Jeremi 32:8 - Maktub gə́ To gə Kəmee

⁸ Yen ɓa Hananeel, ŋgolə bɔm lé ree rɔm’g mee gad kəi-daŋgai’d gə goo ta lə Njesigənea̰ lé ulam ne pana: Maji kam m’ndogo sə neḛ ndɔ lə neḛ gə́ to Anatot, mee ɓee’g lə Bḛjamije mbata ma ɓa wɔji dɔm gə mba kam m’ndogo m’aree to nénduba ləm ndá maji kam m’ndogo ya. Bèe ɓa ma m’gər gao to gə́ to ta lə Njesigənea̰ ya.

Jeremi 32:8 Iomraidhean Croise

1 Mbaije 2:26

Mbai lé ula Abiatar, njekinjanéməs tɔɓəi pana: Ɔd aw Anatot dɔ naŋgje’g ləi mbata i lé kəm kari wəi ya tɔ, nɛ m’a kari wəi ɓogənè el mbata i un sa̰duk-manrɔ lə Mbaidɔmbaije gə́ Njesigənea̰ no̰ bɔm Dabid’g ləm, nékəmndooje lai gə́ ra bɔm lé rai səa ləm tɔ.

1 Mbaije 22:25

Mise tel ilá keneŋ pana: Maji, mee ndəa gə́ i a ta̰d gə mee kəi-kəi gə mba kiya rɔi lé ɓa i a koo ɓəi.

1 Sôrta Gḭka-Israɛlje 6:60

gə Ukok gə looje gə́ gugu dəa ləma, gə Reob gə looje gə́ gugu dəa ləm tɔ,

Jeremi 1:1

Taje lə Jeremi, ŋgolə Hilkija, yeḛ to gə́ mbuna njékinjanéməsje gə́ Anatot mee ɓee gə́ Bḛjami.

Jeremi 32:2

Njérɔje lə mbai gə́ Babilɔn d’aḭ dɔ Jerusalem sub gə rɔ. Jeremi, njetegginta lé si mee gad kəi-daŋgai’g gə́ to mee kəi’g lə mbai gə́ Juda tɔ.

Jeremi 32:25

Lé bèe kara i Mbaidɔmbaije gə́ Njesigənea̰, i ulam pana: Maji kam m’ndogo loo-ndɔ gə larnda ləm tɔ. Nɛ ɓee-boo lé oso ji Kaldeje’g mba̰.

Jeremi 32:7

Aa oo, Hananeel, ŋgolə Salum gə́ ŋgolə bɔm lé a gə ree rɔm’g mba kulam pana: Maji kam m’ndogo sə neḛ ndɔ lə neḛ gə́ to Anatot mbata ma ɓa wɔji dɔm kam m’ndogo karee to kama ya.

Jeremi 33:1

Njesigənea̰ ula Jeremi ta njekɔm’g gɔl joo gə rɔtaje nee, loo gə́ yeḛ nai ne mee gad kəi-daŋgai’g ɓəi lé pana:

Jeremi 37:12

ndá Jeremi ndigi kunda loo Jerusalem teḛ kaw ɓee’g lə Bḛjamije gə mba kaw taa nénduba gə́ wɔji dəa mbuna gel-bɔje’g ləa.

Ejekel 12:7

Ma m’ra to gə́ yeḛ ulam lé ya, ma m’teḛ gə néje ləm gə́ to nékawmbáje dan kàrá lé tɔɓəi kàrkemetag ndá m’ɔs kəm ndògo-bɔrɔ gə jim mbudu m’teḛ ne gə néje raga gə loo gə́ to piro-piro ndá m’un m’ila dɔ bagm’g kəm dee’g ya.

Jakari 11:11

Manrɔ neelé tuji mee ndəa’g neelé ndá badje gə́ kəm dee to ndòo gə́ d’unda meḛ dee yel dɔm’g lé deḛ gər gao to gə́ to ta lə Njesigənea̰ ya.

Tagə́maji gə́ Ja̰ ndang 4:53

Bɔbeeje lé gər gao, to kàr gə́ Jeju ulá ne pana: Ŋgoni aji mba̰ lé. Togə́bè yeḛ gə njémeekəije ləa lai d’ɔm meḛ dee dɔ Jeju’g.