Jeremi 32:5 - Maktub gə́ To gə Kəmee

⁵ mbai gə́ Babilɔn a kaw gə Sedesias Babilɔn karee si keneŋ saar kar mee neḛ olé dəa’g ɓa. Njesigənea̰ ɓa pa bèe. Ɓó lé seḭ a rɔje gə Kaldeje kara seḭ a dum deeje el, lé wa.

Jeremi 32:5 Iomraidhean Croise

2 Sôrta Gḭka Israɛlje 13:12

Aa ooje, Ala gə́ to dəw dɔ síjeḛ gə njékinjanéməsje ləa d’aw sə sí na̰’d, deḛ ɓa d’ɔr no̰ sí. Jeḛ j’aw gə to̰to̰je gə́ ɓar ŋgaw gə mba koma̰ ne sə sí. Maji kar sí rɔje gə Njesigənea̰ Ala lə bɔ síje-je el mbata seḭ a teḛje kɔr keneŋ nda̰ el tɔ.

2 Sôrta Gḭka Israɛlje 24:20

Ndil Njesigənea̰ dəb dɔ Jakari’d gə́ to ŋgolə Jeojoda, njekinjanéməs lé, yeḛ ḭ aw aar no̰ koso-dəwje’g ula dee pana: Ala pa togə́bè pana: See gelee ban ɓa seḭ ubaje ne godnduje lə Njesigənea̰ ya̰je wa. Seḭ a teḛje ne kɔr el. Mbata seḭ ubaje Njesigənea̰ yá̰je ndá yeḛ kara a kuba si kya̰ sí ya tɔ.

Gosota-Kəmkàrje 21:30

Kəmkàr əsé gosonégər əsé takwɔji-kəmkàr gə́ askəm kaar no̰ Njesigənea̰’g lé godo.

Jeremi 2:37

Lée neelé ɓa seḭ a kundaje loo Keneŋ teḛje kɔmje ji sí dɔ sí’g, Mbata Njesigənea̰ mbad Deḛ gə́ seḭ ɔmje meḛ sí dɔ dee’g Ndá seḭ a teḛje ne kɔr keneŋ el.

Jeremi 27:22

D’a kaw ne Babilɔn ndá d’a to keneŋ saar ndɔ gə́ m’a kaw saŋg dee gə mba kar dee tel ree ne lée’g neelé. Njesigənea̰ ɓa pa bèe.

Jeremi 32:24

Aa oo, d’uba dɔndalje mba taa ne ɓee-boo lé. Ɓee-boo neelé a koso meḛ ji Kaldeje gə́ ree rɔ səa ndá d’a dum dee gə kiambas ləm, gə ɓoo-boo ləma, gə yoo-koso ləm tɔ. Ta gə́ i pa lé aw lée’g béréré ari oo ya.

Jeremi 32:6

Jeremi pana: Njesigənea̰ ulam ta gə rɔtaje nee pana:

Jeremi 33:5

loo gə́ d’a kaw rɔ gə Kaldeje kar nin dəwje gə́ m’a tɔl dee dan oŋg’d gə meekḭ jugugu’g ləm lé to mee kəije’g neelé rib-rib ləm, gə goo meeyèr lə dee gə́ am m’iya ne sə dee kəm ləm tɔ pana:

Jeremi 37:10

Lée seḭ dumje dɔ njérɔje gə́ Kalde gə́ d’aw rɔ sə sí lé lai arje dəwje gə́ d’iŋga doo ya ɓa nai kara deḛ lai lé nana kara a kunda loo mee kəi-surum’g ləa teḛ roo ɓee-boo neelé dula-dula ya.

Jeremi 39:4

Loo gə́ Sedesias, mbai gə́ Juda gə njérɔje lai d’oo dee ndá deḛ d’unda loo mee ɓee-boo’g loondul’g teḛ d’aḭ gə rəw gə́ loo-kamnaḭ’g lə mbai, par gə́ tarəw gə́ to mbuna ndògo-bɔrɔje gə́ joo ndá deḛ d’un rəw gə́ aw gə́ ndaa-loo’g.

Jeremi 39:5

Nɛ njérɔje lə Kaldeje korə dee d’aw d’wa Sedesias ndag-loo gə́ Jeriko. Deḛ d’wá d’aw səa rɔ Nebukadnesar, mbai gə́ Babilɔn’g mee ɓee gə́ Ribla dɔ naŋg ɓee gə́ Amat. Lée neelé deḛ gaŋgta dəa’g keneŋ.

Jeremi 39:7

Tɔɓəi yeḛ ar dee tɔs kəm Sedesias tɔ ndá deḛ teá gə kúla larkas mba kaw səa Babilɔn.

Nɔ̰-ndôo gə́ wɔji dɔ Jerusalem 1:14

Yeḛ tɔs dɔ néramje gə́ majel lé na̰’d lai Aree to gə́ nékodo gə́ wɔi dɔm’g, Yeḛ ar siŋgam kara yɔ tɔ. Njesigənea̰ ya̰’m ji njéba̰je’g Gə́ m’askəm nar rɔm ji dee’g el.

Ejekel 12:12

Mbai gə́ njekaa dɔ dəb ɓeeko̰ gə́ si dan dee’g lé a kila nékodo ləa dɔ bagee’g gə loo gə́ to piro-piro ndá a kaw, d’a kɔs kəm ndògo-bɔrɔ mbudu mba karee teḛ raga aw, yeḛ a ko̰ kəmee gə né mba kar kəmee oo naŋg el.

Ejekel 12:13

13 N’a kila ba̰də gugu ne dəa sub ndá yeḛ a koso gum’g lə neḛ. N’a kaw səa Babilɔn mee ɓee’g lə Kaldeje nɛ yeḛ a koo ɓee neelé gə kəmee el ndá yeḛ a kwəi keneŋ.

Ejekel 17:15

Nɛ yeḛ lé ḭ ɔsee rəw, ula njékaḭkulaje ləa Ejiptə mba kar dee d’aree kundaje ləm, gə boo-njérɔje ləm tɔ. See yeḛ gə́ njera né togə́bè lé a teḛkɔr ya wa. See yeḛ a taa ne rəa ya wa. Yeḛ gaŋg kúla manrɔ ndá see yeḛ a taa rəa ya wa.

Bula lə Israɛlje 14:41

Moyis pana: See gelee ban ɓa seḭ alje dɔ godndu Njesigənea̰ wa. Né gə́ neelé a teḛkɔr el.