Jeremi 34:4 - Maktub gə́ To gə Kəmee

⁴ Nɛ i Sedesias, mbai gə́ Juda, maji kari oo ta lə Njesigənea̰! Njesigənea̰ pata togə́bè wɔji ne dɔi pana: I a kwəi yoo-kiambas el.

Jeremi 34:4 Iomraidhean Croise

2 Sôrta Gḭka Israɛlje 18:18

Nɛ Mise pana: Maji kari oo ta lə Njesigənea̰ ɓa! Ma m’oo Njesigənea̰ si dɔ kalimbai’g ndá boo-njérɔje ləa gə́ dara d’aar dɔ jikɔlee’g ləm, gə dɔ jigelee’g ləm tɔ.

Jeremi 2:4

Ooje ta lə Njesigənea̰, Seḭ gel-bɔje lə Jakob ləm, Seḭ lai gə́ toje gel-bɔje lə Israɛl ləm tɔ!

Jeremi 32:5

mbai gə́ Babilɔn a kaw gə Sedesias Babilɔn karee si keneŋ saar kar mee neḛ olé dəa’g ɓa. Njesigənea̰ ɓa pa bèe. Ɓó lé seḭ a rɔje gə Kaldeje kara seḭ a dum deeje el, lé wa.

Jeremi 34:3

Ndá i lé i a teḛ jia’g el, nɛ i a koso jia’g karee wai ləm, i a koo kəm mbai gə́ Babilɔn ləma, i a kulá ta gə tai ja̰-ja̰ ləm tɔ ya ɓa i a kaw Babilɔn ɓəi.

Jeremi 34:5

I a kwəi gə meekulɔm, To gə́ roo ne néje gə́ ə̰də sululu mbata lə bɔbije-je gə́ to mbaije gə́ ləw gə́ kédé nɔḭ’g lé d’a ra togə́bè mbata ləi-i tɔ, d’a nɔḭ pana: Ai mbai! Mbata ma nja m’pata neelé. Njesigənea̰ ɓa pa bèe.

Jeremi 7:2

Aar takəi’g lə Njesigənea̰ ndá ila mber ta neelé keneŋ pana: Ooje ta lə Njesigənea̰, seḭ Judaje lai gə́ a̰dje gə tarəwje neelé gə mba kunda barmba no̰ Njesigənea̰’g lé.

Ojee 4:1

Seḭ Israɛlje lé maji kar sí ooje ta lə Njesigənea̰! Mbata Njesigənea̰ aw gə ta mba kila dɔ dəw-mee-ɓeeje’g neelé Mbata kankəmta godo mee ɓee’g neelé ləm, Meekɔrjol godo keneŋ ləma, Gər Ala kara godo keneŋ ləm tɔ.