Jeremi 32:17 - Maktub gə́ To gə Kəmee

¹⁷ Ǝi Mbaidɔmbaije gə́ Njesigənea̰, aa oo, i ra dara gə naŋg nee gə boo-siŋgamoŋ ləi ləm, gə goo jii gə́ un loo lad-lad ləm tɔ. Né kára kara gə́ njedumi godo.

Jeremi 32:17 Iomraidhean Croise

Gḭ-Néje 18:14

Njesigənea̰ lé see né gə́ njedumee to keneŋ ya wa. Mee ndəa gə́ m’wɔji, mee naḭ gə́ togə́bè lé m’a tel ree rɔi’g ndá Sara a koji ŋgon gə́ diŋgam ya.

2 Mbaije 19:15

ra ne tamaji nee ar Njesigənea̰ pana: Njesigənea̰, Ala lə Israɛlje, i gə́ si dɔ kuraje gə́ dara gə́ ɓar dee Nékundaje gə́ dara! I nja kára ba kiao ɓa to Ala dɔ ɓeeko̰je’g lai gə́ dɔ naŋg nee ləm, i ɓa gə́ njekunda dara gə naŋg nee ləm tɔ.

2 Mbaije 3:18

Nɛ né neelé to né gə́ lam ba kəm Njesigənea̰’g ɓəi, yeḛ a gə kɔm Moabje meḛ ji sí’g tɔ ndá,

Nehemi 9:6

I nja ɓa to Njesigənea̰, i nja kára ba kiao, I to njekunda dara gə dara gə́ to dɔ na̰’d dɔ na̰’d ləm, Gə boo-nékundaje gə́ to keneŋ ləm, Gə naŋg gə néje lai gə́ to keneŋ ləma, Gə baa-boo-kad gə néje lai gə́ to keneŋ ləm tɔ. I nja ɓa ar néje lai neelé d’aw kəmba ləm, Ar boo-nékundaje gə́ dara d’unda barmba nɔḭ’g ləm tɔ.

Maktub gə́ wɔji dɔ Jɔb 42:2

Ma m’gər gao, i askəm ra néje lai, Né gə́ i wɔji-kwɔji ra lé né kára kara gə́ njekɔgi lé godo.

Pakɔsje 102:25

Gelee gə́ nee ɓa ma m’pana: Ala ləm, Loo gə́ ndɔ kisi kəmba ləm nai bula ɓəi lé Maji kari unm el, I gə́ ləbi to saar-saar gə no̰ lé.

Pakɔsje 136:12

Gə goo ji siŋgamoŋ ləa gə́ ɓar mèr-mèr ləm, Gə kag jia gə́ yeḛ ula ndiŋ ləm tɔ lé Mbata meekɔrjol ləa lé to saar-saar gə no̰.

Teḛ-Raga 20:11

Mbata mee ndɔje gə́ misa̰ lé Njesigənea̰ unda dara gə naŋg gə baa-boo-kad gə néje lai gə́ to keneŋ lé ndá ndɔ gə́ njekɔm’g siri lé yeḛ wa rəa keneŋ, gelee gə́ nee ɓa Njesigənea̰ tɔr ne ndia dɔ ndɔ-kwa-rɔ’g ləm, undá ne gə kəmee ləm tɔ.

Esai 42:5

Ala gə́ to Njesigənea̰ Yeḛ gə́ njekunda dara karee tad rəg-rəg ləm, Yeḛ gə́ unda naŋg nee gə néje lai gə́ to keneŋ ləm, Yeḛ gə́ ar koso-dəwje gə́ d’isi keneŋ d’əmə ləma, Ar deḛ gə́ d’isi keneŋ d’aw kəmba ləm tɔ lé Pa togə́bè pana:

Esai 44:24

Njesigənea̰, njekoga dɔ sí, Yeḛ gə́ njekuba sí meḛ ko̰ síje’g lé Pa togə́bè pana: Ma m’to Njesigənea̰ gə́ njekunda néje lai, Ma nja kára ba gə́ njenaji dara ləm, Ma nja kára ba gə́ njetḭ mee naŋg karee tad rəg-rəg ləm tɔ.

Esai 45:12

Ma nja ɓa m’unda naŋg ləm, M’unda dəw m’aree si keneŋ ləm tɔ, Ma nja ɓa m’naji dara ləm, Ma nja ɓa m’unda boo-néje lai keneŋ gə lée-lée ləm tɔ.

Esai 59:1

Wah! ji Njesigənea̰ na tas Gə mba kaji sí el ləm, Mbia kara wa soo Dɔ koo ta’g lə sí el ləm tɔ.

Jeremi 1:6

Ma m’tel m’ilá keneŋ m’pana: Wai! Mbaidɔmbaije gə́ Njesigənea̰, ma m’nai ŋgon yaa̰ ɓó m’askəm pata kəm koso-dəwje’g el.

Jeremi 14:13

M’ilá keneŋ m’pana: Ǝi Mbaidɔmbaije gə́ Njesigənea̰, aa oo, njéteggintaje d’ula dee pana: D’a koo kiambas gogo el ŋga ləm, ɓoo-boo a teḛ dɔ dee’g gogo el ŋga ləm tɔ. Nɛ lée neelé i a kar dee d’isi dan kankəm meekulɔm’g.

Jeremi 21:2

Maji kari dəji Njesigənea̰ ta mbata lə sí mbata Nebukadnesar, mbai gə́ Babilɔn rɔ sə sí. Banelə Njesigənea̰ a ra némɔri ləa kára mba kɔsee ne rəw dɔ sí’g.

Jeremi 27:5

To ma nja m’ra dɔ naŋg, gə dəwje, gə daje gə́ d’aw keneŋ gə goo siŋgamoŋ ləm gə́ ur dɔ loo ləm, gə jim gə́ m’ula ndiŋ ləm tɔ ndá dɔ naŋg lé m’ar dəw to gə́ məəm ya ndigi.

Jeremi 32:27

Aa oo, ma m’to Njesigənea̰, Ala lə dəwje lai, see né kára gə́ njedum-ma to keneŋ gən wa.

Jeremi 33:3

Ɓarm ndá m’a kilai keneŋ ndá m’a kulai boo-néje gə néje gə́ to loo-kiya’d gə́ i gər el lé.

Jeremi 4:10

Ma m’pana: Ǝi Mbaidɔmbaije gə́ Njesigənea̰! Kédé i su kəm koso-dəwje nee Gə ɓee gə́ Jerusalem ya pana: D’a si dan meelɔm’g. Nɛ d’isi ta yoo-kiambas’g.

Jeremi 51:15

Njesigənea̰ unda naŋg Gə goo siŋgamoŋ ləa ləm, Yeḛ tum gin naŋg nee Gə goo kəmkàr ləa ləma, Yeḛ naji dara gə goo gosonégər ləa ləm tɔ.

Jeremi 51:19

Ala gə́ to ka̰ Jakob lé To to gə́ deḛ bèe el, Mbata yeḛ nja to njera néje lai ləm, Israɛlje to ginkoji gə́ to nédɔji ləa ləm tɔ. Njesigənea̰ gə́ njeboo-néje ɓa gə́ ria.

Ejekel 11:13

Loo gə́ m’aw m’tegginta ndá Pelatia, ŋgolə Benaja oso vad wəi. Ma m’oso rəb m’dəb kəm naŋg tɔɓəi m’ra né gə ndum wəl m’pana: Ai-i Mbaidɔmbaije gə́ Njesigənea̰ see i a kar ges Israɛlje gə́ nai lé d’udu guduru bèe ya wa.

Ejekel 9:8

Ma m’nai gə karm ba loo gə́ d’aw tɔl dee lé ndá m’oso m’dəb kəm naŋg m’ra ne wəl m’pana: Wai Mbaidɔmbaije gə́ Njesigənea̰, see i a tuji ges Israɛlje lai gə́ nai kɔm ne boo-oŋg ləi dɔ Jerusalem’g wa.

Loo gə́ killa rea kəm Daniel’g 2:22

Ta gə́ ginee uru yaa̰ gə né gə́ to loo-kiya’g lé Yeḛ riba dəa gə́ raga ləm, Yeḛ gər né gə́ loondul dəb dɔ’g ləma, Lookàr to rəa’g ləm tɔ.

Loo gə́ killa rea kəm Daniel’g 6:20

Ta lookàr gə́ loo to gḭdo-gḭdo ɓəi ndá mbai ḭ aw gə tɔgee ta bwa toboḭje’g lé.

Jakari 12:1

Ndərta gə́ Njesigənea̰ pa wɔji ne dɔ Israɛl. Njesigənea̰ gə́ to njenaji dara ləm, Gə njetum gel naŋg nee ləma, Gə njera ndil dəw gə́ to mée’g ləm tɔ lé pa togə́bè pana:

Jakari 8:6

Njesigənea̰ gə́ njeboo-néje pa togə́bè pana: Ɓó lé néje neelé to gə́ nékɔb Kəm ges koso-dəwje gə́ nai mee ndəa gən lé See a to gə́ nékɔb kəm neḛ Njesigənea̰’d gə́ njeboo-néje lé to wa.

Bula lə Israɛlje 11:23

Njesigənea̰ tel ila Moyis’g pana: See ji Njesigənea̰ na tas wa. Ɓasinè i a koo see né gə́ m’ulai lé a teḛ əsé a teḛ el wa.

Matiyo 19:26

Jeju aa dee gərərə ula dee pana: Né neelé dəwje ɓa lée a dum dee təs nɛ Ala ɓa yḛ̀ né gə́ njedumee godo.

Mark 10:27

Jeju aa kəm dee gərərə ndá ula dee pana: Né gə́ bèe lé dəwje ɓa a dum dee ɓó a dum Ala nda̰ bèe el, mbata Ala lé né kára gə́ njedumee godo.

Lugu 1:37

Mbata Ala lé né kára gə́ njedumee godo.

Lugu 18:27

Jeju ila dee keneŋ pana: Dəwje ɓa loo né dum dee təs ɓó Ala ɓa yḛ̀, né gə́ njedumee godo.

Néra Njékaḭkulaje 14:15

Deḛ pata tɔg pir pana: Seḭ dəwje lé see ban ɓa seḭ raje ne né bèe wa. Jeḛ lé jeḛ n’to gə́ dəwje to gə́ seḭ nja tɔ. Jeḛ j’ula sí tagə́maji gə mba kar sí ya̰je ne goo magəje gə́ gə mḭdé ba nee mba telje rɔ sí goo Ala gə́ njesikəmba’g lé. Yeḛ nja ɓa gə́ njekunda dara gə naŋg nee gə baa-boo-kad gə néje lai gə́ to keneŋ.

Néra Njékaḭkulaje 15:18

Mbaidɔmbaije gə́ njegɔl néje neelé Gə́ yeḛ riba dɔ dee kédé par-par lé yeḛ nja ɓa pa bèe.

Néra Njékaḭkulaje 17:24

Ala gə́ njekunda naŋg nee gə néje lai gə́ to keneŋ lé yeḛ to Mbai dɔ dara gə dɔ naŋg nee tɔ. Bèe ndá yeḛ si mee kəi gə́ ji dəw ɓa ra el.

Loo gə́ killa rea kəm Ja̰’g 4:11

Mbaidɔmbaije, Ala lə sí, I nja askəm kiŋga rɔnduba ləm, gə riɓar ləma, Gə siŋgamoŋ gə tɔgmbaŋ ləm tɔ, Mbata i nja unda néje lai ləm, Rəw gə́ i nja wɔji ɓa deḛ d’isi ne ləma, I ra dee ne ləm tɔ.