Jeremi 38:20 - Maktub gə́ To gə Kəmee

²⁰ Jeremi tel ilá keneŋ pana: D’a kilai ji dee’g el. Maji kari oo ndu Njesigənea̰ dan ta gə́ ma m’ulai’g, i a si ne gə́ majee ləm, i a si ne kəmba ləm tɔ.

Jeremi 38:20 Iomraidhean Croise

Gḭ-Néje 12:13

Ma m’ra ndòo rɔi’g gə mba kari ula dee pana: I to kɔnanəm ɓó gə mba kar mbɔl dɔi ɓa d’a kwam ne gə́ rɔ dee’g ləm, gə mba karm m’isi ne kəmba gə mbata ləi ləm tɔ.

Gḭ-Néje 19:20

Aa oo, ɓee gə́ nee to dəb ba gə mba kam m’ula dɔm keneŋ ndá yee to gə́ lam ba ya. Ǝi, ya̰’m am m’aḭ gə́ keneŋ. See to gə́ lam ba el wa. Bèe ɓa m’a si ne kəmba ya.

2 Sôrta Gḭka Israɛlje 20:20

Bèlè lookàree deḛ d’ḭ gə ndɔ rad njaa d’aw dɔdilaloo gə́ Tekoa. Loo gə́ d’a gə kḭ mba kaw ndá Josapat aar no̰ dee’g ula dee pana: Ooje ta ləm, seḭje gə́ Juda gə Jerusalem! Maji kar sí ɔmje meḛ sí dɔ Njesigənea̰, Ala’g lə sí ndá seḭ a ŋgəŋje ne ŋgəŋ-ŋgəŋ. Maji kar sí ɔmje meḛ sí dɔ njéteggintaje’g ləa ndá seḭ a teḛje ne kɔr tɔ.

Gosota-Kəmkàrje 4:4

Yeḛ ndoom né ndá ulam pana: Wa taje ləm dɔ ɓəŋgəri’g ləm, Aa dɔ godndumje kər-kər ləm tɔ ndá A si ne kəmba ya.

Gosota-Kəmkàrje 7:2

Aa dɔ torndumje ndá i a si ne kəmba, Ŋgəm tandooje ləm tɔ gə́ ŋgonkəmi bèe.

Esai 55:3

Urje mbi sí gèŋ, Ndá gə́ reeje rɔm’g, Ooje ta ndá A síje ne kəmba. M’a kun ndum kar sí Gə ndu manrɔ gə́ to gə no̰ Gə mba kar némeemaji gə́ m’ra gə Dabid lé To ne njaŋg.

Jeremi 11:4

gə́ neḛ n’un ndu neḛ dɔ’g n’ar bɔ síje-je mee ndəa gə́ neḛ n’ar dee d’unda ne loo mee ɓee gə́ Ejiptə teḛ dan loo gə́ tuŋga kəd-kəd’d gə́ asəna gə mee dura-bṵda gə́ ra gə lar bèe lé. Ooje ndu neḛ ndá raje néje lai gə́ n’a kun ndu neḛ dɔ’g kar sí lé, bèe ɓa seḭ a toje ne dəwje lə neḛ ləm, neḛ kara n’a to ne Ala lə sí ləm tɔ.

Jeremi 11:8

Nɛ deḛ d’un mbi dee rəw dɔ ta’g neelé ləm, deḛ d’ur mbi dee gèŋ dɔ’g el ləm tɔ. Deḛ njaa gə goo takə̰jije lə dee ləm, gə meeyèr gə́ meḛ dee’g ləm tɔ. Yen ɓa taje lai gə́ mee manrɔ’g neelé gə́ neḛ n’un ndu neḛ dɔ’g mba kar dee d’aa dəa nɛ deḛ ra née el lé n’aree aw ne lée’g béréré dɔ dee’g gə mbəa,

Jeremi 26:13

Ɓasinè, maji kar sí gɔlje panjaa sí ləm, gə néra sí ləma, ooje ndu Ala lə sí gə́ Njesigənea̰ gə́ ɓar ləm tɔ, yen ɓa Njesigənea̰ a kya̰ ne goo némajel gə́ yeḛ pa taree wɔji ne dɔ sí lé ɓəi.

Jeremi 38:21

Nɛ ɓó lé i mbad teḛ kaw ndá aa oo, né gə́ Njesigənea̰ riba səm dəa ɓa nee:

Jeremi 7:23

Nɛ ndukun gə́ m’un m’ar dee ɓa nee: Ooje ndum ndá m’a to Ala lə sí ləm, seḭ a toje dəwje ləm ləm tɔ. Njaaje gə goo rəwje gə́ ma m’tɔji sí mba kar sí síje ne dan rɔlel’g.

Loo gə́ killa rea kəm Daniel’g 4:27

ndá mbai lé un ta pa pana: Babilɔn gə́ boo gə́ to neelé see to ma nja gə́ m’unda gelee mba karee to ɓee-si mbai gə goo boo-siŋgamoŋ ləm-ma ləm, gə goo boo-ronduba lə dɔmoŋ ləm-ma ləm tɔ el wa.

Amɔs 5:4

Mbata Njesigənea̰ ula ginkoji Israɛlje togə́bè pana: Maji kar sí saŋgmje ndá Seḭ a síje ne kəmba ya.

Amɔs 5:6

Saŋje Njesigənea̰ ndá Seḭ a síje ne kəmba ya. Ɓəlje nà banelə yeḛ a roo ŋgaka Jisəb to gə́ pər bèe, To gə́ pər gə́ roo ar dəw nai Betel Kára kara gə mba tɔlee el.

Néra Njékaḭkulaje 26:29

Pool tel ilá keneŋ pana: Nai lam bèe əsé kuree a kəw waga ɓəi kara ma m’ra ndòo rɔ Ala’g gə mba karee teli to gə́ ma bèe ya, i ɓa gə kari el nɛ deḛ lai gə́ d’isi d’oo ta ləm ɓogənè lé tɔ, nɛ kúla lar gə́ wam lé ɓa maji karee tibi mbɔri sí el.

2 Njé gə́ Kɔrḭtə 5:11

Jeḛ gə́ n’gər loo ɓəl Mbaidɔmbaije lé jeḛ j’oma̰ gə dəwje mba kar dee d’un ne meḛ dee. Ala gər ndaa sí gao ləm, məəm to yel gə́ dɔ sí’g m’pana: Seḭ nja kara ta gə́ meḛ sí’g ɓa ar sí gərje ne ndaa síjeḛ gao ləm tɔ.

2 Njé gə́ Kɔrḭtə 5:20

Bèe ndá jeḛ lé n’to njenai gə dəwje mba Kristi, jeḛ n’taa ndu Ala m’pa ne ta j’ar dee pana: Jeḛ n’ra ndòo rɔ sí’g gə ri Kristi, maji kar sí ɔmje na̰’d yəg gə Ala ya.

2 Njé gə́ Kɔrḭtə 6:1

To gə́ jeḛ n’ra kula na̰’d gə Ala lé jeḛ ndəji sí mba kar noji lə Ala gə́ seḭ iŋgaje lé a teleeje gə́ né gə́ gə mḭdé ba el.

Maktub gə́ Jak ula ne ar ngan-Allaje 1:22

Kankəmta gə́ seḭ ooje lé raje née ɓó taaje gə́ sin kari el ləm, ərje kəm rɔ sí gə takə̰ji gə́ gə goo rəbee el ləm tɔ.