Jeremi 32:7 - Maktub gə́ To gə Kəmee

⁷ Aa oo, Hananeel, ŋgolə Salum gə́ ŋgolə bɔm lé a gə ree rɔm’g mba kulam pana: Maji kam m’ndogo sə neḛ ndɔ lə neḛ gə́ to Anatot mbata ma ɓa wɔji dɔm kam m’ndogo karee to kama ya.

Jeremi 32:7 Iomraidhean Croise

1 Mbaije 14:5

Nɛ Njesigənea̰ ula Aija pana: Aa oo, dené lə Jeroboam aw gə́ rɔi’g nee gə mba dəjii ta gə́ wɔji dɔ ŋgonee gə́ oso gə rɔko̰. I a kulá ta bèe-bèe. Loo gə́ yeḛ ree lé ndá yeḛ a tel rəa gə́ dené gə́ raŋg ya.

Jeremi 1:1

Taje lə Jeremi, ŋgolə Hilkija, yeḛ to gə́ mbuna njékinjanéməsje gə́ Anatot mee ɓee gə́ Bḛjami.

Jeremi 11:21

Gelee gə́ nee ɓa Njesigənea̰ pata koma̰ ne dəwje gə́ Anatot gə́ saŋg loo tɔlm gə́ d’ulam pana: Maji kam m’tegginta gə ri Njesigənea̰ el nà n’a tɔlmje lé!

Jeremi 32:6

Jeremi pana: Njesigənea̰ ulam ta gə rɔtaje nee pana:

Jeremi 32:8

Yen ɓa Hananeel, ŋgolə bɔm lé ree rɔm’g mee gad kəi-daŋgai’d gə goo ta lə Njesigənea̰ lé ulam ne pana: Maji kam m’ndogo sə neḛ ndɔ lə neḛ gə́ to Anatot, mee ɓee’g lə Bḛjamije mbata ma ɓa wɔji dɔm gə mba kam m’ndogo m’aree to nénduba ləm ndá maji kam m’ndogo ya. Bèe ɓa ma m’gər gao to gə́ to ta lə Njesigənea̰ ya.

Ləbije 25:23

Dɔ naŋg lə sí lé seḭ a kar deeje ndogo sə sí gə no̰ el, mbata ɓee neelé to kama ləm, seḭ síje səm keneŋ asəna gə dəw-dɔ-ɓeeje bèe ləm tɔ.

Ləbije 25:24

Ɓeeje lai gə́ to ka̰ sí-seḭ lé seḭ a gɔlje rəbee gə́ ka̰ kuga dɔ dɔ naŋgje gə́ seḭ tonaje ne lar lé ya.

Ləbije 25:25

Ɓó lé ŋgokɔḭ tel to gə́ njendoo ɓa wa ges dɔ nduba ləa tona ne lar ndá dəw gə́ to ta ləa mba kuga dəa gə́ to njenoji ləa gə́ pər gə́ ur dɔ mareeje’g lé a ree mba kuga dɔ né gə́ ŋgokea̰ wa tona ne lar lé.

Ləbije 25:34

Loo-ndɔje gə́ gugu dɔ ɓee-si Ləbije lé d’a kaskəm kwa ndogo el, mbata to gə́ ka̰ dee-deḛ ya saar-saar gə no̰.

Ləbije 25:49

Ŋgoko̰ bɔbeeje əsé ŋgon mee ŋgoko̰ bɔbeeje gə́ diŋgam əsé yeḛ gə́ kára mbuna njénojije’g ləa gə́ gəd lé a kaskəm kuga dəa, əsé ɓó lé néje ləa-yeḛ as ndá yeḛ nja a kuga dɔ rəa tɔ.

Bula lə Israɛlje 35:2

Un ndui ar Israɛlje mba kar dee d’ɔr kəm ɓee-booje mbuna dɔ naŋgje’g lə deḛ gə́ d’a gə kiŋga gə́ ka̰ dee-deḛ lé d’ar Ləbije d’isi keneŋ. Seḭ a karje Ləbije loo gə́ gugu dɔ ɓee-booje neelé gə́ ka̰ dee tɔ.