Jeremi 30:9 - Maktub gə́ To gə Kəmee

⁹ D’a ra kula kar Njesigənea̰, Ala lə dee ləm, d’a kar Dabid, mbai lə dee gə́ m’a karee ḭ mbuna dee’g ləm tɔ.

Jeremi 30:9 Iomraidhean Croise

Pakɔsje 89:49

See dəw gə́ a si kəmba lal koo yoo si gən wa. See dəw gə́ askəm kɔg rəa kaw ɓee lə njé gə́ d’wəi’g lé si gən ya wa.

Jeremi 23:5

Njesigənea̰ pana: Aa ooje, mee ndɔje gə́ a gə ree lé M’a kar barkəm Dabid Gə́ to njera né gə dɔ najee uba sigi, Yeḛ a ko̰ɓee gə́ mbai ləm, Yeḛ a teḛkɔr ləm, Yeḛ a gaŋg rəwta gə dɔ najee ləma, A ra né gə goo rəbee mee ɓee’g ləm tɔ.

Jeremi 29:11

Ma m’gər né gə́ m’wa dɔ gɔlee m’wɔji ne dɔ sí gao, to né gə́ wɔji dɔ meelɔm ɓó némeeko̰ el mba kar sí né gə́ nai no̰ sí’g ləm, kar sí undaje ne meḛ sí yel ləm tɔ. Njesigənea̰ ɓa pa bèe.

Jeremi 30:21

Mbai lə dee a kḭ Mbuna dee-deḛ’g ya ləm, Njeko̰ dɔ dee kara a kḭ Mbuna dee’g ləm tɔ, M’a karee rəm pər gə́ rɔm’g Ndá yeḛ a ree rɔm’g ya. Mbata see na̰ ɓa a rəm pər Gə́ rɔm’g gə dɔrea wa. Njesigənea̰ ɓa pa bèe.

Jeremi 33:15

Mee ndɔje’g neelé gə mee kàree’g neelé m’a kar barkəm Dabid gə́ to njemeekarabasur lé nduba rəa. Yeḛ a gaŋg rəwta gə dɔ najee ləm, a ra né gə goo rəbee ləm tɔ mee ɓee’g.

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Matiyo 2:2

Deḛ dəji pana: Mbai lə Jibje gə́ d’ojee lé see to loo gə́ ra wa. Mbata jeḛ j’oo kérèmé ləa bər ndá jeḛ n’ree mba kwá meḛ sí’g.

Lugu 1:69

Yeḛ nja ɔr njekaji sí gə́ njesiŋgamoŋ Mbuna ŋgaka Dabid gə́ to kura ləa lé ar sí,

Néra Njékaḭkulaje 13:23

Ŋgoka Dabid lé ɓa Ala ɔr njekaji keneŋ ar Israɛl, yee ɓa gə́ Jeju gə goo ndukun gə́ yeḛ un ne ndia ar dee lé.

Néra Njékaḭkulaje 13:34

Teḛ gə́ yeḛ aree teḛ dan njé gə́ d’wəi’g lé a tel kunda naŋg ndəs el ŋga to gə́ yeḛ pa ne taree təsərə pana: N’a kar sí néje lə Dabid gə́ to gə kəmee ləm, gə nétɔrnduje gə́ to njaŋg ya ləm tɔ.

Néra Njékaḭkulaje 2:30

Yeḛ lé to gə́ njetegginta ləm, yeḛ gər gao, Ala nja man rəa aree mba kar ŋgokea kára mbuna ŋgakeaje’g si kalimbai’g ləa tar gao ya.