Jeremi 33:7 - Maktub gə́ To gə Kəmee

⁷ M’a tel gə Judaje gə Israɛlje gə́ d’wa dee ɓər lé ree sə dee ɓée, ree kunda dee kar dee d’isi to gə́ kédé lé ya.

Jeremi 33:7 Iomraidhean Croise

Pakɔsje 126:1

Pakɔs kḭ kaw tuga ne loo ɗao-ɗao gə́ tar. Loo gə́ Njesigənea̰ ar deḛ gə́ d’wa dee gə́ ɓər Sio̰ tel ree ɓée ndá Jeḛ n’to j’asəna gə deḛ gə́ d’oo né gə́ ni bèe.

Pakɔsje 126:4

Njesigənea̰, maji kari tel gə njé’g lə sí gə́ d’wa dee gə́ ɓər lé Asəna gə mán baaje gə́ tel aḭ kuji-kuji dɔdilaloo gə́ to par gə́ dɔkɔl bèe.

Pakɔsje 14:7

Wai! See na̰ ɓa a kḭ Sio̰ gə mba taa dɔ Israɛlje wa. Ndɔ gə́ Njesigənea̰ a tel gə dəwje ləa gə́ d’wa dee ɓər lé Ndá Jakob a kal rəa ləm, Israɛlje kara d’a si dan rɔlel’g ləm tɔ.

Pakɔsje 85:1

Pakɔs lə Koréje gə́ d’ar bao-pa mba karee ɔs sə dee lé.

Esai 1:26

N’a tel kunda njégaŋ-rəwtaje lə sí to gə́ kédé ləm, Gə njékwɔjita-kəmkàrje lə sí to gə́ kédé gə́ dɔtar ya ləm tɔ. Gée gə́ gogo ndá d’a kunda ri sí Le ɓee-boo gə́ njéra né gə́ gə dɔ najee-je d’isi keneŋ ləm, Gə ɓee-boo gə́ njékilakojije d’isi keneŋ ləm tɔ.

Esai 52:8

Ndu njéŋgəmlooje lə sí ɓar wəl, Deḛ d’ɔr ndu dee gə́ tar ləm, Deḛ d’ɔr ndu dee gə́ tar na̰’d wəl Gə ndu pa kalrɔ ləm tɔ, Mbata kəm dee-deḛ ya d’oo ne To gə́ Njesigənea̰ tel gə njé gə́ Sio̰ mba̰.

Jeremi 23:3

M’a mbo̰ ges badje ləm dɔ na̰’d mee ɓeeje lai gə́ m’unda dee m’ɔm dee keneŋ lé ndá m’a tel ree sə dee loo-ko̰-mu’g lə dee gogo. Deḛ d’a koji na̰ bula digi-digi.

Jeremi 24:6

M’a koo dee gə kəm gə́ maji ləm, m’a tel ree sə dee mee ɓee’g neelé gogo ləm tɔ. M’a kunda dee lée’g ɓó m’a tuji dee el ŋga ləm, m’a ma̰a dee ɓó m’a tɔr dee el ŋga ləm tɔ.

Jeremi 29:14

M’a kya̰ loo kar sí iŋgamje ya. Njesigənea̰ ɓa pa bèe. M’a kar njé’g lə sí gə́ d’wa dee gə́ ɓərje lé tel ree ləm, m’a mbo̰ sí mbuna ginkoji dəwje gə raŋg’g lai gə looje lai gə́ m’tuba sí m’ɔm sí keneŋ ləm tɔ. Njesigənea̰ ɓa pa bèe. Ndá m’a tel sə sí ree sə sí loo gə́ d’wa sí keneŋ d’aw sə sí ɓee-ɓər’g lé.

Jeremi 30:18

Njesigənea̰ pa togə́bè pana: Aa ooje, njé gə́ mee kəi-kubu’g Le Jakob gə́ d’wa dee ɓər lé Ma m’tel ree sə dee ɓée. M’oo kəmtondoo lə loo-si deeje, D’a tel gɔl ɓee-boo lé lée’g Gə́ tuji to keneŋ ləm, D’a tel gɔl kəi-mbai lé Karee to to gə́ kédé ya ləm tɔ.

Jeremi 30:20

Ŋgan deeje d’a to to gə́ kédé ləm, Loo-mbo̰-dɔ-na̰ lə dee A to nɔm’g njaŋg ləma, M’a kar bo̰ néra njékula kəm dee ndooje lé Ɔs ta dee’g ləm tɔ.

Jeremi 30:3

Njesigənea̰ pana: Aa ooje, ndɔje gə́ d’a gə ree lé m’a tel gə koso-dəwje ləm gə́ Israɛl gə Judaje gə́ d’aw ɓee-ɓər’g lé ree sə dee. Njesigənea̰ ɓa pa bèe. M’a tel ree sə dee mee ɓee gə́ m’ar bɔ deeje-je lé ndá a to ka̰ dee-deḛ ya.

Jeremi 31:28

To gə́ kédé m’orè ne kəm dɔ dee’g sḭ m’ɔr dee ne ləm, m’təd dee ne rém-rém ləm, m’unda dee ne naŋg rə̰dəŋ-rə̰dəŋ ləm, m’tuji dee ne pugudu-pugudu ləma, m’ɓugu dee ne ta némajelje’g ləm tɔ lé ndá ɓasinè m’a korè kəm dɔ dee’g sḭ togə́bè ya to gə mba kunda dee ne tar ləm, gə mba ma̰a dee ne ləm tɔ. Njesigənea̰ ɓa pa bèe.

Jeremi 31:38

Njesigənea̰ pana: Aa ooje, ndɔje gə́ a gə ree lé d’a gɔl ɓee-boo gogo kar ri Njesigənea̰ ɓar’g lé ndá a kun kudee dɔ kəi’g lə Hananeel gə́ duu dɔ loo lé saar teḛ ne tarəwkɔg gə́ ria lə Dɔkumloo.

Jeremi 31:4

M’a tel gɔl sí gogo ndá Seḭ a kaarje njaŋg, Seḭ Israɛlje gə́ toje asəna gə ŋgoma̰də Gə́ gər ŋgaw el! Seḭ a teḛje gə mbarèje lə sí Ndamje ne gə rɔlel gə njéboa-ndamje lə sí.

Jeremi 32:44

D’a ndogo loo-ndɔje gə larnda ləm, d’a ndaŋg maktubee ləm, d’a kunda nétorji dee dɔ’g ləma, d’a kɔr njékoo géeje ləm tɔ mee ɓee’g lə Bḛjamije gə looje gə́ gugu dɔ Jerusalem ləm, gə mee ɓee-booje gə́ Juda ləm, gə mee ɓee-booje gə́ dɔ mbal’g ləm, gə mee ɓee-booje gə́ ndag-loo’g ləma, gə mee ɓee-booje gə́ to par gə́ dɔkɔl ləm tɔ. Mbata ma Njesigənea̰ m’pana: M’a kar njé’g lə dee gə́ d’aw ɓee-ɓər’g lé tel ree ya.

Jeremi 33:11

d’a koo ndu pa rɔlel gə ndu pa kalrɔ ləm, gə ndu paje lə njedené-sigi gə njeŋgao-sigi ləm, gə ndu paje lə dee gə́ d’ɔs pana: Pidije Njesigənea̰ gə́ njeboo-néje Mbata Njesigənea̰ lé to njemajidum ləm, Meekɔrjol ləa to saar gə no̰ ləm tɔ. D’a koo ndu paje lə deḛ gə́ d’inja nékinjanéməsje gə́ ka̰ ra oiyo mee kəi’g lə Njesigənea̰ mbata m’a tel ree sə dee, ree kunda dee lée’g neelé to gə́ kédé ya. Njesigənea̰ ɓa pa bèe.

Jeremi 33:26

ma m’a kuba ŋgaka Jakob, gə ŋgaka kura ləm Dabid kya̰ dee togə́bè ləm, mbuna ŋgakeaje’g lé m’a kɔr deḛ gə́ d’a gə ko̰ dɔ ŋgaka Abrakam, gə ka̰ Isaak, gə ka̰ Jakob el ŋga ləm tɔ. Mbata m’a kar njé’g lə dee gə́ d’aw ɓee-ɓər’g tel ree ɓée ləm, m’a koo kəmtondoo lə dee ləm tɔ.

Jeremi 42:10

Ɓó lé seḭ naije mee ɓee’g nee Ndá m’a kar sí síje keneŋ ɓó M’a tuji sí el, M’a ma̰a sí ndá m’a tɔr sí el, Mbata ma m’ya̰ goo majel Gə́ m’wɔji-kwɔji ra sə sí lé.

Jeremi 50:4

Njesigənea̰ pana: Mee ndəaje’g nee gə mee kàree’g nee lé Israɛlje gə Judaje d’a tel ree na̰’d, D’a njaa gə mán-no̰ kəm dee’g ləm, D’a saŋg Njesigənea̰, Ala lə dee ləm tɔ.

Nɔ̰-ndôo gə́ wɔji dɔ Jerusalem 4:22

Néra kori-kori ləi lé d’ɔr dɔi’g mba̰, I ɓee gə́ Sio̰ lé, Dəw a kwai ɓər el ŋga, Nɛ i ɓee gə́ Edɔm lé Yeḛ a kar bo̰ néra kori-kori ləi ɔs tai’g ləm, Yeḛ a kila kaiyaje ləi gə́ raga ləm tɔ.

Ejekel 39:25

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Ɓasinè n’a tel gə njé’g lə Jakob gə́ d’aw sə dee ɓee-ɓər’g lé ree sə dee ləm, n’a koo kəmtondoo lə gel-bɔje lə Israɛl lai ləma, n’a kaḭ bada dɔ ri neḛ gə́ to gə kəmee lé ləm tɔ.

Ojee 2:15

N’a kar bo̰ nérea ɔs təa’g Mbata lə ndɔje gə́ yeḛ aw roo né gə́ ə̰də sululu no̰ magə-Baal’gje lé ləm, Gə loo gə́ yeḛ ɔm ne ŋgamaje gə mərje rəa’g ləma, Gə mbata kaw gə́ yeḛ aw goo njéto səa’gje Ar mée wəi ne dɔ neḛ’g ləm tɔ, Njesigənea̰ ɓa pa bèe.

Soponi 3:20

Mee ndəa’g neelé n’a tel ree sə sí, Mee ndəa’g neelé n’a mbo̰ sí dɔ na̰’d, Mbata n’a kar sí tel toje gə́ nékula rɔnduba gə népidi Mbuna koso-dəwje lai gə́ dɔ naŋg nee Loo gə́ n’a kḭ gə njé’g lə sí gə́ d’wa dee gə́ ɓər Tel sə dee kəm sí’g ya, Njesigənea̰ ɓa pa bèe.

Jakari 1:17

Maji kam m’ra né wəl ya tɔɓəi m’pana: Njesigənea̰ gə́ njeboo-néje pa togə́bè pana: Ɓee-booje lə neḛ d’a tel kiŋga némajije Gə́ a taa rɔ dee pəl-pəl ya ɓəi, Njesigənea̰ a gɔl mee Sio̰ ya ɓəi ləm, A tel kɔr kəm ɓee gə́ Jerusalem gə́ nékea̰ ɓəi ləm tɔ.