Jeremi 34:7 - Maktub gə́ To gə Kəmee

⁷ Mee ndəa’g neelé njérɔje lə mbai gə́ Babilɔn rɔ gə Jerusalem gə ɓee-booje gə́ Juda gə́ raŋg lai ləm, gə Lakis gə Ajeka ləm tɔ mbata deḛje nee ɓa to ɓee-booje gə́ siŋga dee to yaa̰ gə́ nai mbuna ɓee-booje gə́ Juda lé.

Jeremi 34:7 Iomraidhean Croise

2 Mbaije 14:19

Deḛ d’ula njuma̰ meḛ na̰’g dəa’g Jerusalem ndá yeḛ aḭ aw si Lakis, nɛ deḛ tuba gée saar d’aw Lakis ndá lé gə́ neelé ɓa deḛ tɔlee keneŋ tɔ.

2 Mbaije 19:8

Rabsake oo to gə́ mbai gə́ Asiri ḭ Lakis aw mba rɔ gə njé gə́ Libna ndá yeḛ aw iŋgá keneŋ.

2 Sôrta Gḭka Israɛlje 27:4

Yeḛ unda ɓee-booje dɔ mbal gə́ Juda ləm, yeḛ ra kəi-mbaije gə kəije gə́ duu dɔ loo mee kag kɔr’g ləm tɔ.

Esai 36:2

Mbai gə́ Asiri ula Rabsake gə bao-rɔje bula ar dee d’ḭ ɓee gə́ Lakis gə mba rɔ gə Ejekias, mbai gə́ Jerusalem. Rabsake aar naŋg mbɔr bwa kəm-rəw-mán gə́ to tar gə́ to mbɔr rəw ndɔ’g lə njetogo kubuje.

Jeremi 11:12

Dəwje gə́ mee ɓee-booje gə́ Juda gə dəwje gə́ Jerusalem lé d’a kaw no̰ ɓar magəje gə́ deḛ roo néje gə́ ə̰də sululu d’ar dee lé. Nɛ d’a kaskəm kaji dee ndɔ nékəmndoo’g lə dee el.

Jeremi 34:1

Ta gə́ Njesigənea̰ ula Jeremi gə rɔtaje nee loo gə́ Nebukadnesar, mbai gə́ Babilɔn gə njérɔje ləa lai ləm, gə ɓeeko̰je lai gə́ mee ɓeeje gə́ yeḛ o̰ ləma, gə koso-dəwje lai ləm tɔ d’aw rɔ gə njé gə́ Jerusalem gə ɓee-booje lai gə́ wɔji dəa lé ɓa nee:

Jeremi 4:5

Ilaje mbər mee ɓee gə́ Juda ləm, Ulaje njé gə́ Jerusalem ləm tɔ pajena: Mbo̰je dɔ na̰ ar sí j’awje Mee ɓee-booje gə́ siŋga dee to!

Jeremi 8:14

See gelee ban ɓa j’isi naŋg wa. Maji kar sí mbo̰je dɔ na̰, J’awje mee ɓee-booje gə́ siŋga dee to Mba kar sí j’wəije keneŋ! Mbata Njesigənea̰ Ala wɔji kar sí j’wəije, Yeḛ ar sí j’aije mán Gə́ kuma̰ tɔl dəw to keneŋ, Mbata jeḛ n’raje kaiya J’ɔsje ne ta lə Njesigənea̰ rəw.

Misee 1:13

Seḭ dəw-mee-ɓeeje gə́ Lakis lé Maji kar sí tɔje kundaje gə́ ŋgwɔd no̰ pusu-rɔje’g lə sí. Seḭ nja gə́ njḛdɔr Jerusalem dan kaiya’g dɔtar Mbata némajel lə Israɛlje lé D’iŋga rɔ sí-seḭ’g ya.

Tel tura Godndu 28:52

D’a kaḭ dɔ sí tarəwkɔgje’g lə sí lai gə rɔ saar kar ndògo-bɔrɔje lə sí təd, ndògo-bɔrɔje neelé gə́ ŋgal gə́ siŋga dee to yaa̰ gə́ seḭ ɔmje meḛ sí dɔ dee’g dɔ naŋg ɓee’g lə sí lai, d’a kaḭ dɔ sí tarəwkɔgje’g lə sí lai mee ɓeeje lai gə́ Ala lə sí gə́ Njesigənea̰ ar sí lé.

Jujé 10:3

Togə́bè Adoni-Sedek, mbai gə́ Jerusalem ula kula rɔ Hoham, mbai gə́ Ebro̰ ləm, gə rɔ Piream, mbai gə́ Jarmut ləm, gə rɔ Japia, mbai gə́ Lakis ləma, gə rɔ Dəbir, mbai gə́ Eglo̰ ləm tɔ pana:

Jujé 10:5

Yen ŋga mbaije lə Amɔrje gə́ mi gə́ to mbai gə́ Jerusalem ləm, gə mbai gə́ Ebro̰ ləm, gə mbai gə́ Jarmut ləm, gə mbai gə́ Lakis ləma, gə mbai gə́ Eglo̰ ləm tɔ lé, mbo̰ dɔ na̰ ndá d’aw gə njérɔje lə dee na̰’d lai, deḛ ree d’isi mbɔr Gabao̰’g ndá d’ubá naŋg bus rɔ səa tɔ.

Jujé 12:11

gə ɓee-boo gə́ Jarmut ləm, gə ɓee-boo gə́ Lakis ləm,

Jujé 15:35

gə Jarmut, gə Adulam, gə Soko, gə Ajeka,

Jujé 15:39

gə Lakis, gə Boskat, gə Eglon,