Jeremi 37:15 - Maktub gə́ To gə Kəmee

¹⁵ Meḛ ŋgan-mbaije lé ḭ sə dee jugugu dɔ Jeremi’g ar dee kundá tɔɓəi d’ilá kəi-daŋgai’d gə́ to mee kəi’g lə Jonatan njendaji-maktub lé mbata deḛ d’ar kəi ləa to kəi-daŋgai tɔ.

Jeremi 37:15 Iomraidhean Croise

Gḭ-Néje 39:20

Ɓé-Jisepje lé wá aw ilá kəi-daŋgai’g loo gə́ deḛ tɔ daŋgaije lə mbai keneŋ. Yen ŋga Jisəb si kəi-daŋgai’g ya.

2 Sôrta Gḭka Israɛlje 16:10

Mee Asa ḭ səa pu dɔ njekoota-mee-Ala’g ndá yeḛ wá ilá daŋgai’g mbata mée ea̰ dəa’g. Tɔɓəi mee ndəaje gən ya Asa ula kəm dəwje gə́ na̰je ndòo yaa̰ tɔ.

2 Sôrta Gḭka Israɛlje 18:26

Seḭ a paje togə́bè pajena: Mbai pana: Ilaje dəw neelé daŋgai’g ndá areeje muru gə mán lam-lam ba bèe saar kam m’tel gə meekulɔm ɓa.

Jeremi 18:23

Nɛ i Njesigənea̰ lé I gər né gə́ d’wɔji gə mba ra səm Kam m’wəi ne lé gao ya. Ar məəi oso lemsé dɔ néra Kori-korije’g lə dee el ləm, Ɔr kaiya lə dee gə́ to nɔḭ’g lé el ləm tɔ! Unda dee naŋg rə̰dəŋ-rə̰dəŋ nɔḭ’g Ra né ḭ ne sə dee mee ndɔ oŋg’d ləi lé.

Jeremi 26:16

Ŋgan-mbaije gə koso-dəwje lai d’ula njékinjanéməsje gə njéteggintaje pana: Dəw neelé kəm karee wəi el. Mbata yeḛ ula sí ta gə ri Ala lə sí gə́ Njesigənea̰ ɓa.

Jeremi 32:2

Njérɔje lə mbai gə́ Babilɔn d’aḭ dɔ Jerusalem sub gə rɔ. Jeremi, njetegginta lé si mee gad kəi-daŋgai’g gə́ to mee kəi’g lə mbai gə́ Juda tɔ.

Jeremi 37:20

Ɓasinè mbai ləm, i gə́ to njekaa dɔm lé, m’ra ndòo rɔi’g, maji kar ndòo raje ləm oso mbii’g pad ya. Am m’tel m’aw kəi lə Jonatan, njendaji-maktub lé el nà m’a kwəi keneŋ!

Jeremi 37:4

Mbata Jeremi lé aw njaa mbuna koso-dəwje’g yo gə́ nee ɓó d’ilá daŋgai el ɓəi.

Jeremi 38:26

I a kila dee keneŋ pana: M’ra ndòo rɔ mbai’g mba karee am tel m’aw kəi lə Jonatan el nà m’a kwəi keneŋ.

Jeremi 38:6

Yen ŋga deḛ d’un Jeremi d’ilá mee bwa-mán’g lə Malkija, ŋgolə mbai gə́ to mee gad kəi-daŋgai’g lé. D’ar Jeremi uru naŋg keneŋ gə kúla. Man godo mee bwa-mán’g neelé nɛ bɔrɔ ɓa to keneŋ ndá Jeremi dubu bɔrɔ’g tɔ.

Jeremi 39:15

Njesigənea̰ ula Jeremi ta gə rɔtaje nee loo gə́ d’udee ne gad kəi-daŋgai’g lé pana:

Matiyo 21:35

Njéndɔ-nduúje neelé twa kuraje ləa kunda yeḛ gə́ kára mbugu-mbugu ləm, tɔl yeḛ gə́ kára mbḭ ləma, tila yeḛ gə́ njekɔm dee gə́ munda gə kɔri-ərje ləm tɔ.

Matiyo 23:34

Gelee gə́ nee ɓa ma m’ula ne njéteggintaje gə njégosokəmkàrje gə njéndaji-maktubje rɔ sí’g. Seḭ a tɔlje njé gə́ na̰je ɗar deeje kaar kag’d ləm, seḭ a kundaje njé gə́ raŋg gə ndəi-kɔb mee kəi-kwa-dɔ-na̰je’g lə sí ləma, seḭ a kulaje kəm dee ndòo gə ɓee-ɓee ləm tɔ,

Lugu 22:64

Deḛ tɔ kəmee gə kubu ɓa dəjee pana: Gər dəw gə́ njekundai lé ar sí j’oo səi.

Tagə́maji gə́ Ja̰ ndang 18:22

Loo gə́ Jeju ilá keneŋ togə́bè lé ndá njekaa dɔ loo kára gə́ aar keneŋ lé unda təa gə jia pai pana: See i ndigi ta ŋgɔ-njekinjanéməs’g lé togə́bè wa.

Néra Njékaḭkulaje 5:18

Deḛ d’uba naŋg d’ḭ d’ɔm na̰ dɔ njékaḭkulaje’g twa dee ɓugu dee daŋgai’g dan mee ɓee’g.

Néra Njékaḭkulaje 5:28

See kédé lé j’ɔg sí dɔ ndoo dəwje ta gə ri dəw neelé rədədə el wa. Aa ooje, ta lə sí gə́ seḭ ndooje dəwje lé taa Jerusalem pəl-pəl. See seḭ raje togə́bè mba kar ta məs dəw neelé wa dɔ síjeḛ nja ŋga wa.

Néra Njékaḭkulaje 5:40

Yen ŋga deḛ lai taa ta ləa rəgm. Togə́bè deḛ ɓar njékaḭkulaje lé kunda dee gə ndəi, d’ɔg dee pata gə ri Jeju gə no̰ dee rədədə ɓa d’uba dee d’ya̰ dee ɓəi.

Loo gə́ killa rea kəm Ja̰’g 2:10

Ɓəl nékəmndoo gə́ gə a rai el. Aa oo, njekurai lé a kwa njé gə́ na̰je mbuna sí’g a kila ɗa gɔl sí’g mba kaḭ ne meḛ sí ləm, néurti a ra sí ndɔ dɔg ləm tɔ. Ila ŋgonkoji dɔ Ala’g saar wəi ne, ɓa m’a kari dɔgugu kəmə lé.