Jeremi 37:7 - Maktub gə́ To gə Kəmee

⁷ Njesigənea̰, Ala lə Israɛlje pa togə́bè pana: Seḭ a kulaje mbai gə́ Juda gə́ ula sí ar sí reeje rɔm’g lé pajena: Aa ooje, njérɔje lə Parao̰ gə́ d’aw ree gə mba la sə sí lé d’ɔs tel d’aw ɓee lə dee Ejiptə gogo.

Jeremi 37:7 Iomraidhean Croise

2 Mbaije 22:18

Nɛ seḭ a kulaje mbai gə́ Juda gə́ ula sí mba kar sí dəjije Njesigənea̰ ta lé pajena: Ta gə́ Njesigənea̰, Ala lə Israɛlje pa wɔji ne dɔ taje gə́ i oo lé ɓa nee:

2 Mbaije 24:7

Mbai gə́ Ejiptə unda loo mee ɓee’g ləa teḛ raga el ŋga mbata mbai gə́ Babilɔn taa ɓeeje lai gə́ mbai gə́ Ejiptə o̰ un kudee kəm-rəw-mán gə́ Ejiptə saar teḛ ne baa gə́ Epratə lé.

Gosota-Kəmkàrje 21:30

Kəmkàr əsé gosonégər əsé takwɔji-kəmkàr gə́ askəm kaar no̰ Njesigənea̰’g lé godo.

Esai 30:7

Mbata né gə́ Ejiptə a la ne sə dee lé To nébeelé gə́ kari ba, Gelee gə́ nee ɓa ma m’unda ri Ejiptə lé Le Rahab gə́ njera né kára kara el.

Esai 36:6

Aa oo, i ɔm məəi dɔ Ejiptə’g, i gəd rɔi dɔ twatɔg nee gə́ təd gə́ ɔs ji nana ɓa gə́ njegəd rəa dɔ’g mbudu lé. Parao̰, mbai gə́ Ejiptə lé to togə́bè mbata dəwje lai gə́ d’ɔm meḛ dee dəa’g lé.

Jeremi 2:18

Ɓasinè lé see ɗi ɓa seḭ a raje Mba kaw ne Ejiptə Kaw kai ne mán baa gə́ ria lə Nil lé wa. See ɗi ɓa seḭ a raje mba kaw ne Asiri Kaw kai ne mán baa gə́ ria lə Epratə lé wa.

Jeremi 2:36

See gelee ban ɓa seḭ ulaje rɔ sí ndubu Mba kar rəw-kaw sí tel ɓəd wa. Rɔkul a kḭ Ejiptə dəb dɔ sí’g To gə́ ḭ ne Asiri dəb dɔ sí’g bèe tɔ.

Jeremi 2:37

Lée neelé ɓa seḭ a kundaje loo Keneŋ teḛje kɔmje ji sí dɔ sí’g, Mbata Njesigənea̰ mbad Deḛ gə́ seḭ ɔmje meḛ sí dɔ dee’g Ndá seḭ a teḛje ne kɔr keneŋ el.

Jeremi 21:1

Ta gə́ Njesigənea̰ ula Jeremi, loo gə́ mbai Sedesias ula Pasur, ŋgolə Malkija, gə Soponi ŋgolə Maaséja, njekinjanéməs lé rəa’g mba kar dee d’ulá pana:

Jeremi 21:2

Maji kari dəji Njesigənea̰ ta mbata lə sí mbata Nebukadnesar, mbai gə́ Babilɔn rɔ sə sí. Banelə Njesigənea̰ a ra némɔri ləa kára mba kɔsee ne rəw dɔ sí’g.

Jeremi 37:3

Mbai Sedesias ula Jukal, ŋgolə Selemia, gə Soponi, ŋgolə Maaséja, njekinjanéməs rɔ Jeremi, njetegginta’g mba kar dee d’ulá pana: Maji kari ra ndòo rɔ Njesigənea̰ Ala’g lə sí lé mbata lə sí.

Jeremi 37:5

Njérɔje lə Parao̰ d’unda loo mee Ejiptə’g teḛ. Kaldeje gə́ d’aḭ dɔ Jerusalem sub gə rɔ lé loo gə́ d’oo sorta nee ndá d’ḭ d’ya̰ Jerusalem.

Jeremi 37:6

Yen ŋga Njesigənea̰ ula Jeremi, njetegginta ta gə rɔtaje nee pana:

Nɔ̰-ndôo gə́ wɔji dɔ Jerusalem 1:7

Loo gə́ njé gə́ Jerusalem D’aw d’ila mbir-mbir ləm, Gə d’isi dan kəmtondoo’g ləm tɔ lé Meḛ dee olé dɔ maji gə́ d’isi danee’g kédé gə́ ləw Ɓa d’oso ji njékula kəm dee ndooje’g ɓəi Ar dəw kára bèe gə́ njela sə dee godo, Njéba̰je lə dee d’oo dee ndá deḛ kogo dee Mbata néurti gə́ teḛ dɔ dee’g lé tɔ.

Nɔ̰-ndôo gə́ wɔji dɔ Jerusalem 4:17

Kəm sí lé wa kor kor-kor ya ɓəi Ar sí j’isi ŋginaje ne njela sə sí kərm Nɛ jeḛ ŋginaje pi. Jeḛ n’telje kəm sí lai gə meekundayel Par gə́ rɔ ginkoji dəwje gə́ raŋg kára’g Nɛ deḛ ree taa dɔ sí el tɔ.

Ejekel 17:17

Loo gə́ d’a kuba dɔndalje ləm, d’a ra kəi-kumje ləm tɔ mba kar dəwje bula digi-digi d’udu ne guduru lé ndá Parao̰ a kaw gə boo-njérɔje ləa ləm, gə koso-dəwje ləa gə́ bula digi-digi ləm tɔ mba kar dee to dərgelee loo-rɔ’g el.

Ejekel 29:16

Ɓeeko̰ neelé a to nékunda-mee-yel lə gel-bɔje lə Israɛl el ŋga, yee a kar meḛ dee olé dɔ néra kori-korije’g lə dee loo gə́ deḛ tel kəm dee gə́ rɔ Ejiptəje’g. Bèe ɓa d’a gər to gə́ neḛ n’to Mbaidɔmbaije gə́ Njesigənea̰ ya.

Ejekel 30:22

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa oo, neḛ n’aw gə Parao̰, mbai gə́ Ejiptə gə ta ndá n’a təd kag jia gə́ to maji ləm, gə yee gə́ təd kédé lé ləm tɔ tɔɓəi n’a kar kiambas gə́ jia’g oso naŋg.