Jeremi 31:16 - Maktub gə́ To gə Kəmee

¹⁶ Njesigənea̰ pa togə́bè pana: Ǝwje rɔ sí no̰je, Arje kəm sí tudu kurum, Mbata seḭ a kiŋgaje nékoga-dɔ-ji sí Dɔ kula ra síje’g. Njesigənea̰ ɓa pa bèe D’a kḭ ɓee lə njéba̰je lə dee tel ree ya.

Jeremi 31:16 Iomraidhean Croise

Gḭ-Néje 43:31

Loo gə́ yeḛ togo kəmee mba̰ ndá yeḛ teḛ raga, ila mée dɔ maree’g po̰ ndá pana: Gə́ reeje gə nésɔ ar síje ŋga.

Gḭ-Néje 45:1

Yen ŋga Jisəb oo loo mba kɔg rəa dɔ no̰’g kəm dəwje’g lai gə́ gugu dəa sub lé el. Yeḛ ɔr ndia wəl pana: Arje dəwje lai teḛ raga. Yee ɓa ar dəw kára kara nai gə Jisəb el loo gə́ yeḛ riba dɔ rəa ar ŋgakea̰je gəree ne lé.

2 Sôrta Gḭka Israɛlje 15:7

Nɛ seḭ lé ɓasinè maji kar sí waje diŋgam meḛ sí’g ləm, arje ji sí unda ndolè el ləm tɔ mbata kula ra sí lé seḭ a kiŋgaje nédɔji sí keneŋ ya.

Pakɔsje 126:5

Deḛ gə́ dubu né gə mán-no̰ kəm dee’g lé D’a kinja kée gə pa boo-rɔkal ta dee’g ya.

Pakɔsje 30:5

Maji kar sí ɔsje pa arje Njesigənea̰, Seḭ gə́ ṵdáje dan kəm sí’g lé Maji kar sí ɔsje pa pidije ne meenda londoŋ ləa tɔ.

Njekillamber 9:7

Ɔd aw o̰ muru ləi gə rɔlel ləm, Gə ai mán-nduú ləi gə meelel ləm tɔ Mbata néraije lé taa kəm Ala mba̰ ya.

Esai 25:8

Yeḛ tuji yoo pugudu saar gə no̰, Mbaidɔmbaije gə́ Njesigənea̰ a bi mán-no̰ kəm dəwje’g lai ləm, Yeḛ a kar rɔkul-boo gə́ wa kəm koso-dəwje ləa lé Godo dɔ naŋg nee lai ləm tɔ, Mbata Njesigənea̰ ɓa pa bèe.

Esai 30:19

Oiyo, seḭ koso-dəwje gə́ Sio̰ gə́ síje Jerusalem lé Seḭ a no̰je gə mán-no̰ kəm sí’g el ŋga! Yeḛ a koo ndu no̰ lə sí ndá Yeḛ a ra sə sí meemaji ləm, Léegəneeya gə́ yeḛ oo ndu sí ndá Yeḛ a tel kila sí keneŋ ləm tɔ.

Esai 40:10

Aa ooje, Mbaidɔmbaije gə́ Njesigənea̰ lé si ree gə siŋgamoŋ Yeḛ a ko̰ɓee gə jia gə́ ɓar mèr-mèr, Aa ooje, nékoga-dɔ-ji ləa to meḛ jia’g ləm, Nékoga-dɔ-jije ləa lé to nea̰’g ləm tɔ.

Jeremi 23:3

M’a mbo̰ ges badje ləm dɔ na̰’d mee ɓeeje lai gə́ m’unda dee m’ɔm dee keneŋ lé ndá m’a tel ree sə dee loo-ko̰-mu’g lə dee gogo. Deḛ d’a koji na̰ bula digi-digi.

Jeremi 29:14

M’a kya̰ loo kar sí iŋgamje ya. Njesigənea̰ ɓa pa bèe. M’a kar njé’g lə sí gə́ d’wa dee gə́ ɓərje lé tel ree ləm, m’a mbo̰ sí mbuna ginkoji dəwje gə raŋg’g lai gə looje lai gə́ m’tuba sí m’ɔm sí keneŋ ləm tɔ. Njesigənea̰ ɓa pa bèe. Ndá m’a tel sə sí ree sə sí loo gə́ d’wa sí keneŋ d’aw sə sí ɓee-ɓər’g lé.

Jeremi 30:18

Njesigənea̰ pa togə́bè pana: Aa ooje, njé gə́ mee kəi-kubu’g Le Jakob gə́ d’wa dee ɓər lé Ma m’tel ree sə dee ɓée. M’oo kəmtondoo lə loo-si deeje, D’a tel gɔl ɓee-boo lé lée’g Gə́ tuji to keneŋ ləm, D’a tel gɔl kəi-mbai lé Karee to to gə́ kédé ya ləm tɔ.

Jeremi 30:3

Njesigənea̰ pana: Aa ooje, ndɔje gə́ d’a gə ree lé m’a tel gə koso-dəwje ləm gə́ Israɛl gə Judaje gə́ d’aw ɓee-ɓər’g lé ree sə dee. Njesigənea̰ ɓa pa bèe. M’a tel ree sə dee mee ɓee gə́ m’ar bɔ deeje-je lé ndá a to ka̰ dee-deḛ ya.

Jeremi 33:11

d’a koo ndu pa rɔlel gə ndu pa kalrɔ ləm, gə ndu paje lə njedené-sigi gə njeŋgao-sigi ləm, gə ndu paje lə dee gə́ d’ɔs pana: Pidije Njesigənea̰ gə́ njeboo-néje Mbata Njesigənea̰ lé to njemajidum ləm, Meekɔrjol ləa to saar gə no̰ ləm tɔ. D’a koo ndu paje lə deḛ gə́ d’inja nékinjanéməsje gə́ ka̰ ra oiyo mee kəi’g lə Njesigənea̰ mbata m’a tel ree sə dee, ree kunda dee lée’g neelé to gə́ kédé ya. Njesigənea̰ ɓa pa bèe.

Jeremi 33:7

M’a tel gə Judaje gə Israɛlje gə́ d’wa dee ɓər lé ree sə dee ɓée, ree kunda dee kar dee d’isi to gə́ kédé lé ya.

Ejekel 37:21

M’a kula dee pana: Mbaidɔmbaije gə́ Njesigənea̰ pa togə́bè pana: Aa ooje, n’a kɔr Israɛlje mbuna ginkoji dəwje gə raŋg gə́ deḛ d’aw keneŋ ləm, n’a mbo̰ dee dɔ na̰’d gə looje lai ləma, n’a tel ree sə dee mee ɓee’g lə dee gogo ləm tɔ.

1 Njé gə́ Tesalonikə 4:14

Mbata ɓó lé j’ɔm meḛ sí dɔ kwəi gə́ Jeju wəi’g ləm, gə dɔ teḛ gə́ yeḛ unda loo teḛ dan njé gə́ d’wəi’g ləm tɔ ndá maji kar sí j’ɔm meḛ sí dɔ tel gə́ Ala a kar deḛ gə́ d’wəi gin Kristi’g lé d’a tel ree gə Jeju na̰’d tɔ.

Ǝbrəje 11:6

Tɔgərɔ ya, ɓó lé meekun godo ndá dəw kára kara askəm taa kəm Ala el. Mbata kɔm mee dɔ Ala’g kée to gə́ yeḛ si gən ləm, kée gə́ yeḛ gə́ a kar nana gə́ ndolè uba maji ləm tɔ lé yee ɓa gə́ kuma̰ kar dəw rəm ne pər gə́ rɔ Ala’g ya.

Ǝbrəje 6:10

Mbata Ala lé to njera né gə́ lal najee el, mée a kwəi dɔ kula ra sí gə́ seḭ raje areeje lé el ləm, gə dɔ ɓar gə́ seḭ arje ria ɓar ne wəl-wəl el ləma, gə dɔ nojimeenda gə́ seḭ waje gə deḛ gə́ to gə kəmee bur-bur kédé lé saar ɓasinè el ləm tɔ.

Rudu 2:12

Maji kar Njesigənea̰ wa səi noji godə maree’g ləm, maji kar nédɔji ləi bura ḭ rɔ Njesigənea̰’g, Yeḛ gə́ to Ala lə Israɛlje ləm, Yeḛ gə́ i ree mba kula dɔi gel bagee’g lé ləm tɔ.