Jeremi 31:8 - Maktub gə́ To gə Kəmee

⁸ A ooje, ma m’ar dee D’ḭ ɓee gə́ dɔgel tel ree ləm, Deḛ gə́ d’isi gwɔi naŋg lé kara M’a mbo̰ dee dɔ na̰’d ləm tɔ, Njékəmtɔje, gə njémədje, gə denéje Gə́ d’aw gə kèm Gə njé gə́ d’isi gə ndóo to mbuna dee’g, To dəwje gə́ bula digi-digi Ɓa tel ree lée’g neelé.

Jeremi 31:8 Iomraidhean Croise

Pakɔsje 107:3

Deḛ gə́ yeḛ ḭ sə dee mee ɓeeje lai Gə́ to par gə́ bər gə dɔ-gó ləm, Gə par gə́ dɔgel gə par gə́ loo gə́ baa-boo-kad to keneŋ ləm tɔ lé Maji kar dee pa togə́bè ya.

Pakɔsje 65:5

Dəw gə́ i ɔr kəmee aree rəm pər gə́ rɔi’g Mba si mee gadlooje’g ləi lé Débee neelé rɔlel nai səa ya. Rɔlel lə kəi ləi gə kàr ŋgad-ŋgad lə kəi ləi gə́ to gə kəmee A kas sí nag-nag ya.

Pakɔsje 98:3

Yeḛ ar mée olé dɔ meemaji’g ləa gə dɔ meenda londoŋ’g ləa Gə́ wɔji dɔ gel-bɔje lə Israɛlje ləm, Kaji gə́ Ala lə sí aji sí ne lé D’oo gə loo lai-lai d’ɔr rudu naŋg nee njal ləm tɔ.

Esai 40:11

Yeḛ a kul koso-nékulje ləa to gə́ njekulbadje bèe, Yeḛ a kodo ŋgan badje gə kag jia ləm, Yeḛ a kwa dee kaaree’g ləm tɔ, Yeḛ a kɔn ko̰ badje gə́ ŋgan deeje d’il mbà dee tɔ.

Esai 42:16

M’a kar njékəmtɔje njaa rəw’d Gə́ deḛ gər kédé el ləm, M’a kɔr no̰ dee dan kila-rəwje Gə́ deḛ gər kédé el ləm tɔ, M’a kar loondul tel to gə́ lookàr no̰ dee’g ləm, M’a kar looje gə́ to guduru-guduru Tel d’asəna rai-rai ləm tɔ. Yee ɓa gə́ né gə́ m’a gə ra Ɓó m’a kuba gée kya̰ el.

Esai 43:6

M’a kula loo gə́ par gə́ dɔgel lé pana: Am dee! M’a kula loo gə́ par gə́ dɔkɔl lé pana: Ɔgm dee el! Arje ŋganəmje gə́ diŋgam d’ḭ ɓee gə́ əw ree ləm, Arje ŋganəmje gə́ dené kara d’ḭ gwɔi naŋg’d ree ləm tɔ.

Esai 45:22

Telje gə́ rɔm’g nee Ndá seḭ a kajije ne, Seḭ lai gə́ síje gwɔi naŋg’d lé! Mbata ma nja m’to Ala Ɓó yeḛ gə́ raŋg godo.

Esai 52:10

Njesigənea̰ ula ji meenda ləa ndiŋ Kəm ginkoji dəwje gə raŋg’g lai ar dee d’oo, Dəw-kundaje lai gə́ d’ɔr rudu naŋg nee rɔd lé D’a koo kaji gə́ Ala lə sí gə kəm dee nda̰-nda̰ ya.

Jeremi 16:15

Nɛ d’a pana: Njesigənea̰ to njesikəmba, yeḛ gə́ ar Israɛlje d’unda loo mee ɓee gə́ dɔgel gə ɓeeje lai gə́ yeḛ tuba dee ɔm dee keneŋ kédé lé! M’a tel sə dee mee ɓee’g lə dee gə́ m’ar bɔ deeje-je lé ya.

Jeremi 23:3

M’a mbo̰ ges badje ləm dɔ na̰’d mee ɓeeje lai gə́ m’unda dee m’ɔm dee keneŋ lé ndá m’a tel ree sə dee loo-ko̰-mu’g lə dee gogo. Deḛ d’a koji na̰ bula digi-digi.

Jeremi 23:8

Nɛ d’a pana: Njesigənea̰ to Njesikəmba, yeḛ gə́ ar ŋgaka gel-bɔje lə Israɛl d’ḭ mee ɓee gə́ dɔgel ləm, gə ɓeeje lai gə́ neḛ n’tuba dee n’ɔm dee keneŋ kédé ləm, gə n’tel sə dee n’ree sə dee mee ɓee’g lə dee ləm tɔ. Ndá d’isi mee ɓee’g lə dee ya.

Jeremi 29:14

M’a kya̰ loo kar sí iŋgamje ya. Njesigənea̰ ɓa pa bèe. M’a kar njé’g lə sí gə́ d’wa dee gə́ ɓərje lé tel ree ləm, m’a mbo̰ sí mbuna ginkoji dəwje gə raŋg’g lai gə looje lai gə́ m’tuba sí m’ɔm sí keneŋ ləm tɔ. Njesigənea̰ ɓa pa bèe. Ndá m’a tel sə sí ree sə sí loo gə́ d’wa sí keneŋ d’aw sə sí ɓee-ɓər’g lé.

Jeremi 3:12

Ɔd aw ila mber ar njé gə́ dɔgel d’oo taje nee pana: Israɛlje, seḭ gə́ toje majikojije el lé Tel reeje rɔm’g, Njesigənea̰ ɓa pa bèe. M’a kaa sí gə kəm dɔbee el Mbata ma m’to njemeekoso lemsé Ɓó ma m’ŋgəm oŋg ləm saar-saar el.

Jeremi 3:18

Mee ndəaje’g neelé gel-bɔje lə Juda d’a kɔm na̰’d gə gel-bɔje lə Israɛl, d’a kḭ na̰’d mee ɓee gə́ dɔgel kaw mee ɓee gə́ ma m’ar bɔ deeje-je gə́ né ka̰ dee lé.

Ejekel 20:34

N’a kar sí undaje loo mbuna koso-dəwje’g teḛje ləm, n’a mbo̰ sí dɔ na̰’d mee ɓeeje gə́ n’sané sí keneŋ ləm tɔ gə ji neḛ gə́ ɓar mèr-mèr ləm, gə kag ji neḛ gə́ n’ula ndiŋ ləma, gə boo-oŋg lə neḛ gə́ n’a ɓugu dɔ sí’g lé ləm tɔ.

Ejekel 20:41

N’a kwa sí gə́ rɔ neḛ’g asəna gə né gə́ ə̰də sululu loo gə́ n’ar sí undaje loo mbuna koso-dəwje’g teḛje ləm, n’ar sí ḭje mee ɓeeje gə́ n’sané sí keneŋ mbo̰ sí dɔ na̰’d ləm tɔ. Bèe ɓa seḭ a kundaje ne neḛ gə kəmee kəm ginkoji dəwje gə raŋg’g.

Ejekel 34:12

To gə́ njekulbadje tən ne badje ləa soo-soo loo gə́ yeḛ aar mbuna badje’g ləa lé, togə́bè ɓa neḛ kara n’a tel tən dəwje lə neḛ gə́ sanéna̰ ləm, n’a mbo̰ dee gə looje lai gə́ deḛ sanéna̰ keneŋ mee ndəa gə́ mum oso əsé loo dəb bigim lé ləm tɔ.

Ejekel 34:13

N’a kar dee d’unda loo mbuna koso-dəwje’g teḛ ləm, n’a mbo̰ dee mee ɓeeje’g ɓəd-ɓəd ləma, n’a tel ree sə dee mee ɓee’g lə dee ləm tɔ, n’a kul dee dɔ mbalje’d gə́ Israɛl ləm, gə mbɔr manje’g ləma, gə mee looje lai gə́ dəwje d’isi keneŋ ləm tɔ.

Ejekel 34:16

Yeḛ gə́ igi lé n’a saŋgee ləm, yeḛ gə́ ndəm lé kara n’a ndolee ree səa ləm, yeḛ gə́ iŋga doo lé n’a tɔ ta doo ləa ləma, yeḛ gə́ rəa tée lé n’a kar siŋgá ḭ dɔ maree’g ləm tɔ. Nɛ deḛ gə́ rɔ dee to ndəb-ndəb gə́ to njésiŋgaje lé n’a kar dee godo. Neḛ ndigi kul dee gə goo rəbee sur.

Misee 4:6

Njesigənea̰ pana: Mee ndəa’g neelé N’a mbo̰ njémədje gə́ rɔ neḛ’g ləm, N’a mbo̰ deḛ gə́ n’tuba dee kédé N’ula ne kəm dee ndòo lé ləm tɔ.

Soponi 3:19

Aa ooje, mee ndəa’g neelé N’a kar bo̰ néra njékula kəm loo ndooje ɔs ta dee’g, N’a taa dɔ njémədje ləm, Deḛ gə́ tuba dee lé N’a kwa dee gə́ rɔ neḛ’g ləma, N’a kar dee tel to népidi gə nékula rɔnduba Mee ɓeeje lai gə́ d’isi gə rɔkul keneŋ lé ləm tɔ lé.

Jakari 2:6

Ma m’dəjee m’pana: See aw gə́ ra wa. Ndá yeḛ ilam keneŋ pana: M’a gə kaw kwɔji Jerusalem gə mba koo tadee ləm, gə ŋgalee ləm tɔ.

Matiyo 12:20

Ŋgawlal gə́ mbəl lé yeḛ a korè tɔ el ləm, Kúla pər gə́ o̰ jḛ̀ lé kara yeḛ a kunda tɔl el ləm tɔ Saar mba kar ta gə́ to gə dɔ najee a dum ne dɔ loo dɔ naŋg nee ya.

Tagə́maji gə́ Ja̰ ndang 21:15

Loo gə́ d’o̰ né mba̰ ndá Jeju dəji Simo̰ Piɛrə pana: Simo̰, ŋgon Junas, see i undam dan kəmi’g unda deḛ gə́ d’aar nee wa. Simo̰ ndigi təa’g pana: Oiyo, Mbaidɔmbaije, i gər gao, ma lé m’ndigi ya. Jeju tel ilá keneŋ pana: Bèe ndá ul ŋgan badje ləm am.

1 Njé gə́ Kɔrḭtə 8:10

Mbata ɓó lé i gə́ to gə́ njenégər lé ɓa dəw ooi to gə́ i si ta ka nésɔ’g mee kəi-magə’d ndá see dəw neelé gə́ meekun ləa tɔg el ɓəi lé see nérai a kɔree karee sɔ da nékulje gə́ d’inja gə́ məs d’ar magəje lé el wa.

Tel tura Godndu 30:4

Lé d’a kwa sí kaw sə sí kaw kila sí gwɔi dara’g kara Ala lə sí gə́ Njesigənea̰ a mbo̰ sí dɔ na̰’d kar sí ḭje lé gə́ neelé ləm, lé gə́ neelé ɓa yeḛ a kaw saŋg sí keneŋ ləm tɔ.

1 Njé gə́ Tesalonikə 5:14

Ŋgako̰ síje, jeḛ n’ra ndòo rɔ sí’g ɓəi: maji kar sí ndəjije deḛ gə́ d’aw kori-kori ləm, ulaje diŋgam meḛ deḛ gə́ meḛ dee təd mán ləm, gədje njémeembɔrèje ləma, ilaje meḛ sí po̰ dɔ dəwje’g lai ləm tɔ.

Ǝbrəje 12:12

Gelee gə́ nee ɓa ji sí gə́ unda ndolè lé ar deeje ɓar mèr-mèr ləm, kəji sí gə́ unda bala kara aarje ne tar jigiri ləm tɔ.

Ǝbrəje 4:15

Mbata ŋgɔ-njekinjanéməs lə sí lé askəm gər gin rəm lə sí gao ya mbata yeḛ si dan nékərje gə́ gə ria-ria to gə́ ra sí lé nɛ yeḛ tibi ne mbɔr kaiya el.