Jeremi 36:8 - Maktub gə́ To gə Kəmee

⁸ Baruk, ŋgolə Nerija ra néje lai gə́ Jeremi, njetegginta un ndia gə mba karee ra lé ndá yeḛ tura taje lə Njesigənea̰ gə́ to mee maktub gə́ kə́ na̰’d mee kəi’g lə Njesigənea̰.

Jeremi 36:8 Iomraidhean Croise

Nehemi 8:3

Esdras tura maktub lé ndaa-loo’d gə́ to tarəwɓee gə́ ria lə Rəw-Manje, un kudee gə ndɔ ya saar ar kàr aar daŋdɔ no̰ diŋgamje gə denéje gə ŋganje lai gə́ d’askəm koo ta gər ginee lé. Koso-dəwje lai d’ur mbi dee gèŋ dɔ maktub godndu’d gə́ yeḛ tura lé.

Jeremi 1:17

Nɛ i lé maji kari ḭta ɔm mina̰ wuri’g Ula dee ta néje lai gə́ m’a gə kulai lé. Unda bala no̰ dee’g el Nà ma nja m’a kari unda bala no̰ dee’g

Jeremi 32:12

M’aw gə maktub ndogo loo-ndɔ lé m’ar Baruk, ŋgolə Nerija, ŋgolə Mahséja kəm Hananeel’d gə́ to ŋgolə bɔm lé ləm, gə kəm njékoo géeje gə́ d’unda ji dee dɔ maktub ndogee’g lé ləma, gə kəm Judaje’g lai gə́ d’isi mee gad kəi-daŋgai’g lé ləm tɔ.

Jeremi 36:4

Jeremi ɓar Baruk, ŋgolə Nerija ndá Baruk ndaŋg taje lai gə́ Njesigənea̰ ula Jeremi lé mee maktub’g gə goo ndaji gə́ Jeremi ndaji taree aree lé.

Jeremi 36:6

Ŋga i nja a kaw keneŋ ndá i a tura taje lə Njesigənea̰ gə́ to mee maktub gə́ kə́ na̰’d gə́ ma m’ari ndaŋg lé no̰ koso-dəwje’g mee kəi’g lə Njesigənea̰ ndɔ kɔg-mee-ɓoo’g. I a tura taje neelé no̰ deḛ gə́ Juda lai gə́ d’ḭ mee ɓee-booje’g lə dee ree lé tɔ.

Matiyo 16:24

Yen ŋga Jeju ula njékwakiláje pana: Nana ɓa gə́ ndigi kaw goom’g ndá maji karee ya̰ rəa yag ləm, a kun kag-dəs ləa-yeḛ nja kodo ləm tɔ ɓa a kaw ne goom’g ɓəi.

1 Njé gə́ Kɔrḭtə 16:10

Ɓó lé Timote aw teḛ rɔ sí’g gə mba koo sí ndá wáje mbá bur-bur mba karee si sə sí gə kaar gəd el, mbata yeḛ nja kara ra kula lə Mbaidɔmbaije to gə́ ma bèe ya tɔ.