Jeremi 32:10 - Maktub gə́ To gə Kəmee

¹⁰ Ma m’ndaŋg maktubee m’ɔs nétorjim keneŋ ləm, m’ar njékoo géeje d’oo ləma, m’wɔji larnda lé dɔ nékwɔji-né’g ləm tɔ.

Jeremi 32:10 Iomraidhean Croise

Gḭ-Néje 23:16

Abrakam oo ta lə Epro̰ maji. Ndá Abrakam wɔji larnda ar Epro̰ to gə́ yeḛ ulá lé kəm ŋgalə Het’g ndá to larnda tɔl-sɔ (400) gə goo kwɔji lar lə njékṵda néndogoje gə́ mee ndəa’g neelé.

Gḭ-Néje 23:20

Loo-ndɔ ləm, gə bolè mbal gə́ to keneŋ ləm tɔ lé to ka̰ Abrakam ya doŋgɔ doi gə́ loo-dubu-dəwje ləa gə́ yeḛ ndogo ji ŋgalə Het’g ya.

Maktub gə́ wɔji dɔ Jɔb 14:17

Kaltaje ləm lé i iya dee mee ɓɔl’g ləm, I ə̰ji néra kori-korije ɔm dɔm’g ləm tɔ.

Pa gə́ ur dɔ paje 8:6

Maji kari wam kaari’g sud To gə́ nétorji bèe, To gə́ nétorji gə́ to kag jii’g, Mbata ndigi na̰ lé Siŋga yaa̰ to gə́ ka̰ yoo bèe ləm, Ra nḭ-na̰ lé kədərə To gə́ loo-si njé gə́ d’wəi bèe ləm tɔ. Ra mal-na̰ gə́ ra dee lé O̰ meḛ dee lèm-lèm to gə́ pər To gə́ ndo̰ pər lə Njesigənea̰ bèe.

Esai 30:8

Ɓasinè lé maji kari aw ndaŋg taje neelé dɔ bəgərə’g no̰ dee’g ləm, Ndaŋ taree mee maktub’g ləm tɔ Mba karee to saar teḛ ndɔje gə́ d’a gə ree lé Gə́ kédé-kédé saar gə no̰.

Esai 44:5

Yeḛ gə́ nee a pana: Ma m’to ka̰ Njesigənea̰, Yeḛ gə́ yo a kunda ri Jakob dəa’g, Yeḛ gə́ raŋg a ndaŋg dɔ jia’g pana: Ka̰ Njesigənea̰! Ndá d’a ɓar ri Israɛl dan meenoji’g.

Jeremi 32:12

M’aw gə maktub ndogo loo-ndɔ lé m’ar Baruk, ŋgolə Nerija, ŋgolə Mahséja kəm Hananeel’d gə́ to ŋgolə bɔm lé ləm, gə kəm njékoo géeje gə́ d’unda ji dee dɔ maktub ndogee’g lé ləma, gə kəm Judaje’g lai gə́ d’isi mee gad kəi-daŋgai’g lé ləm tɔ.

Jeremi 32:25

Lé bèe kara i Mbaidɔmbaije gə́ Njesigənea̰, i ulam pana: Maji kam m’ndogo loo-ndɔ gə larnda ləm tɔ. Nɛ ɓee-boo lé oso ji Kaldeje’g mba̰.

Jeremi 32:44

D’a ndogo loo-ndɔje gə larnda ləm, d’a ndaŋg maktubee ləm, d’a kunda nétorji dee dɔ’g ləma, d’a kɔr njékoo géeje ləm tɔ mee ɓee’g lə Bḛjamije gə looje gə́ gugu dɔ Jerusalem ləm, gə mee ɓee-booje gə́ Juda ləm, gə mee ɓee-booje gə́ dɔ mbal’g ləm, gə mee ɓee-booje gə́ ndag-loo’g ləma, gə mee ɓee-booje gə́ to par gə́ dɔkɔl ləm tɔ. Mbata ma Njesigənea̰ m’pana: M’a kar njé’g lə dee gə́ d’aw ɓee-ɓər’g lé tel ree ya.

Loo gə́ killa rea kəm Daniel’g 8:26

Némḭdi gə́ wɔji dɔ kàrkemetagje gə ndɔje gə́ m’oo lé to kankəmta ya. Ma lé maji kam m’ŋgəm ta némḭdi neelé məəm’g mbata to ta gə́ wɔji dɔ né gə́ ndəa nai əw ɓəi.

Matiyo 27:66

Togə́bè deḛ d’ɔd d’aw rḛdə ta dɔɓar lé mbiao̰-mbiao̰ ndá d’unda njéŋgəmlooje ta’g tɔ.

Tagə́maji gə́ Ja̰ ndang 3:33

Yeḛ gə́ taa ta ləa mba̰ ndá yeḛ ɔr goo taree gəd pana: Ala lé pa kankəmta ya,

Tagə́maji gə́ Ja̰ ndang 6:27

Maji kar sí raje kula mba nésɔ gə́ a sané darɔ sí’g kari ba el. Nɛ raje kula mbata nésɔ gə́ a nai sə sí saar-saar gə́ a kar sí sije ne gə kəməgə́ gə no̰ lé gə́ Ŋgon-dəw a kar sí lé ya. Mbata yeḛ nja ɓa Ala Bɔ-dəwje lé ɔree unda gə kəmee gə dɔ jia.

2 Njé gə́ Kɔrḭtə 1:22

Yeḛ ɔr sí unda sí gə dɔ jia ar sí ndilee gə́ nétorjia tɔl ne meḛ sí bém.

Njé gə́ Epesə 1:13

Seḭje kara loo gə́ seḭ ooje ta gə́ tɔgərɔ lé to Tagə́maji gə́ seḭ ajije ne, seḭ ɔmje ne meḛ sí dəa’g ndá yeḛ ar sí Ndilmeenda gə́ Ala un ndia gə mba kar sí lé unda sí ne gə dɔ jia.

Njé gə́ Epesə 4:30

Ndilmeenda lə Ala gə́ ɔr sí unda sí gə kəmee gə dɔ jia saar kar ndɔ kuga sí a teḛ lé ulaje kəmee ndòo el.

Tel tura Godndu 32:34

See ta néje neelé ŋgəm dee rɔm’g dəb Esé to gə kəmee mbuna nébao’g ləm el wa

Jujé 18:9

Dəwje neelé d’ɔd d’aw gə loo-loo mee ɓee’g ndá deḛ ndaŋg ta gə́ wɔji dɔ kai ɓee loo siri gə goo ɓee-booje, ndaŋg taree mee maktub’g ya, ndá deḛ tel ree ne rɔ Juje’g loo-si dee’g Silo tɔ.

Loo gə́ killa rea kəm Ja̰’g 7:2

Tɔɓəi ma m’oo kura gə́ dara gə́ raŋg gə́ ḭ bər loo-kuba’g lə kàr, nétorji Ala gə́ njesikəmba to jia’g. Yeḛ pata gə ndia gə́ boi wəl ula kuraje lə Ala gə́ dara gə́ sɔ lé deḛ gə́ yeḛ un ndia ar dee kédé gə mba kar dee ra né g majel gə naŋg nee gə baa-boo-kad lé. Yeḛ ula dee pana:

Loo gə́ killa rea kəm Ja̰’g 9:4

D’ula beedéje neelé mba kar dee ra majel gə muje el ləm, əsé gə pudu néje el ləma, əsé gə kagje kara el ləm tɔ nɛ dəwje gə́ tɔs né ŋgono̰ dee’g gə nétorji Ala el lé ɓa d’a ra dee meeyèr ya.

Rudu 4:1

Boaj lé ḭ aw tarəwkɔg’d lə ɓee lé ɓa si naŋg keneŋ. Ndá aa oo, yeḛ gə́ to gə́ njenoji lə dee gə́ pər gə́ askəm kaa dɔ dee gə́ Boaj pata ləa kédé lé a gə dəs. Boaj ulá pana: I lé tel ree si nee! Bèe ɓa yeḛ tel ree si naŋg ya tɔ.