə pər gə́ a kwəi nda̰ el lé tɔ.

Lugu 3:17

Nékwayiŋga dɔ kó ləa to jia’g, yeḛ a kwa ne yiŋga dɔ kó loo-kunda-kó’g ləa ndá yeḛ a mbo̰ kandə kó ləa kɔm dàmá nɛ yeḛ a roo yiŋga dəa dan pər gə́ a kwəi nda̰ el.