Jeremi 36:10 - Maktub gə́ To gə Kəmee

¹⁰ Bèe ɓa Baruk tura taje lə Jeremi gə́ to mee maktub gə́ kə́ na̰’d lé no̰ koso-dəwje’g mee kəi’g lə Njesigənea̰. Ŋgon kəi gə́ yeḛ tura taree keneŋ lé to ka̰ Gemaria, ŋgolə Sapan, gə́ to njendaji-maktub gə́ to mee gadloo gə́ boo gə́ to mbɔr takəi’g lə Njesigənea̰ gə́ ria lə Takəi gə́ Sigi lé.

Jeremi 36:10 Iomraidhean Croise

2 Samel 20:25

Seja to njendaji-maktub, Sadɔk gə Abiatar to njékinjanéməsje,

2 Samel 8:17

Sadɔk, ŋgolə Ahitub gə Ahimelek, ŋgolə Abiatar, deḛ to njékinjanéməsje,

1 Mbaije 6:36

Deḛ d’unda mbalje gə́ tɔl dee goo na̰’d ŋgen-ŋgen gun munda aree to gadloo gə́ to no̰ tarəwkəi’g ɓa kunda kag-sɛdrəje gə́ tɔl goo na̰’d dɔ’g as gun kára tɔ.

2 Mbaije 15:35

Nɛ lé bèe kara dɔ looje gə́ ndəw lé ɓa yeḛ ar dee godo el, koso-dəwje d’aw d’inja nékinjanéməsje gə roo néje gə́ ə̰də sululu dɔ looje gə́ ndəw’g lé ya ɓəi. Jotam ar dee ra tabidi rəw-kəi gə́ dɔ maree’d gə́ to kəi’g lə Njesigənea̰.

2 Mbaije 18:37

Yen ɓa Eliakim, ŋgolə Hilkija gə́ to mbai dɔ njémeekəije lə mbai ləm, gə Sebna, njendaji-maktub ləma, gə Joa, ŋgolə Asap gə́ to njeŋgəm maktub ləm tɔ lé tel ree rɔ Ejekias’g gə kubuje lə dee gə́ til hao̰-hao̰ ndá deḛ ndaji taje gə́ Rabsake pa lé d’aree oo tɔ.

2 Mbaije 22:3

Ləb ko̰ɓee lə Jojias, mbai gə́ njekɔm’g dɔg-giree-jinaijoo lé mbai ula Sapan gə́ to ŋgolə Asalia, gə́ to ŋgoka Mesulam, gə́ to njendaji-maktub mee kəi’g lə Njesigənea̰.

Jeremi 26:10

Loo gə́ ŋgan-mbaije gə́ Juda d’oo ta néje neelé ndá d’ḭ mee kəi’g lə mbai d’aw kəi’g lə Njesigənea̰, d’aw d’isi takəi’g lə Njesigənea̰ gə́ ria lə Takəi gə́ Sigi.

Jeremi 26:24

Nɛ Ahikam, ŋgolə Sapan aa dɔ Jeremi, ɔg dee kilá ji koso-dəwje’g lé kar dee tɔlee.

Jeremi 29:3

Maktub neelé yeḛ ar Eləasa, ŋgolə Sapan deḛ gə Gemaria, ŋgolə Hilkija gə́ Sedesias, mbai gə́ Juda ula dee rɔ Nebukadnesar’g, mbai gə́ Babilɔn lé. Maktub neelé yeḛ ndaŋg ta togə́bè keneŋ pana:

Jeremi 35:4

ndá m’ɔr no̰ dee m’aw sə dee kəi lə Njesigənea̰, mee ŋgon kəi gə́ to ka̰ ŋgalə Hanan, ŋgolə Jigdalia gə́ to dəw lə Ala, ŋgon kəi neelé to mbɔr ka̰ mbaije’g dɔ ŋgon kəi gə́ tar gə́ to ka̰ Maaséja, ŋgolə Salum, njeŋgəm tarəwkɔg lé.

Jeremi 36:11

Mise, ŋgolə Gemaria, ŋgolə Sapan oo taje lə Njesigənea̰ lai gə́ to mee maktub’g lé ndá

Jeremi 36:25

Elnatan, gə Delaja, gə Gemaria ra ndòo rɔ mbai’g yaa̰ mba karee roo maktub lé el, nɛ yeḛ un mbia rəw dɔ ta’g lə dee.

Jeremi 36:6

Ŋga i nja a kaw keneŋ ndá i a tura taje lə Njesigənea̰ gə́ to mee maktub gə́ kə́ na̰’d gə́ ma m’ari ndaŋg lé no̰ koso-dəwje’g mee kəi’g lə Njesigənea̰ ndɔ kɔg-mee-ɓoo’g. I a tura taje neelé no̰ deḛ gə́ Juda lai gə́ d’ḭ mee ɓee-booje’g lə dee ree lé tɔ.

Jeremi 36:8

Baruk, ŋgolə Nerija ra néje lai gə́ Jeremi, njetegginta un ndia gə mba karee ra lé ndá yeḛ tura taje lə Njesigənea̰ gə́ to mee maktub gə́ kə́ na̰’d mee kəi’g lə Njesigənea̰.

Jeremi 43:3

Nɛ to Baruk, ŋgolə Nerija ɓa ɔsi ɓɔḭ-ɓɔḭ dɔ sí’g mba kari ɔm sí ji Kaldeje’g mba kar dee tɔl sí əsé d’wa sí ɓər d’aw sə sí Babilɔn.

Jeremi 52:25

Tɔɓəi mee ɓee-boo’g neelé yeḛ wa njeko̰ɓee kára gə́ to njekaa dɔ njérɔje ləm, gə dəwje siri gə́ to gə́ mbuna njékwɔjita-kəmkàrje’g lə mbai gə́ yeḛ iŋga dee mee ɓee-boo’g neelé ləm, gə njendaji-maktub lə ɓée njérɔje gə́ d’ɔm kula ndaŋg ri dəw-mee-ɓeeje jia’g ləma, gə dəw-mee-ɓeeje rɔ-misa̰ gə́ d’isi mee ɓee-boo’g neelé ləm tɔ.

Ejekel 40:38

Ŋgon kəi kára təa to wɔji dɔ kag-tabidi-rəwkəije, lé neelé ɓa to loo-togo nékinjanéməsje gə́ ka̰ roo keneŋ.