Jeremi 31:1 - Maktub gə́ To gə Kəmee

¹ Njesigənea̰ pana: Mee ndəa’g neelé m’a to Ala lə gel-bɔje lə Israɛlje lai ndá deḛ kara d’a to koso-dəwje ləm tɔ.

Jeremi 31:1 Iomraidhean Croise

2 Samel 7:24

I wɔji məəi’g njaŋg gə mba kar Israɛlje to koso-dəwje ləi ya saar-saar gə no̰ ləm, mba kari-i Njesigənea̰ tel to ne Ala lə dee ləm tɔ.

Pakɔsje 144:15

Rɔlel nai gə koso-dəwje gə́ d’isi dan maji’g togə́bè, Rɔlel nai gə koso-dəwje gə́ Njesigənea̰ to Ala lə dee lé.

Pakɔsje 48:14

Oreeje kəm sí sḭ dɔ ndògo’g ləa ləm, Tḛje kəi-mbaije ləa soo-soo ləm tɔ. Gə mba kɔr gée kar ginkaje gə́ gogo.

Esai 20:6

Mee ndəa’g neelé deḛ gə́ d’isi kelee gə́ neelé d’a pa pana: Aa ooje né gə́ teḛ dɔ né gə́ j’unda meḛ sí yel dəa’g ləm, j’ɔm meḛ sí dəa’g mba karee aji sí taa sí ji mbai gə́ Asiri’g ləm tɔ lé ɓa nee. Ŋga see j’a kaḭ kaw ra ɓa mba kaji rɔ sí wa.

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Jeremi 23:6

Mee ndɔje’g ləa lé Judaje d’a kaji ləm, Israɛlje d’a si lɔm loo-si dee’g ləm tɔ, Aa ooje, ria gə́ d’a ɓaree ne ɓa nee: Njesigənea̰ to njegin meekarabasur lə sí.

Jeremi 3:18

Mee ndəaje’g neelé gel-bɔje lə Juda d’a kɔm na̰’d gə gel-bɔje lə Israɛl, d’a kḭ na̰’d mee ɓee gə́ dɔgel kaw mee ɓee gə́ ma m’ar bɔ deeje-je gə́ né ka̰ dee lé.

Jeremi 30:10

I kura ləm Jakob, maji kari ɓəl el, Njesigənea̰ ɓa pa bèe, Israɛl, maji kari unda bala el! Mbata m’a kɔri dɔ naŋg gə́ əw’g ləm, M’a kɔr ŋgakaije ɓee-ɓər’d Gə́ d’isi keneŋ lé ləm tɔ, Jakob a tel ree ndá yeḛ a kiŋga Loo-kwa-rɔ gə loo-si-lɔm ləm, Dəw kára kara a jɔgee el ləm tɔ.

Jeremi 30:22

Seḭ a toje koso-dəwje ləm ləm, Ma m’a to Ala lə sí ləm tɔ.

Jeremi 30:24

Oŋg lə Njesigənea̰ Gə́ o̰ to gə́ pər bèe lé a kwəi bèm el Saar karee tɔl ne ta néje Gə́ yeḛ wɔji mée’g mba ra lé bém, Ndɔje gə́ gogo ɓa seḭ a gərje njai ɓəi.

Jeremi 30:3

Njesigənea̰ pana: Aa ooje, ndɔje gə́ d’a gə ree lé m’a tel gə koso-dəwje ləm gə́ Israɛl gə Judaje gə́ d’aw ɓee-ɓər’g lé ree sə dee. Njesigənea̰ ɓa pa bèe. M’a tel ree sə dee mee ɓee gə́ m’ar bɔ deeje-je lé ndá a to ka̰ dee-deḛ ya.

Jeremi 31:33

Njesigənea̰ pana: Aa ooje, man gə́ m’a man rɔm kar gel-bɔje lə Israɛl loo gə́ ndɔje nee a dəs mba̰ lé ɓa nee: M’a kula godndum meḛ dee’g ləm, m’a ndaŋg dee dɔɓəŋgərə dee’g ləm tɔ. M’a to Ala lə dee ləm, d’a to koso-dəwje ləm ləm tɔ.

Jeremi 32:38

D’a to koso-dəwje ləm ndá m’a to Ala lə dee tɔ.

Jeremi 33:14

Njesigənea̰ pana: Aa ooje, ndɔje gə́ d’a gə ree lé ta gə́ maji gə́ ma m’pa dɔ gel-bɔje’g lə Israɛl gə dɔ gel-bɔje’g lə Juda lé m’a karee aw lée’g béréré.

Jeremi 33:7

M’a tel gə Judaje gə Israɛlje gə́ d’wa dee ɓər lé ree sə dee ɓée, ree kunda dee kar dee d’isi to gə́ kédé lé ya.

Jeremi 50:4

Njesigənea̰ pana: Mee ndəaje’g nee gə mee kàree’g nee lé Israɛlje gə Judaje d’a tel ree na̰’d, D’a njaa gə mán-no̰ kəm dee’g ləm, D’a saŋg Njesigənea̰, Ala lə dee ləm tɔ.

Ejekel 11:20

Togə́bè seḭ a kunje goo ndukunje lə neḛ ləm, seḭ a kaaje dɔ godnduje lə neḛ kər-kər mba ra née ləm tɔ, bèe ɓa seḭ a toje koso-dəwje lə neḛ ləm, n’a to Ala lə sí ləm tɔ.

Ejekel 34:24

Neḛ Njesigənea̰ lé n’a to Ala lə dee ndá kura lə neḛ Dabid ɓa a to mbai mbuna dee’g. Neḛ Njesigənea̰ ya m’pata nee.

Ejekel 34:31

Seḭ gə́ toje badje lə neḛ gə́ aarje loo-ko̰-mu’g lə neḛ lé seḭ toje dəwje, neḛ n’to Ala lə sí, Mbaidɔmbaije gə́ Njesigənea̰ ɓa pa bèe.

Ejekel 36:28

Seḭ a síje mee ɓee gə́ neḛ n’ar bɔ síje-je lé, seḭ a toje koso-dəwje lə neḛ ndá neḛ n’a to Ala lə sí tɔ.

Ejekel 39:22

Gel-bɔje lə Israɛl d’a gər to gə́ neḛ n’to Njesigənea̰, Ala lə dee un kudee mee ndəa’g neelé saar teḛ ne mee ndɔje gə́ d’a gə ree ɓəi.

Ejekel 39:25

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Ɓasinè n’a tel gə njé’g lə Jakob gə́ d’aw sə dee ɓee-ɓər’g lé ree sə dee ləm, n’a koo kəmtondoo lə gel-bɔje lə Israɛl lai ləma, n’a kaḭ bada dɔ ri neḛ gə́ to gə kəmee lé ləm tɔ.

Ləbije 26:12

M’a njaa sə sí ləm, m’a to Ala lə sí ləma, seḭ a toje dəwje ləm ləm tɔ.

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

Tagə́maji gə́ Ja̰ ndang 20:17

Jeju tel ilá keneŋ pana: Ɔrɔ rɔm el, mbata m’ḭ m’aw rɔ Bɔm’g el ɓəi. Nɛ ɔd aw iŋga ŋgabɔmje ula dee: M’isi m’aw gə́ rɔ Bɔm gə́ to Bɔ síje lé ləm, m’isi m’aw gə́ rɔ Ala’g lé ləm gə́ to Ala lé lə sí ləm tɔ.

2 Njé gə́ Kɔrḭtə 6:16

See kəi-Ala gə ka̰ magə-poleje yḛ̀, d’a kula dee na̰’d loo gə́ ra wa. Mbata jeḛ lé n’to kəi-Ala gə́ njesikəmba to gə́ Ala nja pa pana: N’a sí keneŋ ləm, n’a njaa mbuna dee’g ləm tɔ, N’a to Ala lə dee ləm, deḛ nja kara d’a to koso-dəwje lə neḛ ləm tɔ.

Ǝbrəje 12:16

Undaje kəmkàr dɔ rɔ sí’g mba kar balgogé godo mbuna sí’g ləm, mba kar dəw nésɔ gə́ asəna gə Esawu sí mbuna sí’g el ləm tɔ, mbata Esawu to gə́ ŋgondər ya, nɛ wa ŋgondər lé ndogo ne lɔ-mḭji.