Jeremi 33:18 - Maktub gə́ To gə Kəmee

¹⁸ Njékinjanéməsje gə Ləbije d’a lal njétaa tor deeje nɔm’g el mba kar dee d’inja nékinjanéməsje gə́ ka̰ roo ləm, gə mba tuu nékarje na̰’d gə nékinjanéməsje ləma, gə mba kinja nékinjanéməsje gə ndɔje kára-kára lai ləm tɔ.

Jeremi 33:18 Iomraidhean Croise

Esdras 3:5

Gée gə́ gogo ndá deḛ d’inja nékinjaməs gə́ ka̰ roo gə́ ra ta-ta ləm, gə nékinjanéməsje gə́ wɔji dɔ naḭje gə́ teḛ sigi ləm, gə naḭje lai gə́ to gə kəmee mbata lə Njesigənea̰ ləma, gə nékinjanéməsje lai gə́ nana kara ḭ gə mée ar Njesigənea̰ gə meendakaḭ ləm tɔ.

Esai 56:7

Ndá m’a kaw sə dee dɔ mbal’g ləm Gə́ to gə kəmee ləm, M’a kar dee d’al rɔ dee Mee kəi-ra-tamaji’g ləm ləma, Nékinjaməsje lə dee gə́ ka̰ roo Gə nékinjanéməsje lə dee gə́ raŋg lé D’a taa kəm rəgm dɔ loo-nékinjaməs’g ləm ləm tɔ. Mbata kəi ləm lé D’a ɓaree kəi-ra-tamaji Mbata lə koso-dəwje lai-lai ya.

Esai 61:6

Nɛ seḭ lé d’a ɓar sí njékinjanéməsje lə Njesigənea̰ ləm, D’a kunda ri sí gə́ kuraje lə Ala lə sí ləm tɔ. Seḭ a kubaje maji nébaoje lə ginkoji dəwje gə raŋg ləm, Seḭ a ndubaje rɔ sí ká gə néro̰dubaje lə dee ləm tɔ.

Jeremi 33:19

Njesigənea̰ ula Jeremi ta gə rɔtaje nee pana:

Jeremi 33:22

To gə́ dəw askəm tura boo-néje gə́ dara el ləm, gə askəm kwɔji nagəra gə́ ta baa-boo-kad’g el ləm tɔ lé togə́bè ɓa m’a kar ŋgaka kura ləm Dabid ləm, gə Ləbije gə́ d’aw ra kula ləm ləm tɔ lé d’ḭ dɔ maree’d gə́ kédé-kédé bèe tɔ.

Jeremi 35:19

gelee gə́ nee ɓa Njesigənea̰ gə́ njeboo-néje gə́ to Ala lə Israɛlje pa ne togə́bè pana: Jonadab, ŋgolə Rekab a lal ŋgakeaje no̰m’g nda̰ el.

Ejekel 44:15

Nɛ njékinjanéməsje gə́ to ginka’g lə Ləbi gə́ gel bɔ’g lə Sadɔk gə́ ra kula mee kəi’g lə neḛ gə́ to gə kəmee loo gə́ Israɛlje ndəm d’aw əw sə neḛ lé deḛ neelé ɓa d’a rəm pər gə́ rɔ neḛ’g mba ra kula kar neḛ ləm, d’a kaar no̰ neḛ’g gə mba kun ubu nékinjanéməsje gə məs kar neḛ ləm tɔ, Mbaidɔmbaije gə́ Njesigənea̰ ɓa pa bèe.

Ejekel 45:5

Dəb ɓee gə́ ŋgalee as kag-kwɔji-né tɔl-dɔg-loo rɔ joo giree-mi (25.000) ləm, gə tadee as kag-kwɔji-né tɔl-dɔg-loo dɔg (10.000) ləm tɔ lé a to ka̰ Ləbije gə́ to njéra kula mee kəi’gje ləm, gə ŋgan kəije as rɔ-joo ləm tɔ.

Bula lə Israɛlje 3:5

Njesigənea̰ ula Moyis pana:

Njé gə́ Rɔmə 1:21

mbata deḛ gər Ala lé gao ya nɛ rɔnduba gə́ wɔji dəa lé d’ula dəa’g el ləm, deḛ rəa oiyo el ləm tɔ. Takə̰ji lə deḛ gə́ gə mḭdé ba lé uru dee wala ləm, kəmkàr gə́ godo meḛ dee’g lé ar meḛ dee ndul ne njudu-njudu ləm tɔ.

Njé gə́ Rɔmə 15:16

ɔrm ne am m’to ne kura lə Jeju Kristi mbuna njépole-magəje’g. Kula gə́ wɔji dɔ Tagə́maji lə Ala lé m’ra gə mba kun ne njépole-magəje gə́ Ndilmeenda ɔr dee unda dee gə kəmee mba kar dee to nékar Ala gə́ a taa kəmee rəgm.

Tel tura Godndu 18:1

Njékinjanéməsje ləm, gə Ləbije ləma, gə ginkoji lə Ləbi doŋgɔ ləm tɔ lé d’a kiŋga né ka̰ dee əsé nédɔji lə dee na̰’d gə Israɛlje el, d’a kul rɔ dee gə nékinjanéməsje gə́ ka̰ roo kwa ne Njesigənea̰ meḛ dee’g ləm, gə nédɔji gə́ to ka̰ Njesigənea̰ lé ləm tɔ ɓa.

Tel tura Godndu 24:8

Undaje kəmkàr dɔ rɔ sí’g wɔji dɔ doo ba̰ji gə mba kaa dɔ tandəjije lai gə́ njékinjanéməsje gə́ to Ləbije d’a gə ndəji sí gə mba kar sí raje née lé, seḭ a tɔsje kəm sí dɔ’g gə mba raje gə goo ndukunje gə́ m’un m’ar dee lé.

Jujé 3:3

Tɔɓəi d’un ndu dee d’ar koso-dəwje lé pana: Loo gə́ seḭ a kooje sa̰duk-manrɔ lə Njesigənea̰, Ala lə sí gə́ njékinjanéməsje gə́ to Ləbije d’un d’aw ne ndá seḭ lé a kḭje loo-si sí’g njaaje korèje gée ya.

1 Piɛrə 2:5

Seḭje kara toje asəna gə mbalje gə́ to kəmba gə́ d’odo sí rɔd sí dɔ na̰’g mba ra ne kankəm kəi gə́ ka̰ Ndil lé ləm, kar sí toje njékinjanéməsje gə́ d’unda sí gə kəmee mba kar sí unje nékinjaməs gə́ ka̰ ndil lé gə ri Jeju Kristi gə́ a taa kəm Ala rəgm lé ləm tɔ.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.

Loo gə́ killa rea kəm Ja̰’g 1:6

yeḛ unda sí gə́ gin ɓeeko̰ gə́ kára ba ar sí n’tojee njékinjanéməsje gə́ ka̰ Bɔbeeje Ala ləm tɔ. Maji karee yeḛ nja to Bao-ronduba gə Njedum dɔ loo gə ləbee-ləbee gə no̰. Amen.

Loo gə́ killa rea kəm Ja̰’g 5:10

I gɔl dee mbo̰ dee na̰’d gin ɓeeko̰ gə́ kára ba ləm, ar dee to ne njékinjanéməsje gə́ ka̰ Ala ləm tɔ ndá d’a ko̰ɓee dɔ naŋg ne.