Jeremi 31:3 - Maktub gə́ To gə Kəmee

³ Njesigənea̰ tɔjim rəa Loo gə́ əw’g ya pana: Ma ndigi sí gə meenoji gə́ to gə no̰, Gelee gə́ nee ɓa ma m’ar meemaji ləm To keneŋ mbata lə sí.

Jeremi 31:3 Iomraidhean Croise

1 Mbaije 10:9

Maji kar dɔ ri Mbaidɔmbaije Ala ləi ai səgərə, yeḛ gə́ ooi maji ɓa undai dɔ kalimbai’g lə Israɛlje lé. Mbata Njesigənea̰ unda Israɛlje dan kəmee’g saar-saar ya, yee gə́ bèe ɓa, yeḛ undai ne gə́ mbai mba kari gaŋg ne rəwta lə dee gə dɔ najee gə mbəa.

Pakɔsje 103:17

Nɛ meemaji lə Njesigənea̰ lé to saar-saar Mbata lə njéɓəleeje ləm, Meekɔrjol ləa lé to saar-saar Mbata lə ŋgan meḛ ŋgan deeje ya ləm,

Pakɔsje 25:6

Njesigənea̰, ar məəi olé dɔ meekɔrjol’g ləi ləm, gə dɔ meemaji’g ləi ləm tɔ, Mbata deḛ to saar gə no̰.

Pa gə́ ur dɔ paje 1:4

Ilam gooi’g ar sí j’aiŋgwɔd j’aw! I gə́ to mbai ləm lé Maji kari aw səm mee kəi’g ləi, Ar sí n’raje rɔlel ləm, Ar sí j’isije dan boo-rɔkal’g gə mbata ləi ya, Ar sí ndubaje rɔ sí dɔ ndigi’g ləi J’aree ur dɔ ka̰ mán-nduú’g. Ndigi gə́ deḛ ndigii lé to lée’g ya.

Esai 43:4

To gə́ seḭ toje né gə́ to ŋgonkəm ləm, To gə́ seḭ toje nériɓar gə́ m’unda sí dan kəm’g ləm tɔ Ndá ma m’ar dəwje m’taa ne tor sí ləm, M’ar koso-dəwje mba kaji sí ne ləm tɔ.

Esai 45:17

Mbɔl dɔ Njesigənea̰ ɓa Israɛlje d’iŋga ne kaji, To kaji gə́ to saar gə no̰, Seḭ a naije gə rɔkul əsé kəm sɔḭ el Saar-saar gə no̰.

Esai 49:14

Sio̰ pana: Njesigənea̰ ubam ya̰’m ləm, Mee Mbaidɔmbaije wəi dɔm’g ləm tɔ!

Ojee 11:1

Njesigənea̰ pana: Loo gə́ Israɛlje nai ne ŋganje ɓəi lé Neḛ n’unda dee dan kəm neḛ’g, Neḛ m’ɓar dee ŋgan neḛje N’ar dee d’unda ne loo mee ɓee gə́ Ejiptə teḛ.

Ojee 11:4

Kula meenoji ɓa neḛ ndɔr dee ne ləm, Gə kúla kunda dee dan kəm neḛ’g ləm tɔ. Neḛ n’ra sə dee asəna gə yeḛ gə́ ɔr néməməna̰ gwɔb nékulje’g bèe Tɔɓəi n’ar dee nésɔ dee ɓəi tɔ.

Malasi 1:2

Njesigənea̰ pana: Ma m’unda sí dan kəm’g. Nɛ seḭ pajena: See ma m’unda sí dan kəm’g to gə́ ban wa. Njesigənea̰ pana: Esawu lé see yeḛ to ŋgoko̰ Jakob el wa. Nɛ lé bèe kara ma m’unda Jakob dan kəm’g nɛ ma m’ə̰ji Esawu bəḭ-bəḭ .

Njé gə́ Rɔmə 8:30

Deḛ gə́ yeḛ wɔji dee mée’g kédé lé yeḛ ɓar dee ləm, deḛ gə́ yeḛ ɓar dee lé yeḛ ɔr ta dɔ dee’g ləma, deḛ gə́ yeḛ ɔr ta dɔ dee’g lé yeḛ ula rɔnduba dɔ dee’g ləm tɔ.

Njé gə́ Rɔmə 9:13

Ta gə́ ndaŋg mee maktub gə́ to gə kəmee kara pa togə́bè to pana: Neḛ n’unda Jakob dan kəm neḛ’g, Nɛ n’ə̰ji Esawu bəḭ-bəḭ.

Tel tura Godndu 10:15

Lé bèe kara to bɔ síje-je ya ba ɓa Njesigənea̰ ɔm sə dee na̰’d gə mba kunda dee dan kəmee’g, tɔɓəi goo dee-deḛ’g lé to ŋgaka deeje, yee ɓa to seḭ gə́ yeḛ mbər sí mbuna koso-dəwje’g lai to gə́ seḭ ooje ne ɓogənè lé ya.

Tel tura Godndu 33:26

Moyis pa ya tɔɓəi pana: Dəw kára kara gə́ njetana gə Ala lə Israɛlje lé godo, Yeḛ uba dɔ dara aw Gə mba ree la sə sí ləm, Yeḛ uba dɔ mumje Gə rɔnduba ləa ləm tɔ.

Tel tura Godndu 33:3

Oiyo, yeḛ unda koso-dəwje lé dan kəmee’g, Deḛ gə́ to gə kəmee ləa lai to meḛ jia’g. Deḛ d’isi gel gɔlee’g ləm, Deḛ taa taje ləa ləm tɔ.

Tel tura Godndu 4:37

Yeḛ unda bɔ síje-je dan kəmee’g ləm, yeḛ mbər ŋgaka deeje gə́ goo dee’g ləm tɔ, gə goo boo siŋgamoŋ ləa lé ɓa yeḛ ar sí undaje ne loo mee ɓee gə́ Ejiptə teḛje ya,

2 Timote 1:9

Yeḛ nja aji sí ləm, yeḛ ɓar sí ləm tɔ mba kar sí n’ra kula gə́ to gə kəmee ɓəd. Néra sí ɓa, yeḛ ɔr sí ne gə mbəa el nɛ to gə goo né gə́ yeḛ nja wɔji-kwɔji mée’g ləm, to gə goo noji gə́ yeḛ wa sə sí gin Jeju Kristi ɓad ɓa yeḛ tum ne gin naŋg nee ɓəi ləm tɔ.

Maktub gə́ Jak ula ne ar ngan-Allaje 1:18

Yeḛ nja oji sí to gə́ mée ndigi, kankəmta ɓa yeḛ ɔr sí ne mba kar sí n’toje ne kó dəwje ləa.

1 Piɛrə 1:3

Maji kar dɔ ri Ala Bɔ Jeju Kristi Mbaidɔmbaije lə sí lé ai səgərə. Yeḛ ar mée oso lemsé dɔ sí’g oji sí ne sigi, tɔɓəi teḛ gə́ yeḛ ar Jeju Kristi teḛ dan njé gə́ d’wəi’g lé ar meekundayel lə sí to ne kəmba tɔ.

1 Ja̰ 4:19

Jeḛ lé j’unda Ala dan kəm sí’g mbata yeḛ nja unda sí dan kəmee’g kédé gə́ dɔtar.