Jeremi 38:23 - Maktub gə́ To gə Kəmee

²³ D’a kaw gə denéje ləi lai gə ŋganije kaw kar Kaldeje ndá i a teḛ meḛ ji dee’g el ləm, mbai gə́ Babilɔn a kwai gə jia peb ləm, a roo ɓee-boo nee ləm tɔ.

Jeremi 38:23 Iomraidhean Croise

2 Mbaije 25:7

Ŋgalə Sedesias lé deḛ tḭja gwɔs dee kəmee’g ya, tɔɓəi deḛ tɔr guburu kəm Sedesias ləm, deḛ təa gə kúla lar gə́ kas ləm tɔ, d’aw səa Babilɔn.

Jeremi 21:10

Mbata neḛ n’orè kəm neḛ sḭ dɔ ɓee-boo’g neelé mba ra səa majel ɓó maji ɓa el, Njesigənea̰ ɓa pa bèe. Ɓee-boo neelé a koso meḛ ji mbai gə́ Babilɔn’g karee rée dula-dula.

Jeremi 32:4

Sedesias, mbai gə́ Juda a teḛ ji Kaldeje’g el nɛ d’a kilá ji mbai gə́ Babilɔn’g ndá yeḛ a kulá ta gə təa ləm, a kée gə kəmee ləm tɔ lé wa,

Jeremi 34:3

Ndá i lé i a teḛ jia’g el, nɛ i a koso jia’g karee wai ləm, i a koo kəm mbai gə́ Babilɔn ləma, i a kulá ta gə tai ja̰-ja̰ ləm tɔ ya ɓa i a kaw Babilɔn ɓəi.

Jeremi 37:8

Ndá Kaldeje lé d’a tel ree rɔ ɓee-boo neelé ləm, d’a taa ləma, d’a roo dula-dula ləm tɔ.

Jeremi 38:18

Nɛ ɓó lé i aw ɔm gə ŋgan-mbaije lə mbai gə́ Babilɔn na̰’d el ndá ɓee-boo neelé d’a kila ji Kaldeje’g kar dee roo ləm, i kara a teḛ ji dee’g el ləm tɔ.

Jeremi 38:24

Sedesias ula Jeremi pana: Maji kar dəw kára kara oo sortaje neelé el ndá i a kwəi el.

Jeremi 39:5

Nɛ njérɔje lə Kaldeje korə dee d’aw d’wa Sedesias ndag-loo gə́ Jeriko. Deḛ d’wá d’aw səa rɔ Nebukadnesar, mbai gə́ Babilɔn’g mee ɓee gə́ Ribla dɔ naŋg ɓee gə́ Amat. Lée neelé deḛ gaŋgta dəa’g keneŋ.

Jeremi 39:6

Mbai gə́ Babilɔn ar dee tḭja gwɔs ŋgalə Sedesias kəmee’g ya mee ɓee gə́ Ribla ləm, mbai gə́ Babilɔn ar dee tḭja gwɔs dəwje gə́ boo-boo lai gə́ Juda ləm tɔ.

Jeremi 41:10

Dəwje lai gə́ nai Mispa lé Ismael wa dee daŋgai, ŋgalə mbai gə́ ma̰də ləm, gə njé gə́ mbuna koso-dəwje lai gə́ nai mee ɓee gə́ Mispa, deḛ gə́ Nebujaradan, mbai dɔ njéŋgəmlooje ɔm dee ji Gedalia’g, ŋgolə Ahikam ləm tɔ. Ismael, ŋgolə Netania wa dee ɓər aw sə dee mba dəs ne mee ɓee’g lə Amo̰je.

Jeremi 6:12

Kəije lə dee d’a tel to ka̰ njé gə́ raŋg ləm, Loo-ndɔje lə dee gə denéje lə dee Kara bèe ləm tɔ, Loo gə́ m’a kula jim ndiŋ Gə́ dɔ dəw-mee-ɓeeje’g, Njesigənea̰ ɓa pa bèe.

Ejekel 14:9

Ɓó lé njetegginta ya̰ loo ar dee su kəmee ɓa un ta pa ndá to neḛ Njesigənea̰ ya ɓa n’su kəm njetegginta neelé, n’a kula ji neḛ ndiŋ gə́ dəa’g ndá n’a tujee ne mbuna koso-dəwje’g lə neḛ gə́ Israɛl.

Ejekel 17:15

Nɛ yeḛ lé ḭ ɔsee rəw, ula njékaḭkulaje ləa Ejiptə mba kar dee d’aree kundaje ləm, gə boo-njérɔje ləm tɔ. See yeḛ gə́ njera né togə́bè lé a teḛkɔr ya wa. See yeḛ a taa ne rəa ya wa. Yeḛ gaŋg kúla manrɔ ndá see yeḛ a taa rəa ya wa.

Ejekel 43:3

Némḭdi neelé to asəna gə yee gə́ m’oo loo gə́ Ala ree gə mba tuji ɓee-boo lé, tɔɓəi némḭdije neelé to d’asəna gə njé gə́ m’oo ta baa gə́ Kebar’g tɔ. Bèe ɓa m’oso rəb m’dəb kəm naŋg.

Bula lə Israɛlje 4:18

Undaje kəmkàr dɔ rɔ sí’g mba kar ginkojije lə gel-bɔje lə Keatje lé d’a kɔr dee mbuna Ləbije’g el.