Jeremi 34:14 - Maktub gə́ To gə Kəmee

¹⁴ Loo gə́ rudu ləbje gə́ siri-siri lé as ndá nana kara mbuna sí’g a kya̰ ŋgokea̰ gə́ to Ǝbrə gə́ ya̰ rəa ar sí ndogeeje kaareeje aw ya. Yeḛ a ra kula kar sí ləb misa̰ ndá seḭ a kaareeje teḛ mee kəi’g lə sí aw. Nɛ bɔ síje-je d’un mbi dee rəw dɔ ta’g ləm ɓó deḛ tuga mbi dee d’oo ne ta ləm el.

Jeremi 34:14 Iomraidhean Croise

1 Mbaije 21:25

Deḛ d’oo dəw gə́ un rəa ndogo gə mba ra ne né gə́ majel kəm Njesigənea̰’g to gə́ Akab gə́ dené ləa ɔsee ɓɔḭ-ɓɔḭ keneŋ aree ra bèe lé godo.

1 Mbaije 9:22

Nɛ Salomo̰ ar Israɛlje ra kula asəna gə ɓərje el, mbata deḛ to dəwje gə́ to njérɔje ləm, gə kuraje ləa ləm, gə ŋgan-mbaije ləa ləm, gə dəwje ləa gə́ boo-boo ləma, gə njékaa dɔ pusu-rɔje ləa gə njérɔ gə kundaje ləa ləm tɔ.

2 Sôrta Gḭka Israɛlje 28:10

Bèe ɓa ɓasinè seḭ ə̰jije meḛ sí’g gə mba kwaje Judaje gə Jerusalemje gə́ ɓərje lə sí gə́ diŋgam gə njé gə́ dené. Nɛ seḭje kara see ta wa dɔ sí no̰ Njesigənea̰, Ala’g lə sí to el wa.

2 Sôrta Gḭka Israɛlje 36:16

Nɛ deḛ d’ula sul dɔ njékaḭkulaje’g lə Ala d’ə̰ji dee ne bəḭ-bəḭ ləm, d’unda njéteggintaje lé gə́ nékogo ləm tɔ saar d’ar oŋg lə Njesigənea̰ ḭ ne səa dɔ koso-dəwje’g ləa ar loo kwa ŋgaŋgee godo tɔ.

Nehemi 9:30

I ila məəi po̰ dɔ dee’g ləbi bula ləm, I ndəji dee kɔr gə ndili. Gə rəw gə́ rɔ njéteggintaje’g ləi ləm tɔ, Nɛ deḛ tuga mbi dee d’oo ne ta ləi el. Togə́bè ɓa i uba dee ne ya̰ dee ne Ji koso-dəwje gə́ to dəw-dɔ-ɓeeje’g.

Esai 50:1

Njesigənea̰ pa togə́bè pana: Ɓó lé m’tuba ko̰ síje ndá See maktub tḭ-na̰ gə́ m’tubá ne lé ɓa to ra wa. Ulamje see na̰ ɓa mbuna njéɓaŋje’g ləm lé M’wa sí m’aree wa. Aa ooje, ɓó lé seḭ awje ɓər ndá Néra kori-korije lə sí ɓa gə́ gelee ləm, Ɓó lé m’tuba ko̰ síje ndá Kaiyaje lə sí ɓa gə́ gelee ləm tɔ.

Esai 58:6

Aa ooje, kɔg-mee-ɓoo gə́ taa kəm lé ɓa nee: Tudu kúla lar gə́ ka̰ meeyèr ləm, Tudu kúla lar gə́ ka̰ kula ɓərje ləm, Kya̰ goo deḛ gə́ d’ula kəm dee ndòo kar dee d’aw ləma, Néje lai gə́ to néməməna̰ lé Təd gwɔb dee’g ləm tɔ,

Jeremi 11:7

Mbata neḛ ndəji bɔ síje-je bər-bər, un kudee mee ndəa gə́ n’ar dee d’unda ne loo mee ɓee gə́ Ejiptə teḛ saar teḛ ɓogənè. Teḛ gə ndɔ gə ndɔje kára-kára lai lé neḛ ndəji pana: Maji kar dee d’oo ndu neḛ.

Jeremi 32:30

Mbata Israɛlje gə Judaje lé un kudee gə basa dee ya, né gə́ majel ɓa deḛ ra kəm’g, Israɛlje lé d’ar məəm ḭ səm pu gə né gə́ ji dee ɓa ra. Njesigənea̰ ɓa pa bèe.

Jeremi 35:15

Ma m’ula kuraje ləm lai gə́ to njéteggintaje rɔ sí’g, un kudee gə ndɔ rad ya m’ula dee m’ar dee d’aw d’ula sí pana: Ɔsje badm telje dɔ panjaa sí gə́ majel’g ləm, tel gɔlje néra síje ləma, awje goo magəje gə mba pole dee el ləm tɔ ndá seḭ a síje mee ɓee gə́ m’ar sí ləm, gə m’ar bɔ síje-je ləm tɔ. Nɛ seḭ tugaje mbi sí ooje ne ta ləm el ləm, seḭ unje mbi sí rəw dɔ’g ləm tɔ.

Ejekel 20:4

Ma ŋgon-dəw lé see ma m’ndigi gaŋgta dɔ dee’g wa. See ma m’ndigi gaŋgta dɔ dee’g wa. Maji kam m’ar dee gər néraje gə́ mina̰ gə́ bɔ deeje-je ra lé ɓa.

Ejekel 20:8

Nɛ deḛ d’ḭ sə neḛ d’ɔs ta lə neḛ rəw ɓó deḛ ndigi koo ta lə neḛ el. Dəw kára kara ya̰ goo néje gə́ mina̰ gə́ tel kəmee lé el ləm, deḛ d’ya̰ goo magəje gə́ Ejiptə lé el ləm tɔ. Ndá neḛ n’wɔji mba ɓugu boo-oŋg lə neḛ dɔ dee’g ləm, mba kar oŋg lə neḛ aw lée’g béréré dɔ dee’g mee ɓee gə́ Ejiptə ləm tɔ.

Ləbije 25:10

Seḭ a kɔrje ləb gə́ njekɔm’g rɔ-mi kṵdáje gə kəmee ləm, seḭ a kilaje mbər kɔr ɓər dɔ dəwje’g lai gə́ d’isi mee ɓee’g neelé ləm tɔ: a to ləb gə́ ɓaree Jubile mbata lə sí, nana kara mbuna sí’g a tel kaw dɔ nduba’g ləa ləm, nana kara mbuna sí’g a tel dan njémeekəije’g ləa ləm tɔ.

Amɔs 2:6

Njesigənea̰ ɓa pa togə́bè pana: Gə mbata kaiya ra Israɛl gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ ndogo njemeekarabasur gə lar ləm, Deḛ ndogo njendoo gə négɔl ləm tɔ.

Amɔs 8:6

Tɔɓəi j’a ndogoje njénékəmndooje gə lar ləm, Njendoo kara j’a ndogoje ne négɔl ləma, J’a ndogoje bina kó ləm tɔ.

Njé gə́ Rɔmə 7:24

Ma lé m’to dəw gə́ daŋ’d ŋga! See na̰ ɓa a kwa yoo gə́ rɔm’g neelé kɔree kam wa.

Tel tura Godndu 15:1

Ləbje gə́ siri-siri lé to ləb kɔr ɓaŋg dɔ njéɓaŋje’g lə sí.

Tel tura Godndu 15:12

Ɓó lé dəw kára mbuna ŋgako̰ síje’d gə́ to Ǝbrə, lé to diŋgam əsé dené ɓa aw rab rəa ɓər mee kəi’g lə sí ndá yeḛ a ra kula kar sí as ləb misa̰, nɛ ləb gə́ njekɔm’g siri ndá seḭ a kya̰je gée kaareeje aw loo ləa.

Tel tura Godndu 15:9

Undaje kəmkàr dɔ rɔ sí’g nà meeyèr a taa meḛ sí kar sí pajena: Ləb gə́ njekɔm’g siri gə́ to ləb kɔr ɓaŋg lé sí ree dəb ŋga! Undaje kəmkàr dɔ rɔ sí’g nà a kulaje kəm sí na̰’d sir dɔ ŋgoko̰ sí’d gə́ njendoo lé gə mba kɔgee ne né. Yeḛ a no̰ rəa dɔ sí’g no̰ Njesigənea̰’g ndá ta a kwa dɔ sí.