Jeremi 39:17 - Maktub gə́ To gə Kəmee

¹⁷ Njesigənea̰ pana: Nɛ mee ndəa’g neelé m’a kɔri kilai tar ndá i a tel koso meḛ ji dəwje gə́ i ɓəl dee’g lé el.

Jeremi 39:17 Iomraidhean Croise

Gḭ-Néje 15:1

Loo gə́ ta néje neelé dəs mba̰ ndá né gə́ mḭdi ɓa Njesigənea̰ teḛ ne dɔ Abram’g un ta ulá ne pana: Abram, ɓəl el. Ma m’to dər-rɔ ləi ndá nédɔji ləi a kal dɔ loo.

2 Samel 24:14

Dabid tel ila Gad keneŋ pana: Ma m’isi dan boo-nékəmndoo’g. Wai, maji kar sí j’oso meḛ ji Njesigənea̰’g ɓa mbata meekaw taḭ-taḭ ləa al dɔ loo sula, nɛ maji kam m’oso meḛ ji dəwje’g ɓa el!

1 Mbaije 18:15

Nɛ Eli pana: Njesigənea̰ gə́ njeboo-néje gə́ m’to kura ləa lé to Njesikəmba! Ɓogənè ndá m’a kaar no̰ Akab’g ŋga.

1 Mbaije 18:16

Abdias ḭ aw iŋga Akab, ɔr sor néje lé aree. Ndá Akab ḭ aw iŋga Eli tɔ.

2 Mbaije 6:16

Yeḛ ilá keneŋ pana: Ɓəl el mbata njé gə́ d’aar sə síjeḛ lé bula yaa̰ d’unda njé gə́ d’aar sə dee-deḛ ɓəi.

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Jeremi 1:19

Deḛ d’a rɔ səi Nɛ deḛ d’a dum dɔi el, Mbata m’a nai səi mba kajii, Njesigənea̰ ɓa pa bèe.

Jeremi 38:1

Sepatia, ŋgolə Matan gə Gedalia, ŋgolə Pasur, gə Jukal, ŋgolə Selemia, gə Pasur, ŋgolə Malkija, d’oo taje gə́ Jeremi ula koso-dəwje lai pana:

Jeremi 38:9

Ǝi mbai ləm, né gə́ dəwje nee ra gə Jeremi, njetegginta gə́ d’ilá mee bwa-mán’g lé to né gə́ majel. Yeḛ a kwəi yoo-ɓoo lé’d gə́ yeḛ si keneŋ mbata muru godo mee ɓee-boo’g neelé.

Loo gə́ killa rea kəm Daniel’g 6:16

Nɛ diŋgamje neelé d’ɔs mbai lé ɓɔḭ-ɓɔḭ d’ulá pana: Ǝi mbai, maji kari oo gao, godndu lə Medəje gə Persəje wɔji mba kar né kɔg loo ra né gə́ rara əsé godndu gə́ rara gə́ mbai unda jia keneŋ lé ndá to njaŋg ya ɓó loo telee raŋg godo.

Matiyo 25:40

Mbai lé a tel kila dee keneŋ pana: Ma m’ula sí təsərə, loo gə́ rara gə́ seḭ raje néje gə́ togə́bè keneŋ gə dəw kára gə́ nai gɔ mbuna ŋgakɔmje’g neelé ndá ma nja raje səm kən tɔ.