Jeremi 34:3 - Maktub gə́ To gə Kəmee

³ Ndá i lé i a teḛ jia’g el, nɛ i a koso jia’g karee wai ləm, i a koo kəm mbai gə́ Babilɔn ləma, i a kulá ta gə tai ja̰-ja̰ ləm tɔ ya ɓa i a kaw Babilɔn ɓəi.

Jeremi 34:3 Iomraidhean Croise

Jeremi 21:7

Njesigənea̰ pana: Gée’g gogo ndá n’a kuba Sedesias, mbai gə́ Juda, gə kuraje ləa, gə koso-dəwje gə́ teḛ ta yoo-koso’g gə ta kiambas’g, gə ji njéba̰je’g lə dee lé kya̰ dee ji Nebukadnesar, mbai gə́ Babilɔn’g ləm, gə ji njéba̰je’g lə dee ləma, gə ji deḛ gə́ ndigi kar dee d’wəi ləm tɔ. Yen ɓa Nebukadnesar a tɔl dee gə kiambas ɓó yeḛ a kya̰ dee el ləm, a koo kəmtondoo lə dee el ləma, mée a kaw taḭ-taḭ mbata lə dee el ləm tɔ.

Jeremi 27:22

D’a kaw ne Babilɔn ndá d’a to keneŋ saar ndɔ gə́ m’a kaw saŋg dee gə mba kar dee tel ree ne lée’g neelé. Njesigənea̰ ɓa pa bèe.

Jeremi 32:28

Gelee gə́ nee ɓa Njesigənea̰ pa ne pana: Aa oo, m’a gə kila ɓee-boo neelé meḛ ji Kaldeje’g ləm, m’a gə kila meḛ ji Nebukadnesar, mbai gə́ Babilɔn’g karee taa ləm tɔ.

Jeremi 32:3

Sedesias, mbai gə́ Juda ar dee d’udee kəi-daŋgai’g dəjee pana: See ban ɓa i tegginta pana: Njesigənea̰ pa togə́bè pana: Aa ooje, neḛ n’ya̰ ɓee-boo neelé meḛ ji mbai gə́ Babilɔn’g mba karee taa ləm,

Jeremi 32:4

Sedesias, mbai gə́ Juda a teḛ ji Kaldeje’g el nɛ d’a kilá ji mbai gə́ Babilɔn’g ndá yeḛ a kulá ta gə təa ləm, a kée gə kəmee ləm tɔ lé wa,

Jeremi 34:21

M’a kya̰ Sedesias, mbai gə́ Juda, gə ŋgan-mbaije ləa ji njéba̰je’g lə dee ləm, gə meḛ ji deḛ gə́ ndigi kar dee d’wəi ləma, gə meḛ ji njérɔje’g lə mbai gə́ Babilɔn gə́ ɔr rəa rɔ sí’g aw əw lé ləm tɔ.

Jeremi 34:4

Nɛ i Sedesias, mbai gə́ Juda, maji kari oo ta lə Njesigənea̰! Njesigənea̰ pata togə́bè wɔji ne dɔi pana: I a kwəi yoo-kiambas el.

Jeremi 37:17

Mbai Sedesias ula kula ɓaree aree ree dəjee ta gə́ mee kəi’g ləa gə goo ŋgəḭ pana: See Njesigənea̰ pata kára wɔji ne dɔm-ma wa. Jeremi tel ilá keneŋ pana: Oiyo. Tɔɓəi yeḛ ila ta gə́ raŋg keneŋ pana: I ya d’a kilai ji mbai gə́ Babilɔn’g.

Jeremi 38:18

Nɛ ɓó lé i aw ɔm gə ŋgan-mbaije lə mbai gə́ Babilɔn na̰’d el ndá ɓee-boo neelé d’a kila ji Kaldeje’g kar dee roo ləm, i kara a teḛ ji dee’g el ləm tɔ.

Jeremi 38:23

D’a kaw gə denéje ləi lai gə ŋganije kaw kar Kaldeje ndá i a teḛ meḛ ji dee’g el ləm, mbai gə́ Babilɔn a kwai gə jia peb ləm, a roo ɓee-boo nee ləm tɔ.

Ejekel 12:13

13 N’a kila ba̰də gugu ne dəa sub ndá yeḛ a koso gum’g lə neḛ. N’a kaw səa Babilɔn mee ɓee’g lə Kaldeje nɛ yeḛ a koo ɓee neelé gə kəmee el ndá yeḛ a kwəi keneŋ.

Ejekel 17:15

Nɛ yeḛ lé ḭ ɔsee rəw, ula njékaḭkulaje ləa Ejiptə mba kar dee d’aree kundaje ləm, gə boo-njérɔje ləm tɔ. See yeḛ gə́ njera né togə́bè lé a teḛkɔr ya wa. See yeḛ a taa ne rəa ya wa. Yeḛ gaŋg kúla manrɔ ndá see yeḛ a taa rəa ya wa.

Ejekel 17:16

Neḛ n’to njesikəmba! Mbaidɔmbaije gə́ Njesigənea̰ pa njaŋg pana: Mee ɓee lə mbai gə́ aree o̰ ɓee gə́ yeḛ uba goo ta rɔkubu ləa ya̰ ləm, yeḛ gaŋg kúla manrɔ ləm tɔ ndá yeḛ a kwəi keneŋ mbɔree’g mee ɓee gə́ Babilɔn.

Ejekel 21:25

A ndaji rəw kára gə mba kar kiambas teḛ ne Rabat, ɓee-boo’g lə Amo̰je ləm, yee gə́ raŋg karee teḛ Juda mee ɓee-boo gə́ Jerusalem gə́ d’ila ndògo-bɔrɔ gugu ne dəa sub lé ləm tɔ.