Jeremi 30:3 - Maktub gə́ To gə Kəmee

³ Njesigənea̰ pana: Aa ooje, ndɔje gə́ d’a gə ree lé m’a tel gə koso-dəwje ləm gə́ Israɛl gə Judaje gə́ d’aw ɓee-ɓər’g lé ree sə dee. Njesigənea̰ ɓa pa bèe. M’a tel ree sə dee mee ɓee gə́ m’ar bɔ deeje-je lé ndá a to ka̰ dee-deḛ ya.

Jeremi 30:3 Iomraidhean Croise

Esdras 3:1

Naḭ gə́ njekɔm’g siri, loo gə́ Israɛlje d’isi mee ɓee-booje’g lə dee lə dee mba̰ ndá koso-dəwje ree mbo̰ dɔ na̰ Jerusalem asəna gə dəw gə́ kára ba bèe.

Esdras 3:12

Nɛ njékinjanéməsje ləm, gə Ləbije ləma, gə mbai dɔ gel baujeje gə́ na̰je bula ləm tɔ lé, deḛ gə́ tɔg gə́ d’oo kəi gə́ dɔtar lé gə kəm dee lé ndá, no̰ gə ndu dee gə́ boi wəl loo gə́ deḛ d’oo gin kəi gə́ nee gə́ d’aw tum lé. Njé gə́ raŋg bula d’ɔr ndu dee gə́ tar wəl ra ne birim-birim gə rɔlel,

Esdras 3:8

Mee ləb gə́ njekɔm’g joo gə́ orè goo ree gə́ deḛ ree loo gə́ kəi-Ala to ne Jerusalem kédé lé mee naḭ gə́ njekɔm’g joo ndá Jorobabel, ŋgolə Səaltiel, gə Juje, ŋgolə Josadak, gə ges ŋgako̰ deeje gə́ to njékinjanéməsje gə Ləbije, gə deḛ lai gə́ d’ḭ ɓee-ɓər’g tel ree Jerusalem lé d’un kudu ra kula neelé. Deḛ gə́ to Ləbije gə́ ləb dee as rɔ-joo əsé unda rɔ-joo ɓa d’unda dee gə́ njékaa dɔ kula kunda kəi lə Njesigənea̰-je ya.

Pakɔsje 126:4

Njesigənea̰, maji kari tel gə njé’g lə sí gə́ d’wa dee gə́ ɓər lé Asəna gə mán baaje gə́ tel aḭ kuji-kuji dɔdilaloo gə́ to par gə́ dɔkɔl bèe.

Pakɔsje 53:6

Yen ɓa d’a kunda bala ndəb ne pəd-pəd Lal ne gin né gə́ bèe gə́ ka̰ kunda ne bala, Ala a sané sḭgarɔ dee-deḛ Gə́ d’aw d’ula kəm dəwje ləa ndòo, I a kila rɔkul dɔ dee’g mbata Ala mbad dee.

Jeremi 16:15

Nɛ d’a pana: Njesigənea̰ to njesikəmba, yeḛ gə́ ar Israɛlje d’unda loo mee ɓee gə́ dɔgel gə ɓeeje lai gə́ yeḛ tuba dee ɔm dee keneŋ kédé lé! M’a tel sə dee mee ɓee’g lə dee gə́ m’ar bɔ deeje-je lé ya.

Jeremi 23:5

Njesigənea̰ pana: Aa ooje, mee ndɔje gə́ a gə ree lé M’a kar barkəm Dabid Gə́ to njera né gə dɔ najee uba sigi, Yeḛ a ko̰ɓee gə́ mbai ləm, Yeḛ a teḛkɔr ləm, Yeḛ a gaŋg rəwta gə dɔ najee ləma, A ra né gə goo rəbee mee ɓee’g ləm tɔ.

Jeremi 27:11

Nɛ ginkoji dəwje gə́ d’a kula gwɔb dee gel néməməna̰’g lə mbai gə́ Babilɔn gə mba koso gelee’g ndá m’a kya̰ dee mee ɓee’g lə dee kar dee d’isi keneŋ ləm, kar dee ndɔ-ndɔ keneŋ ləm tɔ. Njesigənea̰ ɓa pa bèe.

Jeremi 27:22

D’a kaw ne Babilɔn ndá d’a to keneŋ saar ndɔ gə́ m’a kaw saŋg dee gə mba kar dee tel ree ne lée’g neelé. Njesigənea̰ ɓa pa bèe.

Jeremi 29:10

Nɛ aa ooje, ta gə́ Njesigənea̰ pa ɓa nee: Loo gə́ ləb gə́ rɔ-siri gə́ wɔji dɔ Babilɔn a dəs mba̰ ndá m’a kar məəm olé dɔ sí’g ləm, m’a kar tagə́maji ləm gə́ m’pa m’wɔji ne dɔ sí lé aw lée’g béréré mba tel sə sí lée’g neelé gogo ləm tɔ.

Jeremi 29:14

M’a kya̰ loo kar sí iŋgamje ya. Njesigənea̰ ɓa pa bèe. M’a kar njé’g lə sí gə́ d’wa dee gə́ ɓərje lé tel ree ləm, m’a mbo̰ sí mbuna ginkoji dəwje gə raŋg’g lai gə looje lai gə́ m’tuba sí m’ɔm sí keneŋ ləm tɔ. Njesigənea̰ ɓa pa bèe. Ndá m’a tel sə sí ree sə sí loo gə́ d’wa sí keneŋ d’aw sə sí ɓee-ɓər’g lé.

Jeremi 3:18

Mee ndəaje’g neelé gel-bɔje lə Juda d’a kɔm na̰’d gə gel-bɔje lə Israɛl, d’a kḭ na̰’d mee ɓee gə́ dɔgel kaw mee ɓee gə́ ma m’ar bɔ deeje-je gə́ né ka̰ dee lé.

Jeremi 30:10

I kura ləm Jakob, maji kari ɓəl el, Njesigənea̰ ɓa pa bèe, Israɛl, maji kari unda bala el! Mbata m’a kɔri dɔ naŋg gə́ əw’g ləm, M’a kɔr ŋgakaije ɓee-ɓər’d Gə́ d’isi keneŋ lé ləm tɔ, Jakob a tel ree ndá yeḛ a kiŋga Loo-kwa-rɔ gə loo-si-lɔm ləm, Dəw kára kara a jɔgee el ləm tɔ.

Jeremi 30:18

Njesigənea̰ pa togə́bè pana: Aa ooje, njé gə́ mee kəi-kubu’g Le Jakob gə́ d’wa dee ɓər lé Ma m’tel ree sə dee ɓée. M’oo kəmtondoo lə loo-si deeje, D’a tel gɔl ɓee-boo lé lée’g Gə́ tuji to keneŋ ləm, D’a tel gɔl kəi-mbai lé Karee to to gə́ kédé ya ləm tɔ.

Jeremi 30:4

Yee nee ɓa gə́ taje gə́ Njesigənea̰ pa wɔji ne dɔ Israɛlje ləm, gə dɔ Judaje ləm tɔ.

Jeremi 31:16

Njesigənea̰ pa togə́bè pana: Ǝwje rɔ sí no̰je, Arje kəm sí tudu kurum, Mbata seḭ a kiŋgaje nékoga-dɔ-ji sí Dɔ kula ra síje’g. Njesigənea̰ ɓa pa bèe D’a kḭ ɓee lə njéba̰je lə dee tel ree ya.

Jeremi 31:23

Njesigənea̰ gə́ njeboo-néje gə́ to Ala lə Israɛlje pa togə́bè pana: Ta gə́ d’a gə pa mee ɓee gə́ Juda gə mee ɓee-booje’g ləa ɓəi, loo gə́ m’a kar njé’g lə dee gə́ d’aw ɓee-ɓər’g lé tel ree ɓée lé ɓa nee: Maji kar Njesigənea̰ tɔr ndia dɔi’g I gə́ loo-sii to loo-gaŋg-rəwta Gə goo rəbee ləm, I gə́ to dɔ mbal gə́ to gə kəmee ləm tɔ!

Jeremi 31:27

Njesigənea̰ pana: Aa ooje, ndɔje gə́ a gə ree lé m’a kunda kó dəwje ləm gə kó daje ləm tɔ mee kəi’g lə Israɛl gə Juda to gə́ dəw dubu ne kó loo-ndɔ’g ləa bèe.

Jeremi 31:31

Aa ooje, Njesigənea̰ pana: Ndɔje gə́ d’a gə ree lé m’a man rɔm gə manrɔ gə́ sigi kar gel-bɔje lə Israɛl gə gel-bɔje lə Juda .

Jeremi 31:38

Njesigənea̰ pana: Aa ooje, ndɔje gə́ a gə ree lé d’a gɔl ɓee-boo gogo kar ri Njesigənea̰ ɓar’g lé ndá a kun kudee dɔ kəi’g lə Hananeel gə́ duu dɔ loo lé saar teḛ ne tarəwkɔg gə́ ria lə Dɔkumloo.

Jeremi 32:37

Aa ooje, m’a kḭ sə dee mee ɓeeje lai gə́ m’tuba dee m’ɔm dee keneŋ gə oŋg, gə meekḭ jugugu gə boo-meekḭ pu lé tel ree mbo̰ dee dɔ na̰’d na̰’d ləm, m’a ree sə dee lée’g neelé ləma, m’a kar dee d’isi keneŋ gə meekulɔm ləm tɔ.

Jeremi 32:44

D’a ndogo loo-ndɔje gə larnda ləm, d’a ndaŋg maktubee ləm, d’a kunda nétorji dee dɔ’g ləma, d’a kɔr njékoo géeje ləm tɔ mee ɓee’g lə Bḛjamije gə looje gə́ gugu dɔ Jerusalem ləm, gə mee ɓee-booje gə́ Juda ləm, gə mee ɓee-booje gə́ dɔ mbal’g ləm, gə mee ɓee-booje gə́ ndag-loo’g ləma, gə mee ɓee-booje gə́ to par gə́ dɔkɔl ləm tɔ. Mbata ma Njesigənea̰ m’pana: M’a kar njé’g lə dee gə́ d’aw ɓee-ɓər’g lé tel ree ya.

Jeremi 33:26

ma m’a kuba ŋgaka Jakob, gə ŋgaka kura ləm Dabid kya̰ dee togə́bè ləm, mbuna ŋgakeaje’g lé m’a kɔr deḛ gə́ d’a gə ko̰ dɔ ŋgaka Abrakam, gə ka̰ Isaak, gə ka̰ Jakob el ŋga ləm tɔ. Mbata m’a kar njé’g lə dee gə́ d’aw ɓee-ɓər’g tel ree ɓée ləm, m’a koo kəmtondoo lə dee ləm tɔ.

Jeremi 51:60

Némeeko̰je lai gə́ d’a gə ree dɔ Babilɔn’g ləm, gə taje nee lai gə́ ndaŋg wɔji dɔ Babilɔn ləm tɔ lé Jeremi ndaŋg taree mee maktub’g.

Ejekel 20:42

Seḭ a gərje to gə́ neḛ n’to Njesigənea̰ loo gə́ n’a mbo̰ sí mee ɓee’g lə Israɛlje, mee ɓee gə́ neḛ manrɔ neḛ mba kar bɔ síje-je lé.

Ejekel 34:13

N’a kar dee d’unda loo mbuna koso-dəwje’g teḛ ləm, n’a mbo̰ dee mee ɓeeje’g ɓəd-ɓəd ləma, n’a tel ree sə dee mee ɓee’g lə dee ləm tɔ, n’a kul dee dɔ mbalje’d gə́ Israɛl ləm, gə mbɔr manje’g ləma, gə mee looje lai gə́ dəwje d’isi keneŋ ləm tɔ.

Ejekel 36:24

N’a kɔr sí mbuna ginkoji dəwje gə raŋg’g ləm, n’a kḭ sə sí mee ɓeeje’g lai mbo̰ sí dɔ na̰’d ləma, n’a tel ree sə sí mee ɓee’g lə sí gogo ləm tɔ.

Ejekel 47:14

Seḭ a taaje gə́ né ka̰ sí ka̰ sí karee as na̰-na̰, mbata neḛ n’un ji neḛ gə́ tar man ne rɔ neḛ gə mba kar bɔ síje-je. Bèe ɓa ɓee neelé seḭ a kiŋgaje gə́ né ka̰ sí ya.

Joɛl 3:1

Gée’g gogo ndá m’a kɔm Ndiləm dɔ dəwje’g lai gə loo-loo, Ŋgan síje gə́ diŋgam gə njé gə́ dené D’a to njéteggintaje ləm, Ɓugaje lə sí d’a koo né gə nije ləma, Basaje lə sí d’a koo né gə némḭdije ləm tɔ.

Soponi 2:7

Ta baa-boo-kadje neelé d’a to mbata ges gel-bɔje lə Juda gə́ nai, Lée neelé ɓa d’a kul rɔ dee keneŋ: Loondul ndá d’a kwa rɔ dee mee kəije’g lə Askalo̰: Mbata Njesigənea̰, Ala lə dee lé Mée a kwəi dɔ dee’g el Ndá yeḛ a kɔr dee ɓee-ɓər’g lə dee tel ree sə dee.

Soponi 3:20

Mee ndəa’g neelé n’a tel ree sə sí, Mee ndəa’g neelé n’a mbo̰ sí dɔ na̰’d, Mbata n’a kar sí tel toje gə́ nékula rɔnduba gə népidi Mbuna koso-dəwje lai gə́ dɔ naŋg nee Loo gə́ n’a kḭ gə njé’g lə sí gə́ d’wa dee gə́ ɓər Tel sə dee kəm sí’g ya, Njesigənea̰ ɓa pa bèe.

Lugu 17:22

Yeḛ ula njékwakiláje pana: Ndəaje a gə teḛ loo gə́ seḭ a ndiŋgaje rɔ sí gə mba kooje ndəa gə́ ka̰ Ŋgon-dəw lé nɛ seḭ a kooje pai godo.

Lugu 19:43

Mbata ndɔje gə́ njéba̰je ləi d’a teḛ dɔi’g kuru bwa gugu ne dɔi sub ləm, d’a gugu giri sub ləma, d’a kudu dɔi jigi-jigi ləm tɔ lé kàree a teḛ ndá d’a tujii pugudu gə ŋganije gə́ d’isi səi lé na̰’d.

Lugu 21:6

Néje nee gə́ seḭ ooje lé loo gə́ ndəa a gə teḛ lé ndá mbal kára gə́ to dɔ maree’g gə́ a lal jura naŋg el lé godo.

Tel tura Godndu 30:3

Ala lə sí gə́ Njesigənea̰ a tel gə njé’g lə sí gə́ d’wa dee gə́ ɓər ləm, a ra sə sí meemaji ləma, yeḛ a tel mbo̰ sí dɔ na̰’d kar sí ḭje mbuna koso-dəwje’g lai gə́ Ala lə sí gə́ Njesigənea̰ sané sí mbuna dee’g lé ləm tɔ.

Tel tura Godndu 30:5

Ala lə sí gə́ Njesigənea̰ a tel ree sə sí mee ɓee gə́ bɔ síje-je taa gə́ ka̰ dee lé ndá seḭ a taaje gə́ né ka̰ sí, yeḛ a ra sə sí némeemaji ləm, a kar bula lə sí ḭ dɔ maree’g unda ka̰ bɔ síje-je ləm tɔ.

Ǝbrəje 8:8

Mbata Mbaidɔmbaije oo Israɛlje gə́ njétareeje ɓa yeḛ ula dee pana: Aa ooje, mee ndəa gə́ kàree a gə teḛ lé M’a man rɔm sigi kar ɓee lə Israɛl gə ɓee lə Juda lé Mbaidɔmbaije ɓa pa bèe.