Jeremi 32:2 - Maktub gə́ To gə Kəmee

² Njérɔje lə mbai gə́ Babilɔn d’aḭ dɔ Jerusalem sub gə rɔ. Jeremi, njetegginta lé si mee gad kəi-daŋgai’g gə́ to mee kəi’g lə mbai gə́ Juda tɔ.

Jeremi 32:2 Iomraidhean Croise

2 Mbaije 25:1

Ləb ko̰ɓee lə Sedesias gə́ njekɔm’g jinaikara, mee ndɔ gə́ njekɔm’g dɔg lə naḭ gə́ njekɔm’g dɔg lé Nebukadnesar, mbai gə́ Babilɔn ree gə njérɔje ləa lai ree rɔ ne gə njé gə́ Jerusalem, yeḛ gaŋg no̰ dee béréré si keneŋ ləm, gə uba dɔndalje aḭ ne dɔ dee sub-sub ləm tɔ.

Nehemi 3:25

Palal, ŋgolə Ujai ɓa ra kula loo gə́ wɔji dɔ dɔkum ndògo-bɔrɔ ləm, gə dɔ kəi-kaar-kɔgərɔ gə́ duu dɔ loo gə́ ur dɔ maree’g no̰ kəi’g lə mbai, mbɔr gad kəi-daŋgai’g. Gée-yeḛ’g lé Pedaja, ŋgolə Pareos ɓa ra kula keneŋ tɔ.

Pakɔsje 88:8

Boo-oŋg ləi lé wɔi dɔm’g ndiŋ-ndiŋ ləm, Man bélmje ləi lé taam loo yəŋgəm-yəŋgəm ləm tɔ.

Jeremi 32:3

Sedesias, mbai gə́ Juda ar dee d’udee kəi-daŋgai’g dəjee pana: See ban ɓa i tegginta pana: Njesigənea̰ pa togə́bè pana: Aa ooje, neḛ n’ya̰ ɓee-boo neelé meḛ ji mbai gə́ Babilɔn’g mba karee taa ləm,

Jeremi 32:8

Yen ɓa Hananeel, ŋgolə bɔm lé ree rɔm’g mee gad kəi-daŋgai’d gə goo ta lə Njesigənea̰ lé ulam ne pana: Maji kam m’ndogo sə neḛ ndɔ lə neḛ gə́ to Anatot, mee ɓee’g lə Bḛjamije mbata ma ɓa wɔji dɔm gə mba kam m’ndogo m’aree to nénduba ləm ndá maji kam m’ndogo ya. Bèe ɓa ma m’gər gao to gə́ to ta lə Njesigənea̰ ya.

Jeremi 33:1

Njesigənea̰ ula Jeremi ta njekɔm’g gɔl joo gə rɔtaje nee, loo gə́ yeḛ nai ne mee gad kəi-daŋgai’g ɓəi lé pana:

Jeremi 34:1

Ta gə́ Njesigənea̰ ula Jeremi gə rɔtaje nee loo gə́ Nebukadnesar, mbai gə́ Babilɔn gə njérɔje ləa lai ləm, gə ɓeeko̰je lai gə́ mee ɓeeje gə́ yeḛ o̰ ləma, gə koso-dəwje lai ləm tɔ d’aw rɔ gə njé gə́ Jerusalem gə ɓee-booje lai gə́ wɔji dəa lé ɓa nee:

Jeremi 36:5

Tɔɓəi Jeremi un ndia ar Baruk pana: M’a lé d’ɔgm ɓó m’askəm kaw mee kəi’g lə Njesigənea̰ el.

Jeremi 37:15

Meḛ ŋgan-mbaije lé ḭ sə dee jugugu dɔ Jeremi’g ar dee kundá tɔɓəi d’ilá kəi-daŋgai’d gə́ to mee kəi’g lə Jonatan njendaji-maktub lé mbata deḛ d’ar kəi ləa to kəi-daŋgai tɔ.

Jeremi 37:21

Yen ɓa mbai Sedesias, un ndia ar dee gə mba kar dee ŋgəm Jeremi gad kəi-daŋgai’g ləm, gə mba kar dee d’aree pil muru kára gə́ deḛ ndogo mba̰-rəw’g lə njékoro muruje lé gə ndɔje kára-kára lai ləm tɔ saar kar pil muruje gə́ mee ɓee-boo’g neelé godo lai. Togə́bè ɓa Jeremi nai ne mee gad kəi-daŋgai’g lé tɔ.

Jeremi 37:4

Mbata Jeremi lé aw njaa mbuna koso-dəwje’g yo gə́ nee ɓó d’ilá daŋgai el ɓəi.

Jeremi 38:13

Deḛ lel Jeremi gə kúla mee bwa-mán’g lé teḛ səa raga. Bèe ɓa Jeremi si ne gad kəi-daŋgai’g.

Jeremi 38:6

Yen ŋga deḛ d’un Jeremi d’ilá mee bwa-mán’g lə Malkija, ŋgolə mbai gə́ to mee gad kəi-daŋgai’g lé. D’ar Jeremi uru naŋg keneŋ gə kúla. Man godo mee bwa-mán’g neelé nɛ bɔrɔ ɓa to keneŋ ndá Jeremi dubu bɔrɔ’g tɔ.

Matiyo 5:12

Ndaje meḛ sí kaḭ-kaḭ ləm, alje rɔ sí ləm tɔ mbata seḭ a kiŋgaje némeekila lə sí gə́ to dara ɓəi. Mbata njéteggintaje lé d’ula kəm dee ndòo bèe ya ɓa seḭ oreeje goo dee ɓəi.