Jeremi 34:16 - Maktub gə́ To gə Kəmee

¹⁶ Nɛ seḭ telje gogo ulaje sul dɔm’g. Ɓərje gə́ diŋgam gə njé gə́ dené gə́ seḭ ɔm deeje tar ar deeje d’aw gə́ dəw dɔ rɔ dee lé nana kara tel wa dee gogo. Tɔɓəi seḭ wa deeje gə siŋgamoŋ ar deeje tel to ɓərje lə sí gə́ diŋgam gə njé gə́ dené gogo ya ɓəi.

Jeremi 34:16 Iomraidhean Croise

Teḛ-Raga 20:7

Ala ləi gə́ Njesigənea̰ lé maji kari ɓar ria pəd-pəd as ne loo el, mbata dəw gə́ ɓar ri Njesigənea̰ pəd-pəd as né loo lé yeḛ a lal kar bo̰ nérea ɔs təa’g el.

Jeremi 34:11

Nɛ gée’g gogo ndá takə̰ji lə dee tel to ɓəd ar deḛ tel gə ndu dee ndá deḛ tel d’wa ɓərje gə́ diŋgam gə njé gə́ dené gə́ d’ɔm dee tar kédé d’ar dee d’aw lé gə siŋgamoŋ d’ar dee tel to ɓərje gə́ diŋgam gə njé gə́ dené gogo ɓəi.

Ejekel 13:22

Mbata seḭ arje mee njemeekarabasur pélé wəs-wəs gə taŋgɔmje loo gə́ neḛ nja n’ula kəmee ndòo el ləm, mbata seḭ arje ji njemeeyèr ɓar mèr-mèr mba kɔgee ne loo kuba rəw néra ləa gə́ majel kya̰ mba si ne kəmba ləm tɔ.

Ejekel 18:24

Ɓó lé njera né gə́ gə dɔ najee uba néra gə́ gə dɔ najee ləa ya̰ ra né gə́ kori-kori ləm, ɓó lé yeḛ ndaji néje gə́ mina̰ lai gə́ njemeeyèr ra ləm tɔ ndá see yeḛ a si kəmba wa. Néreaje gə́ gə dɔ najee lai lé mee neḛ a kwəi dɔ’g mbata yeḛ ya̰ rəa dan néra gə́ kori-kori’g ləm, gə dan kaiya’g ləm tɔ, gelee gə́ nee ɓa yeḛ a kwəi ne gə mbəa ya.

Ejekel 20:39

Seḭ gel-bɔje lə Israɛl lé Mbaidɔmbaije gə́ Njesigənea̰ pa togə́bè pana: Awje, nana kara aw pole magəje ləa-ləa! Nɛ gée’g gogo ndá seḭ a kooje ta lə neḛ ləm, seḭ a kilaje ndɔl dɔ ri neḛ’d gə́ to gə kəmee gə nékarje lə sí gə magə-poleje lə sí el ŋga ləm tɔ.

Ejekel 3:20

Ɓó lé njera né gə́ gə dɔ najee ya̰ goo nérea gə́ gə dɔ najee ra né gə́ majel ndá n’a kiya gum nea̰’g karee wəi ne, mbata m’ndəjee el ndá yeḛ a kwəi dan kaiya’g ləa tɔɓəi dəw a pata gə́ wɔji dɔ néra gə́ gə dɔ najee gə́ yeḛ ra lé el ŋga ndá n’a dəjim goo məsee.

Ejekel 39:7

N’a kar dee gər ri neḛ gə́ to gə kəmee mbuna koso-dəwje’g lə neḛ gə́ Israɛl ndá n’a kya̰ loo kar dee d’ila ndɔl dɔ ri neḛ gə́ to gə kəmee lé el ŋga. Bèe ɓa ginkoji dəwje gə raŋg d’a gər ne to gə́ neḛ n’to Njesigənea̰, Njerɔkunda gə́ mee ɓee gə́ Israɛl.

Ləbije 19:12

Seḭ a ɓarje rim kubuje ne rɔ sí gə taŋgɔm el mbata yee gə́ nee ɓa seḭ arje ri Ala lə sí tel to ne né gə́ sin kari ba. Ma m’to Njesigənea̰.

Malasi 1:12

Nɛ seḭ lé seḭ ulaje sul dɔ rim’g pajena: Loo-nékinjaməs lə Njesigənea̰ to né gə́ mina̰ ləm, néje gə́ to dɔ’g lé to nésɔje gə́ to kḛji ləm tɔ.

Malasi 1:7

Seḭ reeje gə nésɔje gə́ mina̰ loo-nékinjaməs’g ləm ndá seḭ pajena: See seḭ ulaje ne sul dɔm’g to gə́ ban wa. To loo gə́ seḭ pajena: Loo nékinjaməs lə Njesigənea̰ lé to né gə́ to kḛji.

1 Samel 15:11

Ma m’im rɔm dɔ kunda gə́ m’unda Sawul gə́ mbai lé mbata yeḛ ya̰’m mba kun rəw ləa-yeḛ ləm, yeḛ aa dɔ taje ləm el ləm tɔ. Mee Samel ea̰ aree no̰ rɔ Njesigənea̰’g loondul’g ya saar ar loo àr.