Jeremi 32:40 - Maktub gə́ To gə Kəmee

⁴⁰ M’a kun ndum kar dee gə manrɔ gə́ to gə no̰ ndá m’a kuba dee kya̰ dee el ləm, m’a ra sə dee meemaji ləma, m’a kar ɓəlm to dɔɓəŋgərə dee’g ləm tɔ gə mba kar dee sa rɔ dee rɔm’g el ŋga.

Jeremi 32:40 Iomraidhean Croise

2 Samel 23:4

Yeḛ to asəna gə lookàr gə́ gə ndɔ Loo gə́ kàr uba bər Lookàr gə́ gə ndɔ gə lal ndi gə́ tɔ tii-tii bèe. Kṵjeje gə́ orè goo ndi lé ɓa D’ar muje d’unda ne loo dɔ naŋg’d teḛ.

Pakɔsje 80:19

Nɛ jeḛ lé j’a kundaje rɔ sí rɔi’g ŋgərəŋ el ŋga, Maji kari ar sí n’tel j’isije kəmba gogo Ndá j’a ɓar ne rii ya tɔ.

Esai 24:5

Ɓee lé dəwje gə́ d’isi keneŋ d’aree mina̰ Mbata deḛ d’al ta ta godndu Njesigənea̰’g ləm, D’ɔs ndukunje ləa rəw ləma, Deḛ gaŋg kúla manrɔ ləa gə́ to gə no̰ lé ləm tɔ.

Esai 55:3

Urje mbi sí gèŋ, Ndá gə́ reeje rɔm’g, Ooje ta ndá A síje ne kəmba. M’a kun ndum kar sí Gə ndu manrɔ gə́ to gə no̰ Gə mba kar némeemaji gə́ m’ra gə Dabid lé To ne njaŋg.

Esai 61:8

Mbata ma Njesigənea̰ m’unda néra gə́ gə dɔ najee dan kəm’g Ndá m’ə̰ji ɓogo gə néra gə́ kori-kori bəḭ-bəḭ, M’a kar dee nékoga-dɔ-ji dee gə goo rəbee ləm, Ma jeḛ sə deeje j’a manrɔ sí kar na̰ Gə manrɔ gə́ to gə no̰ ləm tɔ.

Jeremi 24:7

M’a kar dee ɓəŋgərə dee gə́ ka̰ gərm to gə́ ma m’to Njesigənea̰, ɓó lé d’a tel ree rɔm’g gə meḛ dee bura ndá d’a to koso-dəwje ləm ləm, m’a to Ala lə dee ləm tɔ.

Jeremi 31:34

Dəw kára kara a ndoo maree əsé ŋgokea̰ pana: Maji kar sí gərje Njesigənea̰ a pa bèe el! Mbata dəwje lai d’a gərm təsərə un kudee dɔ dəwje gə́ gɔ-gɔ’g saar teḛ ne dɔ dəwje gə́ boo-boo’g tɔ. Njesigənea̰ pa bèe. Mbata məəm a koso lemsé dɔ néra kori-kori’g lə dee ləm, m’a kar məəm olé dɔ kaiya ra dee’g el ŋga ləm tɔ.

Jeremi 50:5

D’a dəji rəw gə́ aw gə́ Sio̰ ləm, D’a tel kəm dee gə́ keneŋ ləm tɔ. Gə́ reeje ɔmje na̰’d gə Njesigənea̰ Gə manrɔ gə́ to gə no̰ Gə́ mee dəw a kwəi dɔ’g nda̰ el.

Ejekel 36:26

N’a kar sí ɓəŋgərə gə́ sigi ləm, n’a kar ndil gə́ sigi to meḛ sí’g ləm tɔ. Ɓəŋgərə sí gə́ to asəna gə mbal lé n’a kɔr meḛ sí’g ndá n’a kar sí ɓəŋgərə dəw.

Ejekel 36:27

N’a kar ndil neḛ to meḛ sí’g ndá n’a kar sí unje goo ndukunje’g lə neḛ ləm, seḭ a kaaje dɔ godnduje lə neḛ kər-kər raje née ləm tɔ.

Ejekel 37:26

N’a manrɔ neḛ gə manrɔ gə́ ka̰ meelɔm kar dee ndá manrɔ gə́ to gə no̰ a to mbuna neḛ sə deeje’g. N’a kunda dee tor dee’g ləm, n’a kar bula lə dee ḭ dɔ maree’d gə́ kédé-kédé ləma, n’a kar loo lə neḛ gə́ to gə kəmee to dan dee’g saar gə no̰ ləm tɔ.

Ejekel 39:29

n’a kiya sə dee kəm neḛ el ŋga ləm tɔ. Mbata n’a kar ndil neḛ ɔm dɔ gel-bɔje’g lə Israɛl, Mbaidɔmbaije gə́ Njesigənea̰ ɓa pa bèe.

Misee 4:5

To gə́ koso-dəwje lé nana kara ila ŋgonkoji dɔ magəje ləa-ləa lé Jeḛ ndá j’a kila ŋgonkoji dɔ Njesigənea̰, Ala’g lə sí ya Gə ndɔ sí ndɔ sí saar-saar gə no̰.

Tel tura Godndu 31:6

Waje rɔ sí kɔgərɔ ləm, waje diŋgam meḛ sí’g ləm tɔ. Ɓəlje el ləm, undaje bala no̰ dee’g el ləm tɔ, mbata Ala lə sí gə́ Njesigənea̰ nja a kaw sə sí na̰’d ləm, yeḛ a kya̰ goo sí yɔgɔ el ləma, yeḛ a kuba sí kya̰ sí el ləm tɔ.

Tel tura Godndu 31:8

Njesigənea̰ nja a kaw nɔḭ’g ləm, yeḛ a nai səi ləm, yeḛ a kya̰ gooi yɔgɔ el ləma, a kubai kya̰’i el ləm tɔ, ɓəl el ləm, unda bala no̰ dee’g el ləm tɔ.

Ǝbrəje 13:20

Ala gə́ njeyelko meelɔm ləm, yeḛ gə́ teḛ gə Mbaidɔmbaije Jeju, ɓé-njekulbadje mbuna njé gə́ d’wəi’g gə goo məs manrɔ gə́ to njaŋg gə no̰ ləm tɔ lé

Ǝbrəje 4:1

Ndukun gə́ d’un d’ar sí pana: J’a kaw loo-kwa-rɔ’g lé to njaŋg ɓəi. Bèe ndá maji kar sí ɓəlje ne mba kar dəw kára mbuna sí’g a kwa toree el.

Ǝbrəje 7:24

Nɛ yeḛ nja gə́ si kəmba gə no̰ ɓa si gə kula kinja néməs gə́ to né kya̰ gogo kar dəw gə́ raŋg el.

Maktub gə́ Jak ula ne ar ngan-Allaje 1:17

Nénoji gə́ maji dum gə́ rara ləm, gə nékarnoji gə́ rara gə́ to maji ɔr njoroŋ ləm tɔ lé d’ḭ rɔ Bɔ lookàrje gə́ dara, yeḛ gə́ rəa ya̰ maree el ləm, loo gə́ ndul ɗig godo rəa’g ləm tɔ.

1 Piɛrə 1:5

gə mba kar sí-seḭ gə́ siŋgamoŋ lə Ala aḭ ŋgaŋ sí gə goo meekun lə sí lé mbata kaji gə́ a gə nduba rəa gə́ raga ndəa gə́ rudee a kun ɗiao lé.