Jeremi 39:6 - Maktub gə́ To gə Kəmee

⁶ Mbai gə́ Babilɔn ar dee tḭja gwɔs ŋgalə Sedesias kəmee’g ya mee ɓee gə́ Ribla ləm, mbai gə́ Babilɔn ar dee tḭja gwɔs dəwje gə́ boo-boo lai gə́ Juda ləm tɔ.

Jeremi 39:6 Iomraidhean Croise

Gḭ-Néje 21:16

ɓa yeḛ ɔd aw si nea̰’g əw as loo kuru ɓandaŋg bèe. Mbata yeḛ pana: Maji kam m’oo yoo ŋgonəm el! Yeḛ si naŋg nea̰’g kédé ndá yeḛ ila boo-ndia naŋg no̰ ne.

Gḭ-Néje 44:34

See m’a tel kaw rɔ bɔm’g lal kar ŋgon lé aw səm na̰’d to gə́ ban wa. Ǝi! Maji kam m’oo meeko̰ lə bɔm bèe el ŋga.

2 Mbaije 22:20

Gelee gə́ nee ɓa n’a kari wəi kar dee dubi mbɔr dɔɓar bɔbije’g gə meekulɔm gə mba kar kəmi oo nékəmndooje lai gə́ n’a gə kar dee ree dɔ loo gə́ nee’g lé el tɔ. Bèe ɓa deḛ tel gə ta lé d’aw d’ula ne mbai lé ya.

2 Mbaije 25:7

Ŋgalə Sedesias lé deḛ tḭja gwɔs dee kəmee’g ya, tɔɓəi deḛ tɔr guburu kəm Sedesias ləm, deḛ təa gə kúla lar gə́ kas ləm tɔ, d’aw səa Babilɔn.

2 Sôrta Gḭka Israɛlje 34:28

Aa oo, m’a kari aw iŋga bɔbije-je ləm, m’a kari aw bwa dɔɓar’g ləi gə meekulɔm ləma, kəmi a koo nékəmndooje lai gə́ m’a gə kar dee ree dɔ loo gə́ nee’g gə dəwje gə́ d’isi keneŋ lé el ləm tɔ. Bèe ɓa deḛ tel gə ta neelé d’aw d’ula mbai lé tɔ.

Este 8:6

Mbata m’a si koo nékəmndoo gə́ a teḛ dɔ dəwje’g ləm bèe to gə́ ban wa. Esé m’a koo ginkoji ləm gə́ a gə tuji lé bèe ya to gə́ ban wa.

Esai 13:16

D’a kunda ŋgan deeje kəm dee’g ya vaga-vaga tɔl dee ləm, D’a buu mee kəije lə dee buu-buu ləma, D’a kur dɔ denéje’g lə dee ləm tɔ.

Esai 34:12

D’a koo dəw gə́ boo kára kara Gə mba kundá gə́ mbai el ləm, D’a tuji mbaije ləa lai pugudu-pugudu ləm tɔ.

Jeremi 20:4

Mbata Njesigənea̰ pa togə́bè pana: Aa oo, i seḭ gə baokuraje ləi lai n’a gə kɔm sí dan boo-néɓel’g. Deḛ d’a kwəi yoo-kiambas lə njéba̰je lə dee ndá i a koo gə kəmi. Judaje lai kara n’a kuba dee kya̰ dee meḛ ji mbai gə́ Babilɔn’g karee wa dee ɓər aw sə dee Babilɔn ləm, karee tɔl dee gə kiambas ləm tɔ.

Jeremi 21:7

Njesigənea̰ pana: Gée’g gogo ndá n’a kuba Sedesias, mbai gə́ Juda, gə kuraje ləa, gə koso-dəwje gə́ teḛ ta yoo-koso’g gə ta kiambas’g, gə ji njéba̰je’g lə dee lé kya̰ dee ji Nebukadnesar, mbai gə́ Babilɔn’g ləm, gə ji njéba̰je’g lə dee ləma, gə ji deḛ gə́ ndigi kar dee d’wəi ləm tɔ. Yen ɓa Nebukadnesar a tɔl dee gə kiambas ɓó yeḛ a kya̰ dee el ləm, a koo kəmtondoo lə dee el ləma, mée a kaw taḭ-taḭ mbata lə dee el ləm tɔ.

Jeremi 34:3

Ndá i lé i a teḛ jia’g el, nɛ i a koso jia’g karee wai ləm, i a koo kəm mbai gə́ Babilɔn ləma, i a kulá ta gə tai ja̰-ja̰ ləm tɔ ya ɓa i a kaw Babilɔn ɓəi.

Jeremi 38:23

D’a kaw gə denéje ləi lai gə ŋganije kaw kar Kaldeje ndá i a teḛ meḛ ji dee’g el ləm, mbai gə́ Babilɔn a kwai gə jia peb ləm, a roo ɓee-boo nee ləm tɔ.

Jeremi 52:10

Mbai gə́ Babilɔn ar dee tḭja gwɔb ŋgalə Sedesias kəmee’g. Tɔɓəi yeḛ ar dee tḭja gwɔb mbaije gə́ Juda lai mee ɓee-boo gə́ Ribla tɔ.

Ejekel 23:24

Deḛ d’a kɔr rɔ kaw rɔ səi gə nérɔje, gə pusu-rɔje, gə ŋgan pusuje ləm, gə koso-dəwje ləm tɔ, d’a kḭ gə looje ɓəd-ɓəd gə dərje gə́ boi-boi ləm, gə ŋgan dərje ləma, gə dɔgugu-rɔje ləm tɔ gə mba ree rɔ ne səi. N’a kɔm rəwta-gaŋg ji dee’g kar dee gaŋg rəwta dɔi’g gə goo godnduje lə dee.

Ejekel 24:5

Mbər ŋgon nékul gə́ maji wa, Tɔɓəi tɔs kag gel jo’g, Aree ndiri ɓugu-ɓugu Ar siŋgaje gə́ mee jo’g lé kara iri yɔm-yɔm.

Soponi 1:8

Ndɔ kinja néməs kar Njesigənea̰ lé N’a kar bo̰ néra dəwje gə́ boo Gə ŋgalə mbaije ɔs ta dee’g ləm, Gə deḛ lai gə́ d’ula kubu kula dəw-dɔ-ɓeeje rɔ dee’g ləm tɔ.

Tel tura Godndu 28:34

Né gə́ seḭ a kooje gə kəm sí lé a kar dɔ sí tel wagəsa.