Jeremi 32:41 - Maktub gə́ To gə Kəmee

⁴¹ Rɔm a lelm mba kam m’ra sə dee meemaji ndá m’a ma̰a dee tɔgərɔ mee ɓee’g neelé gə meendakaḭ gə ŋgaw məəm bura ya.

Jeremi 32:41 Iomraidhean Croise

Pakɔsje 80:8

Ala gə́ njeboo-néje maji kari tel un sí ur sí tar ləm, Ar kəmi to jḛ̀ dɔ sí’g ləm tɔ Ndá j’a kaji ne ya.

Esai 60:21

Koso-dəwje ləi lai D’a to njéra né gə́ gə dɔ najee-je ləm, D’a kiŋga ɓee lé gə́ ka̰ dee gə no̰ ləm tɔ, Yee ɓa to barkəmkag gə́ ma ɓa ma̰a ləm, To kula gə́ jim ɓa ra ləm tɔ Gə mba karee ula rɔnduba dɔm’g.

Esai 62:4

D’a ɓari yeḛ gə́ d’ubá d’yá̰ el ŋga ləm, D’a ɓar dɔ naŋg ɓee ləi dɔnduba el ŋga ləm tɔ. Nɛ d’a ɓari yeḛ gə́ m’iŋga rɔlel rəa’g ləm, D’a ɓar dɔ naŋg ləi asəna gə dené gə́ njeŋgao ləm tɔ. Mbata Njesigənea̰ iŋga rɔlel rɔi’g ləm, Dɔ naŋg ləi iŋga ŋgabeeje ləm tɔ.

Esai 62:5

To gə́ basa ɔm ne na̰’d Gə ŋgoma̰də gə́ gər ŋgaw el ɓəi bèe lé Ŋganije gə́ diŋgam d’a kɔm səi na̰’d togə́bè tɔ. To gə́ njedené-sigi ra ne rɔlel dɔ dené’g ləa bèe lé I a to nérɔlel lə Ala togə́bè tɔ.

Esai 65:19

M’a kar Jerusalem to gə́ nékalrɔ ləm ləm, M’a kar koso-dəwje ləm tɔ gə́ nérɔlel ləm ləm tɔ, D’a koo ndu no̰ gə ndu kii keneŋ gogo el.

Jeremi 18:9

Loo gə́ na̰je m’pata m’wɔji ne dɔ ginkoji dəwje gə dɔ ɓeeko̰ gə mba kun dee kunda dee tar ləm, gə ma̰a gɔl dee naŋg ləm tɔ.

Jeremi 24:6

M’a koo dee gə kəm gə́ maji ləm, m’a tel ree sə dee mee ɓee’g neelé gogo ləm tɔ. M’a kunda dee lée’g ɓó m’a tuji dee el ŋga ləm, m’a ma̰a dee ɓó m’a tɔr dee el ŋga ləm tɔ.

Jeremi 31:28

To gə́ kédé m’orè ne kəm dɔ dee’g sḭ m’ɔr dee ne ləm, m’təd dee ne rém-rém ləm, m’unda dee ne naŋg rə̰dəŋ-rə̰dəŋ ləm, m’tuji dee ne pugudu-pugudu ləma, m’ɓugu dee ne ta némajelje’g ləm tɔ lé ndá ɓasinè m’a korè kəm dɔ dee’g sḭ togə́bè ya to gə mba kunda dee ne tar ləm, gə mba ma̰a dee ne ləm tɔ. Njesigənea̰ ɓa pa bèe.

Ejekel 36:36

Ginkoji dəwje gə raŋg gə́ nai gugu dɔ sí sub lé d’a gər to gə́ neḛ Njesigənea̰ ya n’tel gə né gə́ təd kərm-kərm lé n’ra gogo ləm, né gə́ n’tɔr lé n’tel mea̰ gogo ləm tɔ. Neḛ Njesigənea̰ m’pata ndá n’a ra née ya.

Ojee 14:5

Njesigənea̰ pa togə́bè pana: M’a gɔl dee dɔ rəmje’g lə dee ləm, M’a kunda dee dan kəm’g Gə meenda kɔr jol-jol ləm tɔ, Mbata oŋg ləm gə́ ḭ səm pu dɔ dee’g lé Wəi bèm mba̰.

Amɔs 9:15

N’a ma̰a dee mee ɓee’g lə dee ndá Dəw a kɔr dee mee ɓee gə́ neḛ nja n’ar dee Mba kaw sə dee raŋg el ŋga, Njesigənea̰, Ala ɓa pa bèe.

Misee 7:18

See Ala gə́ raŋg gə́ njekar mée oso lemsé dɔ néra gə́ kori-kori’g ləm, Gə njekar mée wəi dɔ kaiyaje’g Le ges dəwje gə́ to nékea̰je ləm tɔ lé ɓa ra wa. Yeḛ ŋgəm oŋg ləa saar-saar gə no̰ el Mbata meekoso lemsé ɓa taa kəmee ya.

Soponi 3:17

Njesigənea̰, Ala lə sí si mbuna sí’g Yeḛ to bao-rɔ gə́ to njekaji sí, Yeḛ a kar sí toje nérɔlel ləa gə́ boo, Yeḛ a kila təa maree’g gə goo meenoji ləa, Yeḛ a kal rəa gə boo-rɔkal mbata lə sí tɔ.

Tel tura Godndu 28:63

To gə́ kédé lé rɔ Njesigənea̰ lelee gə mba ra sə sí némeemaji ləm, mba kar bula lə sí ḭ dɔ maree’d gə́ kédé-kédé ləm tɔ lé rɔ Njesigənea̰ Ala a tel lelee gə mba tuji sí kar sí uduje guduru tɔ, bèe ɓa yeḛ a kɔr sí ne mee ɓee gə́ seḭ a gə kawje kaw taaje gə́ né ka̰ sí lé.

Tel tura Godndu 30:9

Ala lə sí gə́ Njesigənea̰ a daa sí gə némajije gə mba kar sí teḛje ne kɔr dɔ kulaje lai gə́ seḭ raje ləm, gə dɔ ŋgan meḛ síje’g ləm, gə dɔ ŋgan koso-nékulje’g lə sí ləma, gə dɔ kandə néje gə́ mee ndɔje’g lə sí ləm tɔ, mbata rɔ Njesigənea̰ a tel lelee dɔ si maji’g lə sí to gə́ ka̰ bɔ síje-je bèe ləm tɔ,