Jeremi 39:5 - Maktub gə́ To gə Kəmee

⁵ Nɛ njérɔje lə Kaldeje korə dee d’aw d’wa Sedesias ndag-loo gə́ Jeriko. Deḛ d’wá d’aw səa rɔ Nebukadnesar, mbai gə́ Babilɔn’g mee ɓee gə́ Ribla dɔ naŋg ɓee gə́ Amat. Lée neelé deḛ gaŋgta dəa’g keneŋ.

Jeremi 39:5 Iomraidhean Croise

2 Samel 8:9

Tɔi, mbai gə́ Amat oo to gə́ Dabid dum dɔ njérɔje lə Adadéjer ndá

2 Mbaije 17:24

Mbai gə́ Asiri ar dəwje gə́ Babilɔn, gə Kuta, gə Aba, gə Amat, gə Separbayim ree d’isi mee ɓee-booje gə́ Samari tor Israɛlje’g lé. Deḛ taa Samari gə́ ka̰ dee ndá dee d’isi mee ɓee-booje’g ləa.

2 Mbaije 23:33

Parao̰ Neko wá gə kúla lar mee ɓee gə́ Ribla dɔ naŋg gə́ Amat mba karee si Jerusalem o̰ ne ɓee el ŋga, yeḛ gaŋg lar-gədɓee dɔ ɓee’g as larnda nékwɔji kwɔi-lə-né tɔl-dɔg-loo-munda (3.000) ləm, gə larlɔr as nékwɔji kwɔi-lə-né rɔ-munda ləm tɔ.

2 Mbaije 25:6

Deḛ d’wa mbai d’aw səa rɔ mbai gə́ Babilɔn lé loo gə́ Ribla, ndá deḛ gaŋgta dəa’g keneŋ.

2 Sôrta Gḭka Israɛlje 33:11

Yen ŋga Njesigənea̰ ar ɓé-njérɔje gə́ Asiri ree d’wa Manasə teá gə kúla lar, deḛ teá gə kúla larkas njim-njim d’aw səa Babilɔn tɔ.

Esai 22:3

Mbaije ləi lai d’aḭ na̰’d Ndá njéɓandaŋje d’wa dee gə́ ɓər, Njé gə́ ləi lai gə́ d’aḭ d’aw kara Deḛ tel to gə́ ɓərje tɔ.

Jeremi 21:7

Njesigənea̰ pana: Gée’g gogo ndá n’a kuba Sedesias, mbai gə́ Juda, gə kuraje ləa, gə koso-dəwje gə́ teḛ ta yoo-koso’g gə ta kiambas’g, gə ji njéba̰je’g lə dee lé kya̰ dee ji Nebukadnesar, mbai gə́ Babilɔn’g ləm, gə ji njéba̰je’g lə dee ləma, gə ji deḛ gə́ ndigi kar dee d’wəi ləm tɔ. Yen ɓa Nebukadnesar a tɔl dee gə kiambas ɓó yeḛ a kya̰ dee el ləm, a koo kəmtondoo lə dee el ləma, mée a kaw taḭ-taḭ mbata lə dee el ləm tɔ.

Jeremi 24:8

M’a kar Sedesias, mbai gə́ Juda ləm, gə ŋgan-mbaije ləa ləm, gə ges dəwje gə́ Jerusalem ləm, gə njé gə́ nai mee ɓee’g nee ləma, gə njé gə́ d’isi mee ɓee gə́ Ejiptə ləm tɔ lé tel to d’asəna gə kandə kodéje gə́ majel gə́ kəm sɔ el mbata majel lə dee lé bèe. Njesigənea̰ ɓa pa bèe.

Jeremi 38:18

Nɛ ɓó lé i aw ɔm gə ŋgan-mbaije lə mbai gə́ Babilɔn na̰’d el ndá ɓee-boo neelé d’a kila ji Kaldeje’g kar dee roo ləm, i kara a teḛ ji dee’g el ləm tɔ.

Jeremi 38:23

D’a kaw gə denéje ləi lai gə ŋganije kaw kar Kaldeje ndá i a teḛ meḛ ji dee’g el ləm, mbai gə́ Babilɔn a kwai gə jia peb ləm, a roo ɓee-boo nee ləm tɔ.

Jeremi 4:12

To lel-boo gə́ ḭ keneŋ Ula saar ree rɔm’g. Ɓasinè m’a gə gaŋg ne ta dɔ dee’g ŋga.

Jeremi 44:30

Njesigənea̰ pa togə́bè pana: Aa ooje, m’a kila Parao̰ Hopra, mbai gə́ Ejiptə meḛ ji njéba̰je’g ləa gə́ ndigi karee udu, to gə́ m’ila ne Sedesias, mbai gə́ Juda meḛ ji Nebukadnesar’g, mbai gə́ Babilɔn gə́ to njeba̰ ləa gə́ ndigi karee udu lé tɔ.

Jeremi 49:23

Ta gə́ wɔji dɔ njé gə́ Damas. Deḛ gə́ d’isi ɓee-booje Gə́ Amat gə Arpad lé D’isi gə rɔkul, Mbata deḛ d’oo sorta gə́ majel ndá Deḛ d’unda bala, To asəna gə baa-boo-kad Gə́ turu tuma̰-tuma̰ Gə́ askəm tel to ndiŋ el bèe.

Nɔ̰-ndôo gə́ wɔji dɔ Jerusalem 1:3

Judaje d’aw ɓee-ɓər’g Ar dee d’ula kəm dee ndòo ləm, D’ɔm boo-kula ɓər dɔ dee’g ləm tɔ, Deḛ d’isi keneŋ mbuna ginkoji dəwje gə́ raŋg’g Nɛ deḛ d’iŋga loo-si lɔm el. Deḛ lai gə́ to njékula kəm dee ndooje lé D’uba dee naŋg bus gə boo-néurtije.

Nɔ̰-ndôo gə́ wɔji dɔ Jerusalem 4:20

Yeḛ gə́ kəmə le sí to mee jia’g lé, Yeḛ gə́ Njesigənea̰ wa dəa gə ubu lé Oso mee bwaje’g lə dee, Yeḛ gə́ jeḛ m’paje ta ləa m’pana: J’a síje kəmba ndilee’g Mbuna ginkoji dəwje gə raŋg’g lé.

Ejekel 23:24

Deḛ d’a kɔr rɔ kaw rɔ səi gə nérɔje, gə pusu-rɔje, gə ŋgan pusuje ləm, gə koso-dəwje ləm tɔ, d’a kḭ gə looje ɓəd-ɓəd gə dərje gə́ boi-boi ləm, gə ŋgan dərje ləma, gə dɔgugu-rɔje ləm tɔ gə mba ree rɔ ne səi. N’a kɔm rəwta-gaŋg ji dee’g kar dee gaŋg rəwta dɔi’g gə goo godnduje lə dee.

Habakuk 1:7

Deḛ to ɓəl kədm-kədm ar dəwje ɓəl dee ne ləm, Deḛ ti rɔ dee d’wɔji ne dɔ né gə́ kəm kar dee ra ləma, D’wɔji ne loo-boo lə dee ləm tɔ.

Bula lə Israɛlje 13:21

Togə́bè ɓa deḛ d’ḭ d’aw ndá deḛ tən loo mee ɓee’g lé un kudee dɔdilaloo gə́ Sin saar teḛ ne ɓee gə́ Reob gə́ to rəw gə́ aw gə́ Amat lé tɔ.

Jujé 13:5

ɓee lə Giblije ləm, gə ɓee gə́ Liba̰ bura, par gə́ loo kuba’g lə kàr, un kudee Baal-Gad gə́ to mbɔr mbal gə́ Hermo̰ saar teḛ ne tarəw ɓee gə́ Amat ləm tɔ,

Jujé 4:13

Diŋgamje d’as tɔl-dɔg loo rɔ-sɔ (40.000) jén bèe d’wa nérɔje ji dee’g ləm, d’aar pèrèrè mba rɔ ləm tɔ lé ndá deḛ dəs no̰ Njesigənea̰’g d’aw tar mee ndag-loo’d gə́ Jeriko tɔ.

Jujé 5:10

Israɛlje d’isi Gilgal ndá, ndɔ dɔg-giree-sɔ mee naḭ’g neelé loo gə́ kàr a gə kur naŋg ndá deḛ ra naḭ Pag mee ndag-loo gə́ Jeriko tɔ.

Njéga̰g-Rəwtaje 3:3

Ginkoji dəwje gə raŋg lé ɓa nee: Mbaije gə́ mi gə́ to mbai dɔ Pilistije ləm, gə Kana̰je lai ləm, gə Sido̰je ləma, gə Hebje gə́ d’isi kaar mbal gə́ Liba̰, un kudee kaar mbal gə́ Baal-Hermo̰ saar teḛ ne tarəw ɓee-boo gə́ Amat ləm tɔ.